Category: གསར་འགྱུར།

བཙན་བྱོལ་བོད་མི་གནས་སྡོད་བྱེད་ཡུལ་འཛམ་གླིང་ས་ཕྱོགས་གང་སར་བོད་གཞུང་བཀའ་སྤྱི་གཉིས་ཀྱིས་བཀོད་ཁྱབས་དབུ་ཁྲིད་འོག་གཞུང་འབྲེལ་གདུང་སེམས་མཉམ་བསྐྱེད་ཀྱི་ལས་འགུལ་ཉིན་གསུམ་རིང་སྤེལ་འཆར་གྱི་ལམ་སྟོན་གོ་སྒྲིག་གནང་བ་བཞིན། ཟླ་འདིའི་ཕྱི་ཚེས་༡༩ ཉིན་གྱི་སྔ་དྲོ་ཆུ་ཚོད་༦ ནས་ཕྱི་དྲོ་ཆུ་ཚོད་༦ བར་རྒྱ་གར་ལྷོ་ཕྱོགས་མོན་གྷོ་ས་གནས་གཞིས་ལུས་ཁང་གི་ཁྱབས་ཁོངས་ན་ཡོད་པའི་གདན་ས་ཆེན་པོ་དགའ་འབྲས་གཉིས་ཀྱི་གཙོས་གྲྭ་ཚང་ཁག་དགུ་དང་བཙུན་དགོན་བྱང་ཆུབ་ཆོས་གླིང་། དེ་བཞིན་མོན་གྷོ་ས་གནས་གཞིས་གྲོང་ཁག་དགུ་དང་། སློབ་གྲྭ་ཁག་བཅས་སེར་སྐྱ་མི་མང་གཅིག་ཁྲི་ལྷག་གིས་གདན་ས་དགའ་འབྲས་གཉིས་ཀྱི་བླ་སྤྱི་གཉིས་དང་གཞིས་གྲོང་གསུམ་མི་མང་མཉམ་འབྲེལ་ཚོང་ཁང་མདུན་ཐང་བཅས་སུ་ཁག་གསུམ་བགོས་ནས་ད་ལྟ་བོད་ནང་དུ་རྩ་ཆེའི་སྐུ་སྲོག་མར་མེར་སྦར་དང་སྦར་བཞིན་པའི་རྒྱལ་གཅེས་དཔའ་བོ་ཚོར་སེམས་གཏིང་གི་མྱང་ངན་གུས་འདུད་དང་གདུང་སེམས་མཉམ་སྐྱེད་མཚོན་ཆེད་དུ་ཟས་བཅད་ངོ་རྒོལ་གྱི་ལས་འགུལ་འགོ་འཛུགས་གནང་སོང་། དེ་ཡང་འབྲས་སྤུངས་སྒོ་མང་གྲྭ་ཚང་གི་དགེ་བསྐོས་དགེ་བཤེས་བློ་བཟང་ཤཀྱ་མཆོག་གིས་གསར་འགོད་པའི་དྲི་བར་ལན་འདེབས་གནང་དོན། བོད་ནང་གི་གཞོན་སྐྱེས་ཚོའི་རྩ་ཆེའི་སྐུ་ལུས་མེར་བསྲེགས་གཏོང་དགོས་པའི་རྒྱུ་མཚན་གཙོ་བོ་དེ་རྒྱ་ནག་གཞུང་གིས་འཁྱོག་བཤད་བྱེད་བཞིན་པའི་བརྒྱུད་སྐུལ་གྱི་རིགས་སོགས་གང་ཡང་མིན་ལ། རྒྱ་ནག་དམར་གཞུང་གིས་ད་ལྟའི་བོད་ཐོག་ལག་བསྟར་བྱེད་བཞིན་པའི་དབང་ཆ་གཅིག་སྡུད་ལམ་ལུགས་སམ་སྲིད་བྱུས་དེའི་འོག་ང་ཚོ་བོད་པ་ཚོའི་མ་བཟོད་ནས་འ་ཆད་འུ་ཐུག་ནས་རང་ལུས་མེར་བསྲེགས་ཀྱི་ལས་འགུལ་འདི་ལྟར་མི་སྤེལ་ཀ་མེ་བྱུང་བ་ཞིག་རེད་མ་གཏོགས། རྒྱ་གཞུང་གིས་དུས་དང་རྣམ་པ་ཀུན་ཏུ་བོད་ས་ཁྱོན་ཡོངས་ཡར་རྒྱས་དང་སྐྱིད་པོ་ཞེ་དྲག་ཡོད་སྐོར་བཤད་བསྡད་པ་དེ་སྐྱག་རྫུན་ཡིན་པ་བོད་ནང་གི་རྒྱལ་གཅེས་དཔའ་བོ་ཚོའི་ཚེ་སྲོག་གི་བདེན་དཔང་བྱས་དང་བྱེད་བཞིན་འདིའི་འཛམ་གླིང་ཐོག་མངོན་གསལ་དོད་པོ་བྱས་ནས་གསལ་སྟོན་དང་རྒྱ་གཞུང་ལ་ངོ་ཚ་བཟོ་བཞིན་པ་འདི་རེད། གལ་སྲིད་ད་དུང་རྒྱ་གཞུང་གིས་བོད་ཐོག་མུ་མཐུད་ནས་དབང་ཆ་གཅིག་སྡུད་ལམ་ལུགས་ཀྱི་སྲིད་བྱུས་འདི་ལག་བསྟར་བྱས་པ་ཡིན་ན་བོད་ནང་རང་ལུས་མེར་བསྲེགས་ཀྱི་ལས་འགུལ་འདི་ཙམ་མ་ཟད་ག་རེ་ཡིན་ན་ཡང་ཡོང་སྲིད་པ་ཞིག་རེད་ཅེས་དང་། ཡང་ཁོང་གིས་མུ་མཐུད་ནས་གསུང་དོན། ང་ཚོ་བཙན་བྱོལ་ནང་ཡོད་པའི་གཞུང་མང་གཉིས་ཀྱི་ངོས་ནས་ལས་འགུལ་འདྲ་མིན་སྤེལ་དང་སྤེལ་བཞིན་པ་རེད་དེ་གཙོ་བོ་དེ་བོད་ནང་དུ་རང་དབང་ཁབ་རྩེ་ཙམ་མེད་པ་མ་ཟད། སྡུག་སྦྱོང་མནར་གཅོད་ཚད་མེད་པ་མྱང་དང་མྱོང་བཞིན་ཡོད་པའི་གནས་སྟངས་དེ་ཚོ་འཛམ་གླིང་རྒྱལ་སྤྱིའི་སྡིངས་ཆའི་ཐོག་སྐྱེལ་ཐུབ་ཐབས་དང་། ལྷག་པར་དུ་བོད་ཐོག་ཏུ་དངོས་སུ་ལག་བསྟར་བྱེད་བཞིན་པའི་སྲིད་བྱུས་དེ་འགྱུར་བ་དང་བསྒྱུར་བཅོས་ཤིག་མ་བཏང་བར་དུ་མུ་མཐུད་ནས་ཤུགས་དྲག་གི་ལས་འགུལ་སྤེལ་སྒྱུར་འབད་རྩོན་བྱེད་དགོས་པ་ཧ་ཅང་གལ་ཆེན་པོ་རེད་ཅེས་གསུངས་སོང་། དེ་བཞིན་དགའ་བྱང་དགེ་བསྐོས་དགེ་བཤེས་དགེ་འདུན་ཤཀྱ་མཆོག་གིས་བཅར་འདྲིར་ལན་འདེབས་གནང་དོན། སྤྱིར་བཏང་གི་བོད་ནང་གཞིས་ལུས་མི་མང་གི་ཐོག་ལ་རྒྱ་ནག་གཞུང་གིས་དུས་དང་རྣམ་པ་ཀུན་ཏུ་དྲག་གནོན་དང་གདུག་རྩུབ་ཚད་མེད་པ་ཞིག་བཏང་དང་གཏོང་བཞིན་ཡོད་པ་དེར་བོད་ནང་གི་བོད་མི་གཞོན་སྐྱེས་ཚོའི་སེམས་ནང་མི་རིགས་དབྱེ་འབྱེད་དང་ཐོབ་ཐང་འདྲ་མཉམ་སོགས་གཅིག་ཀྱང་མེད་པའི་རྒྱུ་མཚན་ལ་བརྟེན་ནས་གཅེས་པའི་ཚེ་སྲོག་ཕང་མེད་དུ་བློས་གཏོང་གནང་བཞིན་ཡོད་པ་རེད། དེ་འདྲ་ཡིན་དུས་ང་ཚོ་ཧ་ཅང་བློ་ཕམ་པོ་རེད། ཡིན་ན་ཡང་ང་ཚོའི་ངོས་ནས་བོད་བསྟན་སྲིད་ཀྱི་ཆེད་དུ་རང་ལུས་མར་མེ་རུ་སྦར་མཁན་དཔའ་བོ་ཚོར་གདུང་སེམས་མཉམ་བསྐྱེད་དང་མྱ་ངན་གུས་འདུད་ཙམ་མ་ཡིན་པར་རྒྱལ་སྤྱིའི་སྡིངས་ཆའི་ཐོག་ཁོང་རྣམ་གྱི་ཐུགས་འདོད་མཐའ་དག་འགྲུབ་ཆེད་དུ་བོད་དོན་དེ་སྔར་ལས་ལྷག་པའི་ཚད་མཐོ་བོར་སླེབ་ཐུབ་པར་འབད་རྩོན་བྱེད་རྒྱུ་གཅིག་དང་། ལྷག་པར་དུ་བོད་དོན་རྒྱབ་སྐྱོར་གནང་མཁན་གཞུང་དང་གཞུང་འབྲེལ་མ་ཡིན་པ་མི་སྒེར་བཅས་སུ་སྔར་ལས་ལྷག་བོད་དོན་རྒྱབ་སྐྱོར་གནང་རོགས་དང་རྒྱ་གཞུང་གི་འཛམ་གླིང་རྒྱལ་སྤྱི་སྤྱི་ཡོངས་ཀྱི་ཁྲིམས་སྒྲིག་དང་འགལ་བའི་སྲིད་བྱུས་མང་དག་གཅིག་བོད་ཐོག་ལག་བསྟར་བྱེད་ཕྱོགས་དེ་དག་ལ་གནོད་ཤུགས་སྤྲོད་རོགས་སོགས་ཀྱི་མཚོན་པའི་བོད་དོན་རྒྱབ་སྐྱོར་ཚད་མཐོན་པོར་ཡོང་ཐུབ་པའི་འབོད་སྐུལ་དང་སྦྲགས་ལས་འགུལ་མུ་མཐུད་ནས་སྦེལ་དགོས་པ་རེད་ཅེས་གསུངས་སོང་། གཞན་ཡང་རྒྱ་གར་རྒྱལ་ས་ལྡི་ལིར་བོད་གཞུང་བཀའ་སྤྱི་གཉིས་ཀྱིས་དབུ་ཁྲིད་པའི་ཉིན་གསུམ་རིང་གི་གཞུང་འབྲེལ་གདུང་སེམས་མཉམ་བསྐྱེད་ཀྱི་ལས་འགུལ་ནང་རྒྱ་བལ་གཉིས་ཀྱི་ནང་གཞིས་སྡོད་མི་གྲངས་༣༠༠༠་ཕེབས་ཡོད་པའི་ཁྲོད་མོན་གྷོ་ས་གནས་ཀྱི་སེར་སྐྱ་༣༠༠ མཉམ་ཞུགས་གནང་ཡོད་པ་རེད།། བོད་ཀྱི་བང་ཆེན་ལས་དྲངས། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

སྐུ་སྒེར་ཡིག་ཚང་ནས་ཨཕ་རི་ཀའི་གཞུང་གིས་དུས་ཐོག་༸གོང་ས་མཆོག་ལ་ཕྱག་འཁྱེར་ཕུལ་ཐུབ་མ་སོང་གསུངས་འདུགཔྲེ་ཊོ་རྱི་འཛིན་སྐྱོང་བས་གནས་ཚུལ་དེ་རྒྱ་ནག་གིས་གནོན་ཤུགས་ཀྱིས་བྱས་པ་མིན་པར་བརྗོད་འདུག གློག་བརྙན་བརྒྱུད་ནོ་བེལ་ཞི་བདེའི་གཟེང་རྟགས་བཞེད་མཁན་༸གོང་མཆོག་དང་ཨཕ་རི་ཀའི་ཐུ་ཐུ་བགྲོ་གླེང་གནང་སྐབས་༸གོང་ས་མཆོག་གིས་་་ངས་དྲང་པོ་བཤད་ནས་རྒྱ་ནག་ལ་མི་བདེ་བ་བཟོ་ཡི་ཡོད་རེད་གསུངས་པ་དང་། ཡང་། དེའི་སྐབས་༸གོང་ས་མཆོག་གིས་་རྒྱ་ནག་གི་དཔོན་རིགས་འགས་ང་བདུད་རེད་ཟེར་གྱི་ཡོད་རེད། སྤྱིར་བཏང་་་བདུད་ཟེར་ནའང་་འཇིགས་སྣང་ཙམ་རེད། གསུངས། ཡང་༸གོང་ས་མཆོག་གིས་གཟོ་རྫུ་དེ་དག་དམར་པོའི་རིང་ལུགས་ཀྱི་འཁྲབ་སྟོན་གྱི་ཆ་ཤས་ཤིག་ཡིན་ལ། དེའི་རྐྱེན་གྱིས་སུས་དྲང་བདེན་སྨྲ་བ་དེས་རྒྱ་ནག་ལ་མི་བདེ་བ་བཟོ་ཡོང་གི་ཡོད་་་གསུངས་འདུག། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

[youtube https://www.youtube.com/watch?v=aa8O83zWo6c] གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

ཟླ་བ་སྔོན་མའི་ཚེས་༢༦ ནས་དེ་རིང་གི་བར་རྒྱལ་ཡུམ་ཆེན་མོའི་དྲན་རྟེན་རྐང་སྤོལ་གསེར་གྱི་གཟེང་རྟགས་རྩེད་འགྲན་བྱས་པའི་འབྲས་བུར། ད་རིང་ཉིན་རྒྱབ་སྦེལ་ཀོབ་གོ་ལ་ཐ་ལའི་རུ་ཁག་གིས་གསེར་གྱི་རྟགས་མ་ལེན་སོང་། དེ་ཡང་ཚོུད་༣ པའི་ཐོག་ཁ་སེང་ཕྱེད་མཐའ་མའི་རྩེད་འགྲན་སྐབས་མོན་གྷོ་ལས་རྒྱལ་མཁན་ཀལ་མེན་ཊོན་དང་། ཅིན་ནའི་བོད་ཕྲུག་རུ་ཁག་ལས་རྒྱལ་མཁན་སྦེལ་ཀོབ་གོ་ལ་ཐ་ལའི་རུ་ཁག་བར་མཐའ་མའི་རྩེད་འགྲན་འགོ་ཚུགས་སོང་། ཀལ་མེན་ཊོན་རུ་ཁག་ནི་དེ་སྔ་རྒྱལ་ཡུམ་ཆེན་མོའི་གསེར་གྱི་རྟགས་པ་ཐེངས་འགའ་ལེན་མྱོང་བའི་རྐང་སྤོལ་རུ་ཁག་ཡག་ཤོས་ཤིག་ཏུ་ལྟད་མོ་བ་ཚོས་ངོས་འཛིན་བྱེད་ཀྱི་འདུག་ལ། སྦེལ་ཀོབ་གོ་ལ་ཐ་ལའི་རུ་ཁག་གིས་ཀྱང་སྦེལ་ཁོབ་གཞིས་ཆགས་གསར་པའི་རུ་ཁག་ཕམ་པར་བྱས་པ་སོགས་ལ་བལྟས་ན་ལས་སླ་པོ་ཞིག་མེད་པར་ངོས་འཛིན་བྱས་པ་ལས། ལྟད་མོ་བའི་ཁྲོད་ཕྱོགས་གཉིས་ཀ་ལ་རྒྱབ་སྐྱོར་བྱེད་མཁན་འདྲ་འདྲ་འདུག རྣོ་ངར་ལྡན་པའི་ཕྱོགས་གཉིས་ཀྱི་རྐང་སྤོལ་འགྲན་པ་ལས་སྤོལ་ལོ་གཅིག་ཀྱང་མ་བླུགས་པར་དུས་ཚོད་ཕྱེད་ཀ་རྫོགས། གཡས་གཡོན་དུ་ཆུ་གྲང་མོ་དང་ཇ་ཚ་པོ། མོ་མོ་དང་ཤ་བག་ལེབ་བཙོང་མཁན་ཚོར་དེ་ཙམ་ཡ་བྱེད་མཁན་ཡང་མི་འདུག ཡང་བསྐྱར་དུ་རྩེད་འགྲན་བྱས་པ་ལས་སྐར་མ་༣༠ ཙམ་སོང་སྐབས་ལྟད་མོ་བ་ཚོ་ཧད་ཅིང་། འགའ་ཤས་ཀྱིས་དེ་རིང་སྦེལ་ཀོབ་ཚོས་མི་གསར་པ་ཁྲིད་ཡོད་པ་འདྲ་ཡག་ཏུ་ཕྱིན་འདུག་ཟེར་བ་དང་། ཡང་འགའ་ཤས་ཀྱིས་ད་ཐད་གཏོང་སྤོལ་ལོ་བསྡུར་དགོས་ཐུག་ས་རེད་ཟེར། དེ་ནས་དུས་ཚོད་རྫོགས་ནས་དུས་ཚོད་ཕར་མ་སྐར་མ་ཉི་ཤུ་རྩེས་ཀྱང་རྒྱལ་ཕམ་མ་ཆོད། སྐབས་དེ་དུས་གོ་ལ་ཐ་ལའི་ཕྱོགས་ནས་ཤོ་པག་སྤར་བ་སོགས་བྱས་ནས་རྒྱལ་བའི་རྣམ་པ་སྟོན་སོང་། དེ་ནས་མཐའ་མ་ཐད་གཏོང་སྤོལ་ལོ་འགྲན་རྒྱུ་དེ་རེད། དེའི་སྐབས་ཀལ་མེན་ཊོན་རྩེད་འགྲན་པ་ཞིག་གིས་སྤོལ་ལོ་གཅིག་སྒོའི་ཕྱི་རོལ་དུ་ཤོར་སོང་། ཡང་དེ་ནས་གོ་ལ་ཐ་ལའི་རུ་ཁག་གིས་སྒོ་ར་བས་སྤོལ་ལོ་གཅིག་བཀག་སོང་བ་ལས་སྦེལ་ཀོབ་གོ་ལ་ཐ་ལའི་རུ་ཁག་ལ་རྒྱལ་ཡུམ་ཆེན་མོའི་རྐང་སྤོལ་རྒྱལ་ཁ་ཐོབ་སོང་། སྦེལ་ཀོབ་གོ་ལ་ཐ་ལ་ནི་སྦེལ་ཀོབ་གཞིས་གྲོང་ལྔ་པ་དང་དྲུག་པ་དང་དམག་མི་གཞིས་གྲོང་བཅས་རེད་འདུག་ལ། གོ་ལ་ཐ་ལའི་རུ་ཁག་གིས་སྒོ་ར་བ་ནི་དེ་སྔ་སྦེལ་ཀོབ་གཞིས་ཆགས་ཀྱི་སྒོ་ར་བ་ཡིན་པ་དང་རྒྱལ་ཡུམ་ཆེན་མོའི་རྐང་སྤོལ་ཐེངས་མང་རྩེས་མྱོང་ཡོད་འདུག་པ་དང་སྒོ་ར་བ་ཡག་ཤོས་གྲལ་ཡིན་འདུག རྐང་སྤོལ་མཇུག་སྒྲིལ་བའི་རྗེས་སུ་ལྟད་མོ་བའི་ཁྲོད་ཁོང་དང་ལྷན་དུ་དཔར་རྒྱག་མཁན་མང་པོ་བྱུང་སོང་། གོ་ལ་ཐ་ལའི་རུ་ཁག་གི་ནང་རྩེད་འགྲན་པ་ཨང་༦ དང་༩ དང་༡༡ དང་སྒོ་ར་བ་བཅས་ལ་ལྟད་མོ་བའི་བསྔགས་བརྗོད་བྱེད་ཀྱི་འདུག ཀལ་མེན་ཊོན་ནི་དྷེ་ར་དྷུན་ཉེ་འགྲམ་དུ་ཡོད་པའི་བོད་པའི་གཞིས་ཆགས་ཤིག་ཡིན་པ་དང་། དེ་སྔ་རྒྱལ་ཡུམ་ཆེན་མོའི་རྐང་སྤོལ་གསེར་གྱི་རྟགས་མ་ཐེངས་འགའ་ལེན་མྱོང་བ་དང་རྐང་སྤོལ་རྩེད་འགྲན་པ་ཡག་ཤོས་ཀྱི་ཁུངས་སུ་སླེབས་ཀྱི་ཡོད། ཀལ་མེན་ཊོན་རུ་ཁག་གི་ནང་མིང་འདོགས་ལ་ལམ་བྷུ་(གཟུགས་རིང་པོ་)ཟེར་བའི་རྩེད་འགྲན་པ་ཞིག་འདུག་པ་དེར་ལྟད་མོ་བའི་ཁྲོད་དགའ་མོས་བྱེད་མཁན་མང་པོ་འདུག་ལ། ཡང་སེ་ཁོའི་མིང་ནས་འབོད་ཀྱི་འདུག དེ་བཞིན་རྩེད་འགྲན་པ་ཨང་༧ དང་༡༠ དང ༡༨ དང་༡༢ བཅས་ལ་ལྟད་མོ་བའི་བསྔགས་བརྗོད་བྱེད་ཀྱི་འདུག ལྷག་དོན་ད་ལེན་རྒྱལ་ཡུམ་ཆེན་མོའི་དྲན་རྟེན་རྐང་སྤོལ་རྩེད་འགྲན་གྱི་སྐབས་འདིར་རྩེད་འགྲན་པ་དང་ལྟད་མོ་བའི་ངོས་ནས་སྙོག་སྒྲ་ཟེར་བ་སྤུ་ཙམ་བླངས་མེད་པ་དེར་ཚང་མའི་ཡིད་སྨོན་དང་བསྔགས་བརྗོད་ཞུ་ཡི་འདུག་ལ། དེ་ནི་འུhttp://www.blogger.com/img/blank.gif་ཅག་བོད་མི་རྣམས་མཐུན་སྒྲིལ་གྱི་རྣམ་པ་མཚོན་པའི་སྤྱོད་ལམ་ཡག་ཤིག་ཞིག་ཏུ་ངོས་འཛིན་བྱེད་ཀྱི་འདུགརྒྱལ་ཡུམ་ཆེན་མོའི་དྲན་རྟེན་རྐང་སྤོལ་རྩེད་འགྲན་བྱ་དགའ་ཐོབ་མཁན། ༡ གསེར་གྱི་རྟགས་མ་ལེན་མཁན། སྦེལ་ཀོབ་གོ་ལ་ཐ་ལའི་རྐང་སྤོལ་རུ་ཁག༢ ཨང་གཉིས་པ་ལེན་མཁན། ཀལ་མེན་ཊོན་དོན་གྲུབ་གླིང་རུ་ཁག་རྐང་སྤོལ་རུ་ཁག༣ སྤོལ་ལོ་མང་ཤོས་བླུགས་མཁན། མོན་གྷོ་རུ་ཁག་གི་རྩེད་འགྲན་པ་བུ་ལགས།༤ རྐང་སྤོལ་རུ་ཁག་ཡག་ཤོས། ཨོ་རི་ས་ཕུན་ཚོགས་གླིང་རྐང་སྤོལ་རུ་ཁག ཐེངས་འདིར་གཟེང་རྟགས་ཕྱག་གིས་གནང་མཁན་ནི་ལྕམ་ཨཤེ་རི་ཋི་རེད་འདུག་ལ། ཁོང་གི་སྐོར་གཟིགས། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

[youtube https://www.youtube.com/watch?v=yinkoI_r1sI] གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།