སྐྱ་རེངས་ན་གཞོན་རྩོམ་རིག་དྲ་བ།

ཐེངས་ཤིག་བོད་ནས་ཡིན་པའི་སྐུ་ཤོག་ཞིག་རྡ་རམ་ས་ལར་གནས་མཇལ་དུ་ཕེབས་པ་རེད། དེ་དུས་རྡ་རམ་ས་ལ་ནི་བོད་ནས་གསར་འབྱོར་ཕེབས་མཁན་མང་པོ་ཡོད་དུས་རྡ་སའི་བོད་མི་ཚོར་བོད་ནང་གི་གནས་ཚུལ་དང་། ས་ཡི་ཆགས་དབྱིབས་སོགས་ལ་སྐད་ཆ་འདྲི་རྒྱུ་གོ་སྐབས་མང་པོ་ཐོབ་ཀྱི་ཡོད། བྱས་ཙང་ལྷ་ས་ནས་ཡིན་ཟེར་མཁན་འབྱུང་ན་ལམ་སེང་རྩེ་པོ་ཏ་ལ་གང་འདྲ་འདུག ཁྲོམ་གཟིགས་ཁང་ལ་ཚོང་གང་འདྲ་འདུག དེ་བཞིན་བར་སྐོར་ནང་ཕྱག་འཚལ་མཁན་སོགས་མང་པོ་ཡོད་མེད་དྲི་གི་ཡོད། ད་ཐེངས་ཀྱི་བོད་ནས་ཕེབས་མཁན་གྱི་སྐུ་ཤོག་དེ་བོད་ཀྱི་སྟོད་ཕྱོགས་མངའ་རིས་ཁུལ་ནས་ཡིན་པ་དང་ལྷ་སའི་སྐོར་དེ་ཙམ་རྒྱུས་མངའ་མེད། སྐུ་ཤོག་དེ་རྡ་སར་སྤྱི་སྤྱོད་རླངས་འཁོར་སྒུག་ནས་བཞུགས་པའི་སྐབས། རྡ་སའི་བོད་མི་གཞོན་སྐྱེས་ཤེས་ཡོན་ཡོད་མདོག་ཁ་པོ་ཞིག་རྐྱང་དེར་མོ་ཏ་སྒུག་ནས་བསྡད་ཡོད། གཞོན་སྐྱེས་དེས་སྐུ་ཤོག་དེ་མཐོང་བ་དང་ལམ་སེང་རྒན་ལ་བོད་ནས་ཕེབས་པས་ཞེས་དྲིས། སྐུ་ཤོག་དེས་བོད་ནས་ཡོང་ཡིན་ཟེར་མ་ཐག། གཞོན་སྐྱེས་དེས་དེང་སང་ལྷ་སའི་ཁྲོམ་གཟིགས་ཁང་ལ་འཁྲུགས་པོ་འདུག་གམ་ཟེ་དྲིས། སྐུ་ཤོག་དེས་ཁྲོམ་གཟིགས་ཁང་རྒྱུས་མངའ་མེད་དུས། ཨོ་་ང་ལྷ་ས་ནས་མིན་མངའ་རིས་ནས་ཡིན་ཟེར།