Category: གསར་འགྱུར།

ཁ་སེང་ཟླ་བ་༩ ཚེས་ ༢༦ ཉིན་མོན་གྷོ་ས་གནས་སུ་རྒྱལ་ཡུམ་ཆེན་མོའི་དྲན་རྟེན་རྐང་སྤོལ་གསེར་གྱི་རྟགས་མའི་རྩེད་འགྲན་འགོ་ཚུགས་སོང་ལ། དངོས་གཞི་མཛད་སྒོའི་སྐབས་གྲྭ་ཚང་ཁག་གི་ལས་སྣེ་རྣམས་དང་ས་གནས་ཀྱི་མགོ་བྱེད་རྣམ་པ་དང་། སྐུ་མགྲོན་གྱི་གཙོ་བོར་ཀུན་བདེ་གླིང་རིན་པོ་ཆེ་དང་ས་གནས་རྒྱ་གར་ཉེན་རྟོག་དཔོན་དང་གཞི་འགོ་བཅས་ཕེབས་འདུག ཐོག་མར་༧གོང་ས་མཆོག་གི་སྐུ་པར་གདན་ཞུ་དང་དེའི་རྗེས་རྩེད་འགྲན་རུ་ཁུག་སོ་སོས་རུ་དར་ཁྱེར་ནས་རུ་བསྒྲིགས་ཀྱིས་སླེབས་སོང་། རྩེད་འགྲན་དུ་ས་གནས་འདྲ་མིན་ནས་མཉམ་ཞུགས་གནང་བ་དཔེར་ན། བལ་ཡུལ་ནས་འཕགས་པ་ཤིང་ཀུན་རུ་ཁག ཤི་ལོང་ནས་གངས་ལྗོངས་རུ་ཁག ཨོ་རི་ས་ཕུན་ཚོགས་གླིང་རུ་ཁག སྦེལ་ཀོབ་དོན་ལྡན་གླིང་རུ་ཁག་དང་། སྦེལ་ཀོབ་གྷོ་ལ་ཐ་ལའི་རུ་ཁག དྷེ་ར་དྷུན་དོན་གྲུབ་གླིང་རུ་ཁག གྷོ་བ་བོད་མིའི་མཐུན་ཚོགས་རུ་ཁག ཧུན་སུར་རབ་རྒྱས་གླིང་རུ་ཁག བོད་ཁྱིམ་རུ་ཁག ཅི་ནའི་འམ་མ་རྡ་ར་སི་བོད་ཕྲུག་ཚོགས་པའི་རུ་ཁག་སོགས་འདུག རྩེད་འགྲན་ཚོགས་པའི་ཚོགས་གཙོ་སྐལ་བཟང་དོན་གྲུབ་ལགས་ཀྱིས་རྒྱལ་ཡུམ་ཆེན་མོ་ནི་འཛམ་གླིང་གི་ནོར་བུ་གཅིག་པུ་དེ་སྩོལ་མཁན་དེ་ཡིན་པ་དང་དེའི་དྲན་རྟེན་དུ་རྩེད་འགྲན་བྱེད་ཀྱི་ཡོད་པ་གསུངས་སོང་། ཡང་ཁོང་གིས་དེ་སྔ་༢༠༠༨ ལོར་མོན་གྷོ་ས་གནས་སུ་དེ་ལྟའི་རྩེད་འགྲན་བྱེད་དུས་བཟང་སྤྱོད་ཀྱིས་རྩེད་འགྲན་ཧ་ལས་པ་ཡག་པོ་བྱུང་སོང་བ་བཞིན་འདི་ལོར་ཡང་དེ་ལྟར་ཡོང་བའི་རེ་བ་ཡོད་པ་གསུངས་སོང་ལ། མོན་གྷོ་ས་གནས་འགོ་འཛིན་གྱིས་འདི་ལོ་དེ་ཙམ་གྲ་སྒྲིག་ཡག་པོ་བྱུང་མ་སོང་ཀྱང་རྗེས་མ་༢༠༡༦ ལོར་མོན་གྷོ་གཞི་ཆགས་འགོ་ཚུགས་ནས་ལོ་ངོ་༥༠ འཁོར་བའི་སྐབས་དང་བསྟུན་རྒྱལ་ཡུམ་ཆེན་མོའི་རྐང་སྤོལ་རྩེ་རྒྱུ་ཡིན་ན་ད་དུས་གྲ་སྒྲིག་ད་ལོ་ལས་བརྒྱ་འགྱུར་གྱི་ཡག་པ་ཞུ་རྒྱུ་ཡིན་པ་གསུངས་སོང་། རྒྱལ་ཡུམ་ཆེན་མོའི་རྐང་སྤོལ་འགྲན་བསྡུར་དེ་ནི་བཙན་བྱོལ་བོད་མིའི་གཞིས་སྒར་ཁག་མཉམ་རུབ་ཀྱི་འབྲེལ་ལམ་བྱེད་ས་ཡག་ཤོས་ཞིག་ཡིན་འདུགཁ་སང་ཉིན་དང་པོའི་ཉིན་མོན་གྷོ་འདོད་རྒུ་གླིང་རུ་ཁག་དང་བོད་ཁྱིམ་བར་རྩེད་འགྲན་བྱས་པ་དང་མོན་གྷོ་༣དང་༡་གྱིས་ཐོབ་པ་དང་། བལ་ཡུལ་འཕགས་ཤིང་རུ་ཁག་དང་གྷོ་བ་རུ་ཁག་༠་དང་༠ འདྲ་མཉམ་ཆགས་སོང་། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

འདི་ཟླའི་བོད་ཚེས་༦ ནས་དབུ་འཛུགས་ཀྱིས་ཚེས་༢༤ བར་དགེ་ལྡན་ལུགས་བཟང་གཙུག་ལག་སློབ་གཉེར་ཁང་གི་རྒྱུགས་སྤྲོད་ཆེན་པོ་ལེགས་པར་འཚོགས་པ་ལས་ད་ནངས་ཚེས་༢༥ ཞོགས་པའི་ཚོད་༨ པའི་ཐོག་མཇུག་བསྡུའི་བསྔོ་སྨོན་དང་། རྒྱུགས་བཞེས་པ་དང་རྒྱུགས་འབུལ་ལྷན་བཞུགས་ཀྱི་དྲན་རྟེན་སྐུ་པར་བཅས་འགྲོན་གནང་སོང་། འདི་ལོའི་རྒྱུགས་ཀྱི་སྤྲོད་ཀྱི་བརྒྱུད་རིམ་ནང་བྲིས་རྒྱུགས་རྣམས་ཀྱི་བར་དུ་ཉིན་རེ་མཚམས་རྩོད་རྒྱུགས་ལས་བྲིས་རྒྱུགས་མེད་པ་བྱས་པས་རྐྱེན་སློབ་གཉེར་བ་ཚོའི་སྐུ་གཟུགས་མི་བདེ་བས་རྒྱུགས་ནས་ཕྱིར་འཐོན་བྱེད་དགོས་པ་དེ་འདྲ་བྱུང་མི་འདུག འདི་ལོར་རྒྱུགས་འབུལ་མཁན་སློབ་གཉེར་བ་༦༠༠ བརྒལ་བ་བྱུང་འདུག་ཅིང་། དེ་དག་ཐམས་ཅད་རང་རང་གི་གྲྭ་ཚང་དུ་མ་མཐཪ་ལོ་༡༧ སློབ་གཉེར་གནང་གྲུབ་པ་དེ་འདྲ་རེད་ཤག འབུལ་རྒྱུའི་རྒྱུགས་ལ་ལོ་རིམ་འཛིན་གྲྭ་མཐོ་དམན་ལས་ཕྲ་རགས་ཅི་རིགས་དང་། རྒྱུགས་ཀྱི་ངོ་བོ་ལ་ཡང་བྲིས་རྒྱུགས་དགུ་དང་དྲུག་ལ་སོགས་པའི་མང་ཉུང་དང་། རྩོད་རྒྱུགས་ལ་ཡང་དཀའ་པོད་ལྔ་རེར་མི་རེས་ཚོུད་ཕྱེད་དང་གཅིག་བྱེད་པ་དེ་འདྲ་ཡང་འདུག