Category: ངོ་སྤྲོད།

ཆུ་སྐྱེས་སྒྲོལ་མས།༼འདི་ནི་གུས་མོས་ཨ་རིའི་རླུང་འཕྲིན་ཁང་གི་བོད་སྐད་ལེ་ཚན་ནང༌། བོད་ཀྱི་དུས་ཆེན་སྐོར་སྙན་སྒྲོན་རྒྱང་བསྲིང་ཞུ་བའི་མ་ཟིན་ཡིན། མ་གཞི་བྱས་ན། དོན་གནད་ཁག་གི་ཐད་འབྲེལ་ཡོད་རིགས་ལ་བཅར་འདྲི་དང་བགྲོ་གླེང་སྦྲགས་མའི་རྒྱང་བསྲིང་གི་སྒྲ་སྐད་དང་ལྡན་པ་ཞིག་ཡིན་ནའང༌། དྲ་ཚིགས་ནང་འདིར་སྒྲ་སྐད་སྐོར་འགོད་སྟངས་མ་ཤེས་ནས་རེ་བཞག་མཉམ་སྦྱར་མ་ཐུབ་པར་ཡོད། ༽ ད་བྱས་ན། དེ་རིང་གི་ལེ་ཚན་འདིའྀ་ནང༌། བོད་དབུས་ཁུལ་གྱི་དུས་ཆེན་གྲགས་ཅན། དཔལ་ལྷ་རི་རབ་ཀྱི་སྐོར་དེ་སྙན་སྒྲོན་ཞུ་གི་ཡིན།ལྷ་ས་ཁུལ་གྱི་ཤོད་སྲོལ་ལ། ལྷ་ས་དཔལ་ལྷའི་རི་ཁྲོད། ཞོལ་པ་དགའ་ལྡན་ལྔ་མཆོད། ཅེས་བཤད་སྲོལ་ཡོད། དེའི་གོ་དོན་སྙིང་པོ་ནི། དཔལ་ལྷའི་རི་ཁྲོད་ཀྱི་ཉིན་དེར། ལྷ་སའི་གཡས་གཡོན་དུ་བཞུགས་མཁན་གྱི་གྲོང་མི་དང་སྤུན་མཆེད་རྣམས། ལྷ་སའི་གཙུག་ལག་ཁང་དུ། མཆོད་མཇལ་ཞུ་བ་དང་དཔལ་ལྷ་མོ་མཇལ་དུ་ཕེབས་ཀྱི་ཡོད་པ་དང༌། སྐབས་དེར་ལྷ་ས་བ་ཚོས་ཞོལ་བ་རྣམས་སྐུ་མགྲོན་དུ་སྐད་བཏང་ནས། གསོལ་ཚིགས་འདེགས་སྲོལ་ཡོད། ཡང་དགའ་ལྡན་ལྔ་མཆོད་ཀྱི་ཉིན་མོར། ཞོལ་པ་རྣམས་ཀྱིས་ལྷ་ས་པ་རྣམས་སྐུ་མགྲོན་དུ་འབོད་པ་དང༌། གསོལ་ཚིགས་འདེགས་སྲོལ་ཡོད། བོད་དབུས་ཁུལ་དང༌། ལྷག་པར་དུ་བོད་ཀྱི་རྒྱལ་ས་ལྷ་སའི་གཡས་གཡོན་གྱི་བོད་མི་ཚོར་མཚོན་ན། དཔལ་ལྷ་རི་རབ་ཀྱི་དུས་ཆེན་འདི་ནི། དགའ་སྣང་ཆེ་ཤོས་བྱེད་པའི་དུས་ཆེན་གྱི་གྲས་ཤིག་ཡིན། དཔལ་ལྷའི་རི་ཁྲོད་ཀྱི་དུས་ཆེན་དངོས་གཞི་དེ་ནི། ལོ་རེའི་བོད་ཟླ་བཅུ་པའི་ཚེས་བཅོ་ལྔའི་ཉིན་ཡིན་ཞིང༌། ཉིན་དེར། ལྷ་ལྡན་གཙུག་ལག་ཁང་གི་གནས་སྲུང་དཔལ་ལྷ་དྲག་མོར་ལྷ་གསོལ་ཞུ་བའི་དུས་ཆེན་ཞིག་ཆགས་ཀྱི་ཡོད། དཔལ་ལྷའི་གསོལ་བའི་དུས་ཆེན་གྱི་ཐོག་མའི་བྱུང་རིམ་སྐོར་ལ། བོད་ཀྱི་དམངས་ཁྲོད་དུ་སྙན་འཇེབསལྡན་པའི་ཤོད་སྲོལ་ཞིག་ཡོད་པ་དེའི་སྐོར་ཞུས་ན། གཙུག་ལག་ཁང་གི་སྲུང་མ་ཆེན་མོ་དཔལ་ལྡན་དམག་ཟོར་རྒྱལ་མོ་ལ་ཕྲུ་གུ་བུ་མོ་གསུམ་བྱུང་བ་ལས། ཆུང་བའི་མིང་ལ་དཔལ་ལྷ་ཤིག་མོ་ཞུ་བ་དང༌། དེ་ནི་དམག་ཟོར་རྒྱལ་མོས་ཁོང་གི་དབུ་ལ་ཤིག་མང་པ་ཡོད་ཙང༌། བུ་མོ་ལ་ཐེངས་མང་པོ་སྒྲུག་བཅུག་པ་ཡིན་ནའང༌། བུ་མོ་དེས་ཨ་མ་ལགས་ཀྱི་ཞལ་ལ་མ་ཉན་ནས། དུས་རྟག་ཏུ་རྩེད་འཇོར་གཡེང་བསྡད་པ་རེད་ཟེར། དམག་ཟོར་རྒྱལ་མོ་ཁོང་ཁོང་ཁྲོ་ལངས་ནས། བུ་མོ་ཁོང་གི་གཟུགས་པོ་ཡོངས་རྫོགས་ལ་ཤིག་གིས་ཁྱབ་པར་ཤོག་ཅེས། སྨོན་ལམ་ལོག་པ་བཏབས་གནང་བས། ཕྱིས་སུ་དཔལ་ལྷ་ཤིག་མོ་ཞེས་ལུས་ཡོངས་རྫོགས་ཤིག་གིས་གཡོག་ནས་ཡོད་པ་ཞིག་ཆགས་པར་བཤད།བུ་མོ་འབྲིང་བའི་མཚན་ལ་གདོང་བཙན་རྒྱལ་མོ་ཞུ་གི་ཡོད་པ་དང༌། དེས་ནི་དུས་རྟག་ཏུ་ཨ་མ་ལགས་ལ་ཁ་ལན་སློག་གི་ཡོད་སྟབས། ཨ་མས་མོ་རང་སློང་མོ་བ་ཞིག་ཏུ་འགྱུར་བར་ཤོག་ཅེས་སྨོན་ལམ་བཏབས་པ་ལ་བརྟེན་ནས། མཐར་མ་དེར་གཙུག་ལག་ཁང་གི་ལྷོ་་ངོས་ཀྱི་རྡོ་སྟེང་དུ་སློང་མོ་བའི་ཚུལ་གྱིས་བཞུགས་ནས་ཡོད་པ་ཞིག་དེང་སང་ཡང་མཇལ་རྒྱུ་ཡོད། དེ་ནི་ལམ་གྱི་མགྲོན་པོ་རྣམས་ཀྱིས་མཆོད་འབུལ་ཁོ་ནར་བརྟེན་ནས་བཞུགས་ཀྱི་ཡོད།བུ་མོ་ཆེ་བའི་མིང་ལ་དཔལ་ལྷ་དྲག་མོ་ཟེར་བ་དེ་ནི། སྐྱེས་པ་ཕོ་གང་བྱུང་མང་བྱུང་དང་མཉམ་དུ་ཆགས་པ་སྤྱོད་པ་ཞིག་ཆགས་སྟབས། ཨ་མ་དམག་ཟོར་རྒྱལ་མོས། མོ་རང་ལ་ཚེ་གང་པོར་ཁྱོ་ག་གཅིག་ཀྱང་མི་རག་པར་ཤོག གལ་སྲིད་རག་པའི་དབང་དུ་བཏང་ནའང༌། ཁྱོ་ག་དེ་དང་ལོ་གཅིག་ལ། དུས་གཅིག་ལས་ཐུག་འཕྲད་མི་ཡོང་བར་ཤོག་ཅེས་སྨོན་ལམ་བཏབས་པས། ཕྱིས་སུ་དཔལ་ལྷ་དྲག་མོར་ཁྱོ་ག་གཅིག་རང་བྱུང་བ་དེ་ནི། དེ་སྔར་གཙུག་ལག་ཁང་གི་ཇོ་བོའི་སྐུ་སྲུང་ཡིན་པ་ཆོས་སྐྱོང་རྫོང་བཙན་རེད།དེ་ཡང༌།…

