ལོ་མང་རིང་ཆ་རྐྱེན་མ་འཛོམས་པ་དང་དུས་ཚོད་ཀྱི་རྐྱེན་པས། ཀློག་པ་པོ་རྣམས་ཀྱི་སྤྱན་ལམ་དུ་སྐྱ་རེངས་བརྙན་དེབ་ཁང་ནས་བོད་ཀྱི་རིག་གཞུང་སྤྱི་དང་། བྱེ་བྲག་ནང་དོན་རིག་པའི་སྐོར་ཀྱི་རྩོམ་ཡིག་བལྟར་འབུལ་ཞུ་རྒྱུ་མ་བྱུང་བར་སྙིང་དབུས་ནས་དགོངས་བསལ་དང་བཅས། ད་ལན་སླར་ཡང་དྲ་བའི་ལམ་ནས་ན་གཞོན་ཚོའི་ཤེས་རིག་གོང་སྤེལ་གཏོང་སླད། སྐྱ་རེངས་རྩོམ་རིག་དྲ་བ་སྒོ་འབྱེད་བྱས་པས། མུ་འཐུད་འདི་ནང་ཕེབས་གནང་ཡོང་བ་ཞུ།
Category: གསར་འགྱུར།
ལྟ་གྲུབ་ཀུན་བཏུས་ཞེས་བྱ་བའི་ཕྱག་དེབ་མགྱོགས་མྱུར་འདོན་འཆར།
༧གོང་ས་མཆོག་གི་དགོངས་བཞེད་ལྟར་རྩོམ་སྒྲིག་གནང་བཞིན་པའི་༼འཕཊ་ཡུལ་གྱི་ནང་པའི་གཞུང་ལས་བྱུང་བའི་ཚན་རིག་དང་ལྟ་གྲུབ་ཀུན་བཏུས༽རྩོམ་སྒྲིག་པ་དགའ་ལྡན་ཤར་རྩེ་གྲྭ་ཚང་གི་དགེ་བཤེས་བྱང་ཆུབ་སངས་རྒྱས་ལཊ་སུ་ཚན་རིག་དང་ལྟ་གྲུབ་ཀུན་བཏུས་རྩོམ་སྒྲིག་གནང་ཕྱོཊ་དང་ད་ལྟའི་གནས་སྟངས་ཐད་བཅར་འདྲི་ཞུས་ཡོད། དྲི་བ། ཐོག་མར་དགེ་བཤེས་ལཊ་ནས་ནང་པའི་གཞུང་ལས་བྱུང་བའི་ཚན་རིག་དང་ལྟ་གྲུབ་ཀུན་བཏུས་རྩོམ་སྒྲིག་གི་བྱུང་རིམ་ངོ་སྤྲོད་ཅིག་གནོངས་དང༌།
འཛམ་གླིང་ཆུང་ཆུང་ནང་གནམ་གྲུ་ཆེན་པོ་ཞིག་བརླགས་པ།
ར་ས་ཕོ་ཉས་པར་དང་བཅས། འདས་མ་ཐག་པའི་ཟླ་བ་༣ པའི་ཚེས་ ༨ སྟེ་བོད་མི་རང་དབང་སྒེར་ལངས་ཀྱི་དུས་དྲན་སྲུང་བརྩི་ཞུ་བའི་ཉིན་གཉིས་ཀྱི་སྔ་ལོགས་སུ། མ་ལེ་ཤའི་རྒྱལ་ས་ཀོ་ལ་ལམ་པུར་དང་རྒྱ་ནག་གི་རྒྱལ་ས་པེ་ཅིང་བར། རྒྱང་ཐག་སྤྱི་ལེ་ཐུང་གྲས་༤༣༩༩ སར་འཕུར་བསྐྱོད་བྱེད་མཁན་གྱི་MH༣༧༠ ཨང་རྟགས་ཅན་གྱི་གནམ་གྲུ་བརླགས་པའི་གནས་ཚུལ་འཐོན་ཡོད། MH༣༧༠ ཨང་རྟགས་ཅན་གྱི་གནམ་གྲུ་དེ་མ་ལེ་ཤ་ནས་འཕུར་ནས་ཚོུད་གཅིག་མ་སོང་ཙམ་གྱི་མཚམས་བརླག་འགོ་ཚུགས་ཡོད་པ་དང་། གནམ་གྲུའི་ནང་དུ་མ་ལེ་ཤའི་ལས་མི་༡༤ དང་རྒྱལ་ཁབ་འདྲ་མིན་༡༤ ཁུངས་ཀྱི་འགྲུལ་མི་༢༢༧ དེའི་ནང་ནས་རྒྱ་ནག་གི་མི་སེར་དུ་གྱུར་པ་༡༥༣ བཅས་ཡོད། འབྲེལ་ཡོད་ཚན་པས་ཐའི་ལན་དྲའི་དང་རྒྱ་ནག་གི་ལྷོ་རྒྱ་མཚོ་བཅས་སུ་བཙལ་བས་མ་རྙེད་སྟབས། རིམ་པའི་འཚོལ་ས་རྒྱ་བསྐྱེད་དེ་མ་ལེ་ཤའི་ཉེ་འཁོར་གྱི་ Strait of Malaccaམ་ལ་ཀ་དང་Andamanཨན་དྷ་མན་རྒྱ་མཚོ་བཅས་སུ་བཙལ་ཅིང་།
མེ་སོར་ལ་ངོ་རྒོལ་བྱས་འདུག