དགེ་ལུགས་རྒྱུགས་སྤྲོད་ཆ་ཚང་འཐོན་པར་མ་མཐར་ལོ་དྲུག་རྒྱུགས་འབུལ་དགོས་འདུག་ལ། འགའ་རེས་རྒྱུགས་ཚད་མ་ལོངས་པ་ལས་ལོ་བརྒྱད་རྒྱུགས་འབུལ་བ་དང་། འགའ་རེས་རྒྱུགས་ཚད་མ་ལོངས་པ་ལས་རྒྱུགས་སྤྲོད་ནས་བེད་དེ་ཕྱིར་བུད་འགྲོ་བ་དེ་ཡང་འདུགད་ནངས་མཇུག་བསྡུའི་ཚོགས་བསྡུ་སྐབས། མཁན་པོ་ཚོས་ཡ་མཐའ་ལ་ཐུག་པ་མེད་པར་སོང་ད་དུང་རྒྱུགས་སྤྲོད་སྤུད་ཚོད་གོང་མཐོར་གཏོང་དགོས་པ་དང་། སློབ་མཐོན་པ་ཚོས་ཀྱང་སྐད་རིག་གཞན་ལ་ཡང་དོ་སྣང་བྱེད་དགོས་པར་སོང་། རྒྱུགས་སྤྲོད་དོ་དམ་པས་ཀྱང་། ཆུ་འཐོན་ཀྱང་ཟམ་པ་བསྡད་དགོས་པ་ལྟར་དགེ་ལུགས་རྒྱུགས་སྤྲོད་ཀྱི་སྒྲིག་ལམ་སོགས་སྔར་རྒྱུན་ལྟར་གནས་རྒྱུ་ཡིན་པ་དང་། རྒྱུགས་སྤྲོད་ཀྱི་གྲུབ་འབྲས་ཀྱང་ཟབ་གནན་བྱེད་དགོས་པར་སོང་ཟླ་བ་གཅིག་དང་ཕྱེད་ཀ་མ་མཐར་འགོར་ངེས་པའི་དེ་རིང་སློབ་གཉེར་བ་ཚོས་བྲེལ་མ་གནང་རོགས་གསུངས་སོང་ལ། ཕྱིས་སུ་གྲུབ་འབྲས་ནང་དབང་པོ་མཆོག་དམན་སོགས་ལས་རྒྱུགས་ཚད་མ་ལོན་པ་དེ་འདྲ་འབྱུང་སྲིད་པས་དེ་ཚོས་ངོས་ནས་ཀྱང་སེམས་ཤུགས་མ་ཆགས་པར། རྒྱུགས་སྤྲོད་བྱས་པའི་གཙོ་བོའི་དགོས་པ་དཔེ་ཆ་སྦྱོང་རྒྱུ་བྱུང་བ་ཚང་མར་བྱུང་བ་དེ་ཐུགས་ལ་བཞག་དགོས་གསུངས། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

མགོན་པོ། འདི་ནི་ཉི་ཧོང་དུ་ས་ཡོམ་རྒྱུགས་སྐབས་ཨ་མ་ཞིག་གིས་རང་སྲོག་བློས་བཏང་བྱས་པའི་དངོས་བྱུང་གི་སྒྲུང་ཞིག་ཡིན། ས་ཡོམ་གཞོམ་རྗེས་སྲོག་སྐྱོབ་རུ་ཁག་བུད་མེད་གཞོན་ནུ་མ་ཞིག་གི་ཁང་པ་ཞིག་འཕྲོ་ཞིག་གི་འགྲམ་དུ་སླེབས་ཞིང་ཁོང་ཚོས་སེར་ཁའི་ཁྲོད་ནས་མོའི་བེམ་པོ་མཐོང་། འོན་ཀྱང་མོའི་སྡོད་སྟངས་དེ་ཁྱད་མཚར་ཞིག་ཏེ་མོའི་པུས་མོ་མི་ཞིག་ཆོས་བྱེད་ཀྱི་ཡོད་པ་ལྟར་ས་ལ་བཙུགས་ཡོད་ཅིང་གཟུགས་པོ་མདུན་ལ་གུག་ཞིང་ལག་པ་གཉིས་དངོས་པོ་ཞིག་གིས་བརྟེན་ཡོད། མོའི་རྒྱབ་དང་མགོ་ཁང་པ་ལྡིབ་ནས! ་ཆག་ཧྲུག་ཏུ་བཏང་ཡོད་པ་རེད།དཀའ་ཚེགས་དུ་མ་བརྒྱུད་སྲོག་སྐྱོབ་རུ་ཁག་གི་རུ་དཔོན་གྱིས་ལག་པ་གྱང་སྟེང་གི་བར་ཧྲུག་ཀྱག་ཀྱོག་ཞིག་བརྒྱུད་ནས་བུད་མེད་དེའི་གཟུགས་པོར་ཐུག་ཐབས་ཀྱིས་བུད་མེད་དེ་ད་དུང་གསོན་ཡོད་པའི་རེ་བ་བྱས། འོན་ཀྱང་མོའི་བེམ་པོ་འཁྱགས་གྱོང་དེས་ཁོ་མོ་ཏན་ཏན་ཤི་ཟིན་པ་ཁོར་ར་སྤྲོད་བྱས། ཁོ་དང་རུ་མི་གཞན་ཚོས་ཁང་པ་དེ་བསྐྱུར་ནས་ཁང་པ་ཞིག་པོ་རྗེས་མ་དེར་འཚོལ་ཞིབ་ལ་ཕྱིན། འོན་ཀྱང་རྒྱུ་མཚན་གློ་བུར་བ་ཞིག་གིས་རུ་དཔོན་དེ་སྔོན་གྱི་བུད་མེད་འདས་པོ་དེའི་ཁང་པ་ཞིག་པོ་དེར་ཕྱིར་འགྲོ་དགོས་པ་བྱུང་། སླར་ཡང་ཁོས་པུས་མོ་བཙུགས་ནས་ལག་པ་བར་ཧྲུག་ཀྱག་ཀྱོག་དེ་ནས་བཅུག་ཏེ་བུད་མེད་དེའི་གཟུགས་པོའི་འོག་གི་བར་སྟོང་ཆུང་ཆུང་དེར་ལག་སྙོབ་རྒྱབ། གློ་བུར་དུ་ཁོས་ ཕྲུ་གུ་ཞིག་འདུག འདིར་ཕྲུ་གུ་ཞིག་འདུག་ ཅེས་དགའ་ཚོར་ཆེན་པོས་སྐད་རྒྱབ། རུ་མི་ཚང་མས་མཉམ་རུབ་ངང་གཟབ་གཟབ་བྱས་ནས་བུད་མེད་འདས་པོ་དེའི་ཉེ་འཁྲིས་ཀྱི་ཅ་དངོས་ཞིག་རོ་རྣམས་བསལ། ཕྲུ་གུ་དེའི་ཨ་མའི་བེམ་པའི་འོག་མེ་ཏོག་གི་རི་མོ་བཏབ་པའི་མལ་ཆས་ཞིག་ནང་ཟླ་བ་གསུམ་ལ་གསོན་པའི་བུ་ཆུང་ཞིག་བསྒྲིལ་འདུག བུད་མེད་དེས་རང་གི་བུ་སྐྱོབ་ཆེད་དུ་མཐར་ཐུག་གི་བློས་གཏོང་ཞིག་བྱས་ཡོད་པ་མངོན་གསལ ་རེད། ཁང་པ་བརྡིབ་སྐབས་བུ་སྐྱོབ་ཆེད་མོས་རང་གི་གཟུགས་པོ་ཁོ་ལ་བཀབ་ཡོད་པ་རེད །རུ་དཔོན་གྱིས་བུ་དེ་ཡར་ལེན་སྐབས་ཁོ་ད་དུང་ཞི་འཇམ་ངང་གཉིད་འདུག སྨན་པ་བུ་དེར་བརྟག་དཔྱད་བྱེད་པར་གང་མགྱོགས་སླེབས་ཅིང་ཁོ་ཚོས་མལ་ཆས་བསལ་སྐབས་ལག་ཐོག་ཁ་པར་ཞིག་དེའི་ནང་ཡོད་པ་མཐོང་། ཁ་པར་དེའི་ངོ་ཤེལ་སྟེང་འཕྲིན་ཐུང་ཞིག་འདུག་པ་འདི་ལྟར་ གལ་སྲིད་ཁྱོད་གསོན་ཐུབ་ན་ཁྱོད་ཀྱིས་ངས་ཁྱོད་ལ་བརྩེ་བ་ཡོད་པ་ངེས་པར་དུ་དྲན་རོགས ། ལག་ཐོག་ཁ་པར་དེ་ལག་པ་གཅིག་ནས་གཅིག་ལ་བརྒྱུད་ཅིང་འཕྲིན་ཐུང་དེ་ཀློག་མཁན་ཚང་མ་ངུ་ཤོར ། རང་ཉིད་ཤི་ཡང་ད་དུང་བུ་ལ་སེམས་འཁུར་བྱེད་པའི་ གལ་སྲིད་ཁྱོད་གསོན་ཐུབ་ན་ཁྱོད་ཀྱིས་ངས་ཁྱོད་ལ་བརྩེ་བ་ཡོད་པ་ངེས་པར་དུ་དྲན་རོགས ། ཞེས་པ་ནི་ཨ་མ་ཞིག་གིས་རང་གི་ཕྲུ་གུ་ལ་བཅངས་པའི་བརྕེ་སེམས་ངོ་མ་རེད ། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

[youtube https://www.youtube.com/watch?v=d9lE96oo5TQ]ཁ་སང་ཨ་མི་རི་ཀས་ལོ་ལྔའི་རྗེས་སུ་Jupiterགཟའ་སྐར་ཕུར་བུའི་ནང་འབྱོར་མཁན་གྱི་མི་མེད་འཕུར་གྲུ་མ་གནས་ཨ་སྒོར་ཐེར་འབུམ་གཅིག་ལྷག་བྱས་པ་ཞིག་བཏང་ཡོད་འདུག འཕུར་གྲུ་དེས་༢༠༡༦ སྤྱི་ཟླ་༧ ཚེས་༥ ཉིན་གཟའ་སྐར་ཕུར་བུའི་ནང་འབྱོར་ཐུབ་ཀྱི་ཡོད་པ་དང་། དེ་ཡང་ཉི་མའི་དཀྱིལ་འཁོར་ལ་བསྐོར་བ་གཅིག་བྱས་ནས་བསྐྱོད་ཀྱི་ཡོད་འདུགགཤམ་གྱི་དེ་ཆུང་ཚེ་རིང་གི་ཟིན་བྲིས་ལས་དྲངས། ཕུར་བུ། (Jupiter) ཕུར་བུ་ནི་ཉི་མའི་ཁྱིམ་རྒྱུད་ཀྱི་རྒྱུ་སྐར་ཚང་མའི་ནང་ནས་ཆེ་ཤོས་དེ་རེད། དེའི་གདོས་ཚད་ནི་རྒྱུ་སྐར་གཞན་ཚང་མའི་གདོས་ཚད་ཕྱོགས་གཅིག་ཏུ་བསྒྲིལ་བ་ལས་ཀྱང་ཆེ་བ་ཡོད། དེ་བཞིན་ཉི་མ་དང་རྒྱུ་སྐར་ཕུར་བུའི་བར་གྱི་རྒྱང་ཐག་ནི། ཉི་མ་དང་བར་ཐག་ཉེ་བའི་རྒྱུ་སྐར་གཞན་བཞིའི་རྒྱང་ཐག་ཕྱོགས་གཅིག་ཏུ་བསྡོམས་པ་ལས་ཀྱང་རིང་བ་ཡོད། དེར་བརྟེན། སའི་གོ་ལ་དང་མིག་དམར་དང་བསྡུར་ན། རྒྱུ་སྐར་འདིར་ཉི་མའི་འོད་དང་དྲོད་ཐོབ་ཚད་ཧ་ཅང་ཉུང་ཡང༌། རྒྱུ་སྐར་པ་སངས་དང་སྐབས་ངེས་ཅན་གྱི་མིག་དམར་གྱི་སྣང་ཚུལ་ཕུད་བར་སྣང་ཁམས་ཀྱི་རྒྱུ་སྐར་གཞན་ཐམས་ཅད་ལས་བཀྲག་མདངས་ཆེ་ཤོས་སུ་མངོན། (དཔེ་རིས་ ༡་༩) ཕུར་བུའི་བཀྲག་མདངས་ནི་རང་སྟེང་དུ་ཕོག་པའི་ཉི་འོད་ཕལ་མོ་ཆེ་ལྡོག་འཕྲོ་བྱེད་པའི་རླུང་ཁམས་མཐུག་པོ་དེ་ལས་བྱུང་བ་ཡིན། རྒྱུ་སྐར་ཕུར་བུ་ནི་གཙོ་བོ་རླུང་ཧཡིཌོར་ཇན་དང་ཧེ་ལི་ཡམ་(Hydrogen and Helium) ཞེས་པ་གཉིས་ལས་རླངས་གཟུགས་ཀྱི་རྣམ་པར་གྲུབ་པར་ཡིད་ཆེས་བྱེད་ཅིང༌། དེའི་སྤྲིན་པ་དང་འདྲ་བའི་ཕྱི་ངོས་ནི་གཉུག་རླུང་དང་པོ་རླངས་གཟུགས་ཀྱི་ངོ་བོ་དང༌། ཟེ་རླངས་དྭངས་ཤེལ་གྱི་རྣམ་པར་གྲུབ་ཡོད། ཕྱི་ལོ་ ༢༠༠༢ ལོ་བར་ཤེས་རྟོགས་བྱུང་བ་ལྟར་ན། ཕུར་བུར་རང་བྱུང་འཁོར་སྐར་རམ་ཟླ་བ་ ༢༨ ཡོད་པ་དང༌། དེ་ལ་ད་དུང་གདུབ་བུ་མག་མོག་ཅིག་ཀྱང་ཡོད།། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

ཕྱི་ལོ་༢༠༡༡ཟླ་༧ཚེས་༢༥ཉིན། ཀོ་ཕིས་༼འཚིག་ཇ་ནག་པོ་༽ Black Coffee གློག་བརྙན་བཟོ་སྒྲིག་ཁང་དང༌། བོད་བསམ་པ་ Think Tibet གློག་བརྙན་བཟོ་སྒྲིག་ཁང་གཉིས་ཀྱིས་ཞྭ་སྒབ་པའི་༼མཐོང་ཆེན་པར་རིས་༽ Passport Photos ཀྱིས་བཟོ་སྒྲིག་བྱས་པའི་གློག་བརྙན་ཞིག འདི་ལོ་རྒྱལ་སྤྱིའི་གློག་བརྙན་དུས་སྟོན་ཐེངས་ ༨ ནང་བདམས་ཐོན་བྱུང་ཡོད་འདུག