(རྩོམ་ ཐུང་འདི་ཤེས་རབ་ཀྱི་ཟིན་བྲིས་ལས་བཤུས། ) ༄༅། །དབྱིན་ཇི་གོང་མས་དུས་རབས་ ༡༦ པ་ནས་ཕྱི་ལོ་ ༡༩༤༧ བར་མི་ལོ་ཉིས་བརྒྱ་ལྷག་གི་རིང་རྒྱ་གར་ལ་དབང་སྒྱུར་བྱས་པ་དང༌། སྐབས་དེ་དག་རིང་དབྱིན་ཇིའི་དམག་མི་དང་ཚོང་པ་སོགས་མང་པོ་ཞིག་ནས་རྒྱ་གར་གྱི་བུད་མེད་དང་མཉམ་ཆང་ས་བརྒྱབ་པ་ལས།ཨིང་ལོ་ཨིན་ཌ་ཡ་ཟེར་བ་ཕ་དབྱིན་ཇི་དང་མ་རྒྱ་གར་བ་ཡིན་པའི་བུ་ཕྲུག་མང་དུ་བྱུང་ཞིང༌། ཕྱི་ལོ་ ༡༩༤༧ ལོར་མི་འབོར་སྡོམ་རྩིས་བརྒྱབ་པ་ལྟར་ན་དེ་འདྲ་བའི་མི་གྲངས་འབུམ་བཞི་ཡས་མས་ཤིག་རྒྱ་གར་ནང་ཡོད་འདུག ཕྱི་ལོ་ ༡༩༤༧ སྔོན་དུ་ཨིང་ལོ་ཨིན་ཌ་ཡ་དེ་ཚོ་དབྱིན་ཇི་ལས་རིམ་པ་དམའ་བ་དང་ རྒྱ་གར་བ་ལས་མཐོ་བའི་དམིགས་བསལ་གྱི་རིགས་གསུམ་པ་བ་ཞིག་ཏུ་དགར་ཏེ། དབྱིན་ཇི་གཞུང་ནས་ཀྱང་རྒྱ་གར་དང་མི་འདྲ་བར་དམིགས་བསལ་ཀྱིས་སློབ་གྲྭ་སོགས་ཀྱི་མཐུན་རྐྱེན་སྤྲོད་བཞིན་ཡོད་འདུག་ཅིང༌། ད་དུང་སྐབས་དེར་ལས་གནས་གཅིག་པ་ཡིན་ཀྱང་དབྱིན་ཇི་ལ་གླ་ཕོགས་སྐོར་ ༣༠༠ ཡོད་ན་ཨིང་ལོ་ཨིན་ཌ་ཡ་ལ་སྒོར་ ༢༠༠ དང་རྒྱ་གར་བ་ལ་སྒོར་ ༡༠༠ བཅས་རིམ་པ་བཞིན་གཏན་ཕེབས་བྱས་ཡོད་འདུགདེ་ལྟར་དབྱེ་འབྱེད་དང་རིམ་པ་ཕྱེས་པ་ལས་གང་འཚམས་ནས་ཁོང་ཚོའི་གཟུགས་དབྱིབས་མི་འདྲ་བའི་ཁྱད་ཆོས་དང༌། སྐད་ཀྱང་དབྱིན་སྐད་ལས་རྒྱ་གར་སྐད་མི་སྤྱོད་ཅིང༌། དེ་བཞིན་འཚོ་བ་སྤྱོད་སྟངས་སོགས་གང་ཐད་ནས་རྒྱ་མིན་བོད་མིན་གྱི་ཐུན་མོང་མ་ཡིན་གོམས་སྲོལ་ཞིག་བྱུང་ནས། མཐར་ཨིང་ལོ་ཨིན་ཌ་ཡ་ཞེས་པའི་མི་སྡེའམ་སྤྱི་ཚོགས་བྱེ་བྲག་པ་ཅིག་གི་ངོས་འཛིན་ ཐོབ་པ་དང༌། ད་ལྟ་ཡང་རྒྱ་གར་གཞུང་གིས་གྲོས་ཚོགས་འོག་མའི་ནང་ཁོང་ཚོའི་འཐུས་ཚབ་མི་གཉིས་དམིགས་བསལ་གྱིས་བཅུག་བཞིན་ཡོད་འདུག དེ་འདྲ་བའི་ལོ་རྒྱུས་འདི་ནི། བོད་ལ་མིང་དོན་མཚུངས་པའི་རང་སྐྱོང་ཐོབ་པ་ན་བོད་ནང་གི་རྒྱ་རིགས་རྣམས་ཇི་ལྟར་བྱེད་ དགོས་མིན་དང༌ཡང་འབྲེལ་བ་ཕྲན་བུ་ཡོད་སྲིད་ལ། ཕྱོགས་གཞན་ཞིག་ནས་དམིགས་བསལ་གྱི་ཁྱད་ཆོས་ལྡན་པའི་ཚོགས་སྡེ་ལ་དམིགས་བསལ་གྱི་སྤྱི་འཐུས་དགོས་མིན་སོགས་ཀྱི་ཐད་ལ་ཡང་བསམ་བློ་ཐོངས་བའི་རིགས་པ་འདྲ་རྙེད་སྲིད་སྙམ་ནས་བྲིས་པ་ཡིན། རྩ་བའི་རྒྱ་གར་ནང་གི་ཨིང་ལོ་ཨིན་ཌ་ཡ་ཟེར་བ་འདི་ལ་གྲངས་ཉུང་མི་རིགས་ཟེར་དགོས་སམ། སྤྱི་ཚོགས་དང་ཚོགས་སྡེ་ཟེར་དགོས་སམ། ཁོང་ཚོ་ལ་དམིགས་བསལ་མངའ་སྡེ་དང་ས་གནས་འདི་ཡིན་ཟེར་བ་མེད་ཀྱང༌། གང་ལྟར་ཐུན་མོང་མ་ཡིན་པ་ཞིག་གི་ངོས་འཛིན་གྱི་ཐོག་ནས་དམིགས་བསལ་ཐོབ་ཐང་ག་རེ་ ཡོད་མེད་སོགས་བློ་ལྡན་རྣམས་ནས་ཞིབ་འཇུག་གནང་ན་ང་འདྲ་པོ་ལ་བློ་སྐྱེད་མང་པོ་ཡོང་བ་འདུག་གོ། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

སྲས་མོ་ཌ་ཡ་ན། (Princess Diana) དཔར་ལས་མཁས་ཅན་མང་པོས་སྲས་མོ་ཌ་ཡ་ན་ནི་འདྲ་དཔར་གཟུགས་བྱད་༼འདྲ་དཔར་སོགས་ཀྱི་ནང་མཐོང་གནང་དོད་པོ་ཡོད་མཁན་༽ཅན་ཞིག་ཡིན་པར་བརྗོད་ཅིང་། མི་མང་གི་དུས་དེབ་ཀྱི་ཁ་ཤོག་སྟེང་དུ་ཡང་གཞན་ལས་མང་བ་བཀོད་ཀྱི་ཡོད། འོན་ཀྱང་སྲས་མོ་ཁོང་ནི་བུད་མེད་མཛེས་མའི་སྙིང་པོ་བསྡུས་པ་ཙམ་དུ་མ་ཟད་དཔེ་ཟླ་བྲལ་བ་ཞིག་ཡིན་པ་དང་། ཁོང་མོ་ནི་མི་མང་ལ་ཞེ་དྲག་རྒྱང་རིང་པོ་བྱེད་མཁན་མིན་པས་མི་མང་གི་ཁྲོད་ཡོངས་གྲགས་ཆགས་ཡོད།སྲས་མོ་ཌ་ཡ་ན་ནི་༡༩༨༧ལོར་རེག་དུག་(AID)ནད་པ་ཚོ་དང་ལྷན་དུ་དཔར་རྒྱག་མཁན་གྱི་སྙན་གྲགས་ཅན་གྱི་མི་ཆེན་དང་པོའི་ནང་ནས་གཅིག་ཡིན་པ་དང་། མི་མང་གིས་རེག་དུག་ནད་གཞི་དེ་མི་ཕན་ཚུན་རེག་ཐུག་བྱས་པ་ལས་བགོས་ཀྱི་ཡོད་པར་ཡིད་ཆེས་བྱེད་པའི་དུས་སུ་མོས་ལས་འགུལ་གྱིས་མི་མང་གི་བསམ་བློ་བཅོས་བསྒྱུར་བྱེད་པར་ཕན་ཐོགས་ཆེན་པོ་བྱས་ཡོད། ས་འོག་གི་འབར་འདེལ་བེད་སྤྱད་བྱེད་པར་འཛམ་གླིང་སྤྱིའི་བཀག་སྡོམ་ཡོང་རྒྱུའི་རེ་བ་བྱས་པ་དང་གཞན་བུད་མེད་ཚོར་དུད་འགྲོའི་དགེ་རྩའི་ལས་འཆར་དེ་འདྲ་བྱུང་རྒྱུའི་རེ་བ་བྱས་པའི་མི་མང་ཁྲོད་ཀྱི་མོའི་ལོ་རྒྱུས་སྙིང་བསྡུས་དེ་ཚོས་གནོད་འཚེ་ཕོག་ཡུལ་དང་ལས་འགུལ་སྤེལ་མཁན་ཚང་མར་རེ་བ་ཆེན་པོ་སྦྱིན་ཐུབ་ཡོད། མོ་རང་གློ་བུར་གྱི་དོན་རྐྱེན་གྱིས་འདས་པའི་རྗེས་སུ་རང་ལྒེར་གྱི་མིན་པའི་ས་ཆར་ས་འོག་འབར་འདེལ་བེད་སྤྱོད་བྱེད་མི་ཆོག་པའི་ཆིངས་ཡིག་༼ཨོ་ཏ་ཝ་ཆིངས་ཡིག་Ottwa treaty༽ལ་གྲོས་ཆོད་ཀྱི་མཚན་རྟགས་ཐོབ་ཡོད་ཅིང། ཐག་ཆོད་འདིའི་ཐད་ལ་མོའི་རྒྱབ་སྐྱོར་དང་ལས་འགུལ་ཚོགས་པ་དེའི་ནང་གི་མོའི་བྱས་རྗེས་ཀྱི་ཤུགས་རྐྱེན་གཙང་མ་ཐེབས་ཡོད།ཁོང་མོ་ནི་༡༩༦༡།༧།༡ ཉིན་སྐུ་དྲག་གི་བརྒྱུད་པའི་ནང་འཁྲུངས་པ་དང་རང་ལོ་༢༠ ལ་དབྱིན་ཇིའི་རྒྱལ་སྲས་ཅར་ལེ་charle དང་གཉེན་སྒྲིག་བྱས་ནས་གཞོན་ནུ་མ་ཌ་ཡ་ན་ལ་ཉེས་མེད་ཀྱི་མཛེས་སྡུག་དང་ལྷན་དུ་འཚོ་གནས་ཀྱི་འཛམ་གླིང་ཐོབ། ལོ་བཅོ་ལྔའི་རྗེས་སུ་མི་མང་ཡོངས་གྲགས་སུ་གཟའ་ཚང་ཁ་བྲལ་བྱས་པའི་རྗེས་ཌ་ཡ་ནས་མོའི་རྒྱལ་ཁང་གི་འཚོ་བའི་ལྷག་འཕྲོ་དེ་རང་གི་ཁ་གྱོན་གྱི་དུག་ལོག་དེ་རིན་གོང་སུས་ཇེ་ཆེ་སྤྲད་པ་དེར་༼དགེ་རྩ་ཚོགས་པའི་ཆེད་དུ་༽བཙོང་ནས་མཇུག་སྒྲིལ་བྱས་ཡོད།དེ་ནས་ཝ་ལེ་སེ་(wales)སྲས་མོ་ཙམ་གྱི་ཚུལ་དུ་ཌ་ཡ་ནས་ལས་ཁུངས་ཀྱི་བྱེད་སྒོའི་ཆ་ཤས་བཟུང་ནས་སྨན་ཁང་སྒོ་ཕྱེ་བ་ལྟ་བུ་བྱས་ཡོད། འདིས་