Category: གསལ་བསྒྲགས།

མཁྱེན་ལྡན་གྲོགས་པོ་རྣམ་པ། ཁྱེད་རྣམ་པས་དེང་སར་སྤྱད་བདེའི་ཁ་པར་སོགས་ཀྱི་ནང་ནས་སྐྱ་རེངས་དྲ་ཚིགས་འདི་བཞིན་གཟུགས་བློ་ཡོད་ན། གཤམ་གྱི་ཁ་བྱང་དེ་རྒྱུད་ནས་གཟིགས་ན་སྟབས་བདེ་བ་དང་མྱུར་བ་ཡོད།http://www.kyareng.org/?m=1 གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

གྲོགས་པོ་ཞིག་གིས་བོད་ནས་ང་ལ་གློག་འཕྲིན་ཞིག་བརྒྱུད་ནས་གