ཐེངས་ཞིག་སྤྱང་ཀི་ལྟོགས་པ་ཞིག་ལམ་དུ་འགྲོ་སྐབས་ལུག་གི་ཁྱུ་ལས་ཆད་པའི་ལུ་གུ་ཆུང་ཆུང་ཞིག་ལམ་ཟུར་དུ་ཐུག་པ་རེད། ལུ་གུ་དེ་ཧ་ཅང་ཆུང་ཆུང་ཡོད་ཙང་སྤྱང་ཀིས་ལམ་སང་ཟ་མ་ཕོད་པར་ལུ་གུ་དེ་ལ་ཟ་དགོས་པའི་རྒྱུ་མཚན་ཞིག་བཤད་ནས་ཟ་དགོས་བསམས་པ་རེད། དེ་འདྲ་སོང་ཙང་སྤྱང་ཀི་དེས་བསམ་བློ་ཞིག་བཏང་རྗེས་ལུ་གུ་ཆུང་ཆུང་དེ་ལ། “ཝ་ཡེ་ལུ་གུ་ཆུང་ཆུང་ན་ནིང་ད་ཚོད་ཁྱེད་རང་གིས་ང་མི་ཚོགས་མང་པོའི་དཀྱིལ་ལ་ངོ་ཚ་བོ་ཞེ་འདྲ་བཟོས་སོང་།”ཟེར་ནས་ནག་ཉེས་བཙུགས་པ་རེད། ལུ་གུས་ “འོ་ཛི་སྤྱང་ཀི་ལགས་ཁྱེད་རང་དེ་འདྲ་གསུང་རྒྱུ་ཨེ་ཡོད་ན། ན་ནིང་ད་ཚོད་ང་རང་སྐྱེ་རྒྱུ་རེད་”ཅེས་ལབ། སྤྱང་ཀི་དེས་ལབ་ཡག་ཅང་མ་བྱུང་བར་བརྟེན་ “འོ་ཏག་ཏག་རེད་ཁྱེད་རང་གིས་ད་ལོ་ངའི་ཞིང་ཁའི་ནང་གི་རྩ་ཟ་སོང་།” ལབ། ལུ་གུ་ཆུང་ཆུང་གིས་ “འོ་ཛི་སྤྱང་ཀི་ལགས་དེ་འདྲ་རང་མ་གསུང་ང་ད་ལྟ་རྩ་གཞི་ནས་ཟ་རྒྱུ་ཡིན་”་ལབ། སྤྱང་ཀིས་ “ཨ་ལད་བྱས་ན་ཁྱེད་རང་གིས་ངའི་ཆུ་བཏུང་སོང་” ལབ། ཡང་ལུ་གུས་ “འོ་ཛི་སྤྱང་ཀི་ལགས་དེ་འདྲ་རྩ་བ་ཉིད་ནས་མ་གསུང་། ང་ད་ལྟར་བར་ཨ་མའི་འོ་མ་བཏུང་བ་ལས་ཆུ་རྩ་བ་ནས་འཐུང་རྒྱུ་མ་བྱུང་” ཅེས་ལབ་པས། སྤྱང་གི་དེས་རང་གི་ངོ་རིས་དངོས་སུ་བསྟན་ནས། “གང་ལྟར་ཡང། ་གང་ལྟར་ཡང་། ང་དེ་རིང་ལྟོགས་པ་སྡོད་ཀྱི་མིན་”ཅེས་ལབ་སྟེ་ལུ་གུ་ཆུང་ཆུང་དེ་བཟས་པ་རེད། དེ་འདྲ་སོང་ཙང་བཙན་པོ་དབང་ཡོད་ཅན་གྱི་མི་ལ་རྒྱུ་མཚན་བཤད་ས་ཡོད་མ་རེད་ཅེས་པ་དེ་སྒྲུང་འདིའི་ནང་དོན་རེད།སྐྱ་རེངས་རྩོམ་སྒྲིག་པས་བྲིས།
