སྒང་ཕུག་གཙོང་མཁན།

རྡོ་རྗེ་རྒྱལ་མཚན།

སྔོན་མ་རྒད་པོ་སྒང་ཕུག་གཙོང་མཁན་ཞིག་ཡོད་པ་རེད། ཁོའི་མི་ཚེའི་ནང་ཉིན་ལྟར་སྒང་ཕུག་གཙོང་ནས་ཚོར་བ་སྐྱེལ་གྱི་ཡོད། སྐབས་རེ་སྒང་ཕུག་ཉོ་མཁན་མེད་དུས་ཁོས་སྒང་ཕུག་ཁ་ཤས་ནང་ཧི་ལཱེམ་heliumཞེས་པའི་རླུང་ཡང་ཤོས་དེ་བླུགས་ནས་གནམ་ལ་གཏོང་གི་ཡོད། གནང་ལ་བཏང་པའི་སྒང་ཕུག་དེ་ཚོ་གཡས་གཡོན་གྱི་ཕྲུ་གུ་རྣམས་ཀྱིས་མཐོང་དུས་ཁོའི་སྒང་ཕུག་གི་ཚོང་ཡག་ཏུ་འགྲོ་ཡི་ཡོད། ཁོང་གི་སྒང་ཕུག་ཉོ་མཁན་རྣམས་ནི་ཕྲུ་གུ་རྐྱང་རྐྱང་ཡིན་པས་ཁོས་དུས་རྒྱུན་དུ་སྒང་ཕུག་ཉོ་མཁན་ལ་སྐད་ཆ་སྙན་པོ་དང་ཞི་འཇམ་པོའི་ངང་ནས་བཤད་ཀྱིས་ཡོད། ཉིན་ཞིག་ལོ་ན་བཞི་འམ་ལྔ་ལོན་པའི་ཕྲུ་གུ་ཞིག་་ཁོང་གི་འགྲམ་དུ་ཡོང་ནས “སྒང་ཕུག་ནག་པོ་དེ་ཚོའང་གནམ་ལ་ཕུར་གྱི་རེད་དམ” ཞེས་དྲིས་པས། རྒད་པོ་དེས་ཞི་འཇམ་པོའི་ངང་ནས། “བུ། གནམ་ལ་ཕུར་ཐུབ་པ་དང་མི་ཐུབ་པའི་་ཁྱད་ཆོས་དེ་སྒང་ཕུག་གི་མཚོན་མདོག་ལ་རྟེན་མེད་། དེ་ནི་སྒང་ཕུག་དེ་དག་གི་ནང་ཡོད་པའི་རླུང་གི་ཁྱད་ཆོས་རེད་” ཞེས་ལབ་པ་རེད།

བསླབ་བྱ། མི་ཚེའི་མདུན་ལམ་ནི་རང་ཉིད་ཀྱི་ཁོག་ནང་ཡོད་པའི་ཡོན་ཏན་དག་བསྐྲུན་པ་ལས་ཕྱིའི་རྣམ་པས་བསྐྲུན་མི་ཐུབ་པའོ།