གནའ་སྔ་མོ་ཞིག་ལ། དོམ་སྤུན་མཆེད་གསུམ་མཉམ་དུ་ནགས་གསེབ་ཀྱི་ཁང་པ་ཞིག་ཏུ་སྡོད་ཀྱི་ཡོད་པ་རེད། དེ་ཡང་དོམ་ཆེན་པོ་གཅིག་དང་། དོམ་འབྲིང་མ་གཅིག་དང་། དོམ་ཆུང་གཅིག་ཡོད་པ་རེད།
ཞོགས་པ་ཞིག་ལ། དོམ་གསུམ་གྱིས་ཐུག་པ་བཀོལ་ནས་ཕོར་པའི་ནང་བླུགས་རྗེས་ཐུག་པ་གྲང་མོ་ཆགས་པར་སྒུག་པའི་རིང་ལ། ཁོང་གསུམ་ཕྱི་ལོག་ལ་འཕྱམ་འཕྱམ་དུ་ཕྱིན་པ་རེད། གང་མཚམས་སོང་བའི་རྗེས། གསེར་མདོག་གི་སྐྲ་ལོ་ཅན་གྱི་བུ་མོ་ཞིག་དོམ་གསུམ་ཡོད་སའི་ནགས་གསེབ་ཏུ་ཡོང་བ་རེད། བུ་མོ་དེས་་དོམ་གསུམ་གྱི་ཁང་པ་མཐོང་བ་དང་། ཐེ་ཚོམ་མེད་པར་ནང་དུ་མིག་ཨེ་ཡོད་སྙམ་ནས་སྒོ་རྡུང་བ་རེད། སྒོ་ཕྱེ་མཁན་སུ་ཡང་མེད། མོས་ཡག་པོར་ལྟ་དུ་སྒོ་ཡང་རྒྱབ་མེད་པ་ཤེས་པས། བུ་མོས་སྒོ་ཕྱེ་ནས་ནང་དུ་འཛུལ་ཕྱིན།
ནང་དུ་སླེབས་མ་ཐག མོས་ཅོག་ཙེའི་སྟེང་དུ་ཐུག་པ་ཕོར་པ་གསུམ་མཐོང་། མོས་དང་པོ་ཕོར་པ་ཆེན་པོ་དེ་ནས་ཐུག་པ་འཐུང་གྲབས་བྱས་པས། “ཨ་ཚ། འདི་ཧ་ཅང་ཚ་པོ་འདུག” ཞེས་ལབ་ནས་མར་བཞག དེ་ནས་མོས་ཕོར་པ་འབྲིང་བ་དེ་འཐུང་གྲབས་བྱས། “འདི་ཡང་ཚ་པོ་འདུག” ལབ། མཐའ་མར། མོས་ཕོར་པ་ཆུང་བ་དེའི་ཐུག་པ་བཏུང་ནས། “འདི་ནི་ཧ་ཅང་ཞིམ་པོ་འདུག” ཅེས་ལབ།
ཕོར་པ་ཆུང་བའི་ནང་གི་ཐུག་པ་ཚང་མ་བཏུང་ཚར་པ་དང་། དེ་ནས་མོས་ཁང་པའི་ནང་གི་རྐུབ་སྟེགས་གསུམ་མཐོང་བ་རེད།
མོས་རྐུབ་སྟེགས་ཆེན་པོ་དེར་བསྡད་པ་ན། “འདི་ཧ་ཅང་མཁྲེགས་པོ་འདུག།” དེ་ནས་རྐུབ་སྟེགས་འབྲིང་བ་དེར་བསྡད། “འདི་ཡང་བདེ་པོ་མི་འདུག” མཐར་མར་། མོས་རྐུབ་སྟེགས་ཆུང་བ་དེར་བསྡད་ནས། “འདི་ནི་ཧ་ཅང་བདེ་པོ་འདུག” ཅེས་ལབ། ཡིན་ནའང་། མོ་དེ་སྟེང་དུ་བསྡད་དྲགས་པས་རྐུབ་སྟེགས་ཆུང་ཆུང་དེ་གས་པ་རེད།