གློག་བརྙན་དེ་ནི་དེ་སྔོན་ཕྱི་ལོ་༢༠༠༣ལོར་བལ་ཡུལ་ནས་རྙེད་སོན་བྱུང་བའི་བོད་སྡེ་པ་གཞུང་གི་རྩིས་དཔོན་ཞྭ་སྒབ་པ་དབང་ཕྱུག་བདེ་ལྡན་གྱི་ཕྱི་བསྐྱོད་མཐོང་ཆེན་ལག་འཁྱེར་གྱི་པར་རིས་དག་ཕྱོགས་སྒྲིག་བྱས་པ་ཞིག་དང༌། གཞན་ཡང་གློག་བརྙན་དེའི་ནང་བསྟན་འཛིན་སུ་ཝེ་དང༌། བསྟན་འཛིན་ཨུར་བྷན་ཟེར་བའི་བོད་མི་གཞོན་སྐྱེས་༢དང་ལྷན་དུ་བགྲོ་གླེང་བྱས་པའི་གནས་ཚུལ་ཁག་ཅིག་བཀོད་ཡོད་འདུག་ལ། གློག་བརྙན་དེར་རིང་ཚད་སྐར་མ་༡༥རིང་ཡོད་འདུག ཀོ་ཕིས་༼འཚིག་ཇ་ནག་པོ་༽ Black Coffee གློག་བརྙན་བཟོ་སྒྲིག་ཁང་དང༌། བོད་བསམ་པ་ Think Tibet གློག་བརྙན་བཟོ་སྒྲིག་ཁང་གཉིས་ཀྱིས་ཞྭ་སྒབ་པའི་༼མཐོང་ཆེན་པར་རིས་༽ ཀྱིས་བཟོ་སྒྲིག་བྱས་པའི་གློག་བརྙན་དེ་ཕྱི་ལོ་༢༠༡༠ལོ་བཟོ་སྐྲུན་ལེགས་གྲུབ་བྱུང་བ་དང་། གཞན་གློག་བརྙན་གྲངས་༣༠༠ཙམ་དང་འགྲན་སྡུར་བྱས་ནས། ཕྱི་ལོ་༢༠༡༡ལོར་རྒྱལ་སྤྱིའི་གློག་བརྙན་དུས་སྟོན་ཆེ་ཁག་༨ནང་འཛུལ་ཞུགས་ཐུབ་པ་བྱུང་ཡོད། ཐོག་མར་ཕྱི་ལོ་༢༠༡༡ཟླ་༡ཚེས་༣༡ཉིན་སི་པན་ལྷོ་ཤར་གྱི་གྲོང་ཁྱེར་མུར་ཀཱའི་ནང་རྒྱལ་སྤྱིའི་གློག་བརྙན་དུས་སྟོན་ཞིག་གི་ཐོག་འཛུལ་ཞུགས་བྱ་རྒྱུར་བདམས་ཐོན་བྱུང་བ་དང༌། དེ་རྗེས་ཕྱི་ལོ་༢༠༡༡ལོར་ལྷོ་ཤར་ཨེ་ཤ་ཡའི་རྒྱལ་ཁབ་ལའོ་སི་དང༌། ཁེ་ན་ཌའི་ས་ཁུལ་ཌེ་ཝ་སོན། ནེ་དྷར་ལན་ཌི། ནུབ་ཨེ་ཤ་ཡའི་རྒྱལ་ཁབ་ལེ་བྷ་ནོ། ཤར་ཨ་ཧྥེ་རི་ཀའི་རྒྱལ་ཁབ་ཨུ་གྷན་ཌ། ཨེ་ཊ་ལི། ཨོ་སི་ཊོ་ལི་ཡ་བཅས་ཀྱི་ནང་རྒྱལ་སྤྱིའི་གློག་བརྙན་དུས་སྟོན་ཁག་གི་ནང་མཉམ་ཞུགས་ཐུབ་པ་བྱུང་ཡོད། བོད་བསམ་པ་ཞེས་པའི་ལས་ཁུངས་དེའི་དྲ་རྒྱའི་ཁ་བྱང་ www.thinktibet.org འདིའི་བརྒྱུད་ཁྱེད་ཀྱིས་གནས་ཚུལ་དེ་ལས་མང་པ་ཤེས་རྟོགས་ཡོང་ངེས་ཡིན། བོད་ཀྱི་ཆ་འཕྲིན་ནས་དྲངས། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།