ཁ་སང་ཟླ་བ་༤ ཚེས་ ༢༥ ཉིན་མེ་སོར་གཡས་གཡོན་དུ་ཡོད་པའི་བོད་མི་གཞིས་གྲོང་རྣམས་ཀྱིས། མེ་སོར་རྒྱལ་ཁང་མདུན་ཐང་དུ་པཎ་ཆེན་སྐུ་ཕྲེང་༡༡ རྗེ་བཙུན་བསྟན་འཛིན་དགེ་འདུན་མཆོག་རྒྱ་ནག་གིས་གློད་གྲོལ་དགོས་པའི་ངོ་རྒོལ་སྐད་འབོད་བྱས་འདུག གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།
གཟའ་ཕུར་བུའི་ཟླ་བ། ཕྱི་གླིང་གི་སྲོག་ཆགས།
ཉམས་ཞིབ་པ་མང་པོས་ཚོར་བ་རྣོ་པོའི་ངང་གཟའ་སྐར་ཕུར་བུའི་Jupiterཟླ་བ་དག་ལ་བརྟག་དཔྱད་ཀྱི་བསམ་བློ་གཏོང་བཞིན་ཡོད། ཟླ་བ་དེ་དག་ནི་ང་ཚོའི་ཉི་མའི་ཁྱིམ་བརྒྱུད་ཀྱི་ཕྱི་རོལ་དུ་སྲོག་ཆགས་འཚོ་གནས་ཡོད་པའི་གླིང་ཕྲན་ཡོད་པར་སྒྲུབ་པའི་དཔེ་མཚོན་དུ་འགྱུར་སྲིད་པ་ཡིན། གཟའ་སྐར་ཕུར་བུར་འཁོར་བའི་ཟླ་བ་གསུམ་ཡོད་པ་ནི་་ཡུ་རོ་པ། Europa ཀལ་ལིསེ་ཊོན། Calliston གྷ་ནི་མེ་ཌེ། Ganymede བཅས་ཡིན། ཟླ་བ་དེ་དག་གི་ཕྱི་རོལ་དུ་འཁྱགས་རོམ་གྱི་ཤུན་པས་འཁྲིགས་ནས་ཡོད་ལ། ཤུན་པ་དེ་དག་གི་འོག་ཏུ་གཤེར་གཟུགས་ཅན་གྱི་རྒྱ་མཚོ་ཡོད་པར་ཡིད་ཆེས་བྱེད་ཀྱི་ཡོད། དེ་ལྟར་ན་རྒྱང་རིང་ནས་ཉི་འོད་སྲབ་མོ་དེ་འཁྱགས་རོམ་གྱི་ཁ་ངོས་སུ་ཕོག་པ་ལས་སྐྱེ་ལྡན་གྱི་རྫས་སྦྱོར་དང་ནུས་པ་དེ་འདྲའི་འབྱུང་ཁུངས་དག་གྲུབ་སྲིད་པ་ཡིན། ཆ་རྐྱེན་དེ་དག་ནི་ཐག་རིང་གི་གླིང་ཕྲན་ཞིག་ཏུ་སྲོག་ཆགས་གྲུབ་པ་ལ་མེད་དུ་མི་རུང་བར་སྙམ། ཉེ་ཆར་་རྒྱུ་སྐར་ཚན་རིག་པ་ཨ་ཐེ་ནས་Athena པེ་རི་སིའི་དཔྱད་ཞིབ་ཁང་ཞིག་དུ་འདི་ལྟར་བརྗོད་འདུག “ང་ཚོས་སྐབས་ཤིག་རིང་དེ་དག་འཁྱམས་རོམ་གྱི་གཤིན་པོ་ཞིག་ཏུ་བསམས་མྱོང་ཀྱང་། ད་ལྟའི་ཆར་ས་གཤིས་རིག་པའི་འཁོ་ཆས་ཀྱི་དངོས་པོ་བསམ་ཡུལ་ལས་འདས་པ་མང་པོ་གསར་གཏོད་ཐུབ་ཡོད་པར་སོང་། ཉེ་ཆར་ཇུ་སི་JUICEཞེས་པའི་ལས་འགུལ་ཞིག་གི་གྲོས་ཆོད་བྱུང་ཡོད། འདི་ནི་མཁའ་དབྱིངས་འཕུར་གྲུ་བརྟེན་ནས་འཁྱགས་རོམ་གྱི་གཟུགས་སུ་གྲུབ་པའི་ཟླ་བ་གསུམ་པོ་དེའི་གནས་སྟངས་ཇི་ལྟར་ཡོད་པར་བརྟག་དཔྱད་བྱ་རྒྱུ་ཡིན་ཟེར།” ཡང་ཇུ་སི་ཉམས་ཞིབ་ཚོགས་མི་ཨོལ་གྷ་Olgaཡིས་ “ཡུ་རོ་པ་ཡིས་འཛམ་གླིང་ཕྱི་རོལ་དུ་སྲོག་ཆགས་འཚོ་གནས་ཐུབ་པའི་རྣམ་པ་ཞིག་སྟོན་བཞིན་ཡོད། གང་ཡིན་ཟེར་ན། ཡུ་རོ་པའི་ནང་སྦས་ནས་ཡོད་པའི་རྒྱ་མཚོ་དེ་ཐད་ཀར་ཟླ་བ་དེའི་ས་སྙིང་གི་ཕྱི་ཤུན་མེ་རྡོ་སྟེ། ཚྭ་དང་འབྱུང་བ་གཞན་དག་གི་འབྱུང་ཁུངས་དེ་དང་འབྲེལ་ཡོད་པར་ཡིད་ཆེས་བྱེད་ཀྱི་ཡོད།” ཟེར་འདུག གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།