དེ་ནས་མོ་ཉལ་ཁང་དུ་སོང་། ཉལ་ཁྲི་གསུམ་མཐོང་བ་རེད། ཉལ་ཁྲི་ཆེན་པོ་དེ་དང་པོ་ཚོད་ལྟ་བྱས། དེ་ཧ་ཅང་མཁྲེགས་པོ་རེད། དེ་ནས་ཉལ་ཁྲི་འབྲིང་བ་དེ་ཚོད་ལྟ་བྱས། དེ་ཡང་བདེ་པོ་མ་རེད། མཐར་ཉལ་ཁྲི་ཆུང་བ་དེར་ཉལ་བ་ན། “འདི་ནི་ཧ་ཅང་བདེ་པོ་འདུག” ཅེས་ལབ། དེ་དུས་་མོ་ཧ་ཅང་ཐང་ཆད་ཟིན་པས། ཉལ་ཁྲི་ཆུང་བ་དེའི་སྟེང་དུ་གཉིད་ཤོར་།
ཏོག་ཙམ་ནས་དོམ་གསུམ་པོ་འཕྱམ་འཕྱམ་བྱས་ནས་ཁང་པའི་ནང་་ལོག་ཡོང་།
དོམ་ཆེན་པོས། “ངའི་ཐུག་པ་ལ་སུས་ལག་པ་འཆང་བ་རེད།” དོམ་འབྲིང་མས་ཀྱང་དེ་ལྟར། “ངའི་ཐུག་པ་ལ་ཡང་སུས་ལག་པ་འཆང་བ་རེད།” དོམ་ཕྲུག་གིས་། “ངའི་ཐུག་པ་ཚང་མ་བཏུང་འདུག!” ཅེས་ཧང་སངས་ནས་ལབ།
དེ་ནས་དོམ་གསུམ་པོས་རྐུབ་སྟེགས་ཀྱི་སྐོར་ལ་བལྟས། དོམ་ཕྲུག་གིས་ངུ་ངག་དང་བཅས་ཏེ། “ངའི་རྐུབ་སྟེགས་གས་འདུག!”་ཅེས་ལབ། དེ་ནས་དོམ་གསུམ་པོ་ཉལ་ཁང་དུ་སོང་། དོམ་ཆེན་པོས། “ངའི་ཉལ་ཁྲི་ལ་སུས་ཉལ་བ་རེད།” དོམ་འབྲིང་མས་ཀྱང་དེ་ལྟར། “ངའི་ཉལ་ཁྲི་ལ་ཡང་སུས་ཉལ་བ་རེད།” དོམ་ཕྲུག་གིས། “ངའི་ཉལ་ཁྲིའི་སྟེང་དུ་མི་ཞིག་ཉལ་འདུག!” ཅེས་ལབ་པ་དང་། གསེར་སྐྲ་ཅན་གྱི་བུ་མོ་གཉིད་ལས་སད་པ་རེད།
མོས་དོམ་གསུམ་པོ་མཐོང་བ་དང་ཧ་ཅང་སྐྲག་ནས། ལམ་སེང་ཉལ་ཁྲི་ནས་མར་བབས་ནས། སྒོ་ནས་ཕྱིར་འཐོན་ཏེ། ནགས་གསེབ་ཏུ་མགྱོགས་པོར་བྲོས་ཕྱིན་པ་རེད།
དེ་ནས་བཟུང་། མོས་མི་གཞན་གྱི་ཁང་པར་ཆོག་མཆན་་མེད་པར་འཛུལ་བ་དང་། མི་གཞན་གྱི་ཅ་ལག་ལ་ལག་པ་འཆང་བ་ནི་མི་འོས་པ་ཞིག་ཡིན་པ་ཤེས་པ་རེད།