ནི་མོ་རང་ལ་དགེ་རྩའི་མ་དངུལ་བསྡུ་ཚུལ་གྱི་ཐབས་ལམ་སྣ་ཚོགས་ལ་ཐེ་གཏོགས་བྱེད་པར་ཕྱིར་འཐོན་སའི་རང་བཞིན་གྱི་སྒོ་ལྟ་བུའི་མཐུན་རྐྱེན་བྱས་ཡོད། ནད་པ་ལ་བཅངས་པའི་མོའི་རང་བཞིན་གྱི་སེམས་ཚོར་དང་གཤིས་ཀ་ནི་ཆེས་ཡིད་སྨོན་ཤོར་བ་ཞིག་ཡོད།དེ་ལྟ་ནའང་། མོའི་ལྒེར་གྱི་མི་ཚེའི་ནང་གང་སར་འདལ་བའི་གསར་འགོད་པས་ཧམ་འཛུལ་བྱས་ཤིང་། མི་ཚང་མས་ཁོང་མོ་ངོ་རྟགས་ཆོད་པར་སོང་མུ་འཐུད་མོ་རང་མི་མང་གི་ཁྲོད་ཡོངས་གྲགས་སུ་གནས། མོའི་མི་ཚེ་གསར་པ་མགོ་འཛུགས་ནས་ལོ་ངོ་གཅིག་ཙམ་སོང་བའི་རྗེས་༼༡༩༩༧།༨།༣༡ ཉིན་ཁོང་མོ་རང་གི་དགའ་རོགས་དང་ལྷན་དུ་མོ་ཊ་བརྡབ་སྐྱོན་དབང་གིས་༽རྐྱེན་འདས་སུ་ཕྱིན་ཡོད།ཡིན་ནའང་ཁོང་མོ་ནི་མུ་འཐུད་དྲན་པར་འོས་པའི་གཞོན་ནུ་མ་དང་མཛེས་སྡུག་ཅན་གྱི་སྲས་མོའམ། སྙིང་དབུས་ཀྱི་རྒྱལ་མོ་ལྟ་བུ་ཡིན་ནོ།། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

༄༅། །བརྩེ་ལྡན་གཅེན་མོ་ཚེ་རིང་སྒྲོལ་མ་དེ་ཉིད། ༡༩༢༠ ལོ་བོད་ཆེན་པོའི་ནང་ཚན་མདོ་སྨད་ཨ་མདོ་སྐུ་འབུམ་གྱི་ཉེ་སྐོར་སྟག་འཚེར་ཁྱིམ་ཚང་དུ་བཙས། གྲོང་གསེབ་ཞིང་པ་ཕལ་བའི་བུ་མོ་དཀྱུས་འགྲེའི་ལུགས་བཞིན་ནང་ཁྱིམ་གྱི་ཉིན་རེའི་ལས་ཀར་གཡེངས་པས་ཤེས་ཡོན་སྦྱངས་བརྩོན་བྱས་པ་མེད། ངེད་ཏཱ་ལའི་བླ་མའི་ཡང་སྲིད་དུ་ངོས་འཛིན་བྱས་ཏེ་ནང་མི་ཡོངས་རྫོགས་བོད་དབུས་ཕྱོགས་སུ་ཡོང་བའི་སྐབས། གཅེན་མོ་དང་། ཡུལ་སྲོལ་ལྟར་ཆུང་གྲོགས་སུ་མཉམ་ཡོད་ཕུན་ཚོགས་བཀྲ་ཤིས་ལྷ་ས་ཆོས་ལྡན་ཞིང་དུ་འབྱོར། ལྷ་སར་སྡོད་རིང་བོད་ཡིག་དང་། རྒྱ་སྐད་སྔར་ནས་ཕྲན་ཤེས་ཐོག རྒྱ་ཡིག་ཁྱར་ཁྱོར་ཙམ་སྦྱངས་བརྩོན་བྱས་ཡོད་པ་དང་། ཡུལ་གཤིས་མིག་ལྟོས་གོམས་པ་ལྟ་བུའི་ཆོས་དད་མི་ཆུང་ཙམ་འཇགས། གཅེན་མོར་བུ་གཅིག་དང་། བུ་མོ་གཉིས་བྱུང་སྟེ་གཅིག་འདས་གྲོངས་སོང། དེ་སྔོན་རྒྱ་གར་དང་། རྒྱ་ནག ནང་སོག་ཁུལ་ལྟ་སྐོར་འགྲོ་མྱོང་བ་དང་། ༡༩༥༣ ལོ་འགོར་པེ་ཅིང་གི་བཀོད་བྱུས་འོག་རྒྱ་ནག་ནས། མོ་སེ་ཁོ་བརྒྱུད་ཨོ་སི་ཌི་རི་ཡ། ཝི་ནར་ཞི་བདེའི་གཞོན་ནུའི་ཚོགས་འདུ་ཞིག་ལ་ཕྱིན། ལྷ་སར་རྒྱལ་གཅེས་བུད་མེད་མཐུན་གྲོགས་ཚོགས་པའི་འཐུས་མི་དང་འགོ་འཛིན་གྲས་ཀྱི་མིང་འཁུར་བླངས། ༡༩༥༩ ལོ་བོད་དུ་རྐྱེན་ངན་བྱུང་སྐབས་ངེད་ཅག་མཉམ་དུ་རྒྱ་གར་དུ་འབྱོར་རྗེས་བཙན་བྱོལ་བོད་མི་ཆེས་མང་རྒྱ་གར་དུ་རིམ་འབྱོར་གྱིས་བུ་ཕྲུག་ལ་ཡུལ་དུས་འཕྲོད་བསྟེན་གསོ་སྐྱོང་ཇི་བཞིན་མ་ཐུབ་པས་བོད་ཕྲུག་འབོར་ཆེ་རྐྱེན་འདས་དཀའ་ངལ་ཚབས་ཆེ་བྱུང་བར་བསྟེན་འདི་ག་པན་ཇབ་རྡ་རམ་ས་ལར་འཕྲལ་སེལ་བུ་གསོ་ཁང་ཞིག་བཙུགས་པའི་འགན་འཁུར་གཅེན་མོ་དེ་ཉིད་ནས་བླངས་ཏེ། ༡༩༦༡ ནས་༡༩༦༤ ལོ་ཚེ་མཐར་མ་སླེབས་བར་བུ་ཕྲུག་༡༠༥༠་ཙམ་ལ་བྱམས་སྐྱོང་བདག་གཅེས་ལྟ་རྟོག་ལྷག་བསམ་རྣམ་དག་གིས་རང་ཉིད་ཤེས་ནུས་གང་ཡང་མེད་ཀྱང་ངལ་འཁུར་དང་ལེན་བྱས་སོང་བ་དེ་ནི་ཁོང་རང་གི་མི་ཚེའི་ནང་བྱས་རྗེས་ཆེ་ཤོས་རྗེས་སུ་ཡི་རངས་བྱ་འོས་པ་ཞིག་ཡིན། གཅེན་མོར་སྔར་དུས་ཤིག་ནས་ཁོང་སྐྲན་དང་། རྩ་དཀར་ལྟ་བུའི་ནད་གཞི་ཞིག་ཡོད་མུས་༡༩༦༤ ཟླ་༥ ནང་འཕར་ལྡང་ལ་ཀ་ཏར་སྨན་བཅོས་ཟླ་བ་ལྔ་ཙམ་བྱས་ཀྱང་ཕན་ཐོགས་མ་བྱུང་སྟབས་སྨན་པའི་ངག་དོན་ལྟར་ཨིང་ལན་དུ་སྨན་བཅོས་བྱེད་སླད་དུ་བསྐྱོད། སྨན་བཅོས་དང་། རི་འགྲོ་ཇི་ལྟར་བྱས་ཀྱང་། འདུས་བྱས་མི་རྟག་པའི་གཤིས་ལུགས་བཟློག་མ་བཏུབ་པར། ༡༩༦༤ ལོའི་ཟླ་༡༡ ཚེས་༢༡ སྔ་དྲོ་ཨིང་ལིན་སྨན་ཁང་དུ་ཚེ་འདས་བྱས་ལུགས་ཐོས་པར། མཆོག་གསུམ་ཐུགས་རྗེ་བསྐུལ་རྒྱུ་ཙམ་ལས་ཐབས་དབེན། ཟླ་གྲོགས་ཕུན་ཚོགས་བཀྲ་ཤིས་ནས་འཁུར་བླངས་ཀྱིས་འཁོས་བསྟུན་རྣམ་དཀར་དགེ་མཇུག་རྒྱ་ཆེར་བསྒྲུབས། ཨིང་ལན་ནས་འཁྱེར་འབྱོར་དེ་ཉིད་ཀྱི་རུས་ཐལ་ལ་ནང་པ་སངས་རྒྱས་པའི་གསུང་རབ་ནས་ཇི་སྐད་གསུངས་པ་ལྟར་གྱི་རུས་ཆོག་གནད་སྨིན་དང་འབྲེལ་ས་ཚར་དཔར་འདེབས་ཀྱིས་སྒྲོམ་བུ་འདི་ནང་སྒྲིག་འཇུག་ཐོག དེ་ཉིད་ཀྱིས་མ་ཤི་གསོན་པའི་རིང་ཉམ་ཐག་བུ་ཕྲུག་མང་པོར་བྱམས་སྐྱོང་བྱས་པས་མཚོན་བདག་གཞན་རྣམ་དཀར་གྱི་ཕུང་པོ་རྣམས་ཕྱོགས་གཅིག་ཏུ་བསྡོམས་པའི་མཐུ་ལ་བརྟེན་ནས་དེ་ཉིད་ངན་སོང་ངན་འགྲོའི་སྐྱེ་གནས་སུ་མི་ལྷུང་བར་དལ་བརྒྱད་འབྱོར་བཅུ་ཚང་བའི་རྟེན་བཟང་ཐོབ། མཚན་ལྡན་དགེ་བའི་བཤེས་ཀྱི་རྗེས་སུ་བཟུང་སྟེ། ས་ལམ་རིམ་བགྲོད་བླ་མེད་རྫོགས་པའི་བྱང་ཆུབ་མྱུར་དུ་ཐོབ་པའི་བསྔོ་སྨོན་མཚམས་སྦྱོར་ཅི་ནུས་བགྱིས། བརྩེ་བའི་མཛུམ་མདངས་མཛའ་བའི་འབེལ་གཏམ་གྱིས།།འགྲོགས་པའི་ཚུལ་ནི་མདང་གསུམ་རྨི་ལམ་བཞིན།།ད་ལྟ་དྲན་ཡུལ་ཙམ་ལས་མངོན་སུམ་དུ།།མཐོང་ཐོས་བྲལ་འདི་སྙིང་ལ་ནད་དུ་ཆེ།། འདི་སྣང་སྒྱུ་མའི་འཇའ་རིས་མཁའ་ལ་དྭངས།།ལས་སྣང་འཁྲུལ་བའི་འཇིགས་གཟུགས་མུན་ལྟར་འཐིབས།།གར་འགྲོའི་གདེངས་མེད་བྱ་སྤུ་རླུང་འཁྱེར་འདྲ།།མགོན་མེད་འོ་དོད་ལྷང་གིས་འབོད་ཚེ་སྐྱོ།། སྲིད་གསུམ་མི་རྟག་སྟོན་ཀའི་སྤྲིན་འདྲ་ཞེས།།དྲང་སྲོང་ཆེན་པོས་གསུངས་བཞིན་མངོན་སུམ་དུ།།མཐོང་ཡང་རྟག་འཛིན་གདོན་གྱིས་སྙིང་མྱོས་པས།།ལོང་ཡོད་སོས་དལ་སྡོད་འདི་ཨ་ཙ་མ།། སྡུག་ཅིང་ཡིད་འོང་དང་བྲལ་མི་སྡུག་འཕྲད།།ན་རྒ་འཆི་སོགས་གདུང་བྲལ་མི་བཟད་པ།།བྱེ་བ་བསམ་ཡས་ད་དུང་མྱོང་འགྱུར་ཚུལ།།བསམ་ན་རང་དོན་འཁོར་རྩ་གཅོད་ལ་འབུངས།། ཤཱཀྱའི་དགེ་སྦྱོང་བསྟན་འཛིན་རྒྱ་མཚོས་ཕྱི་ལོ་ ༡༩༦༥ ཟླ་ ༧ ཚེས་ ༢༤ དང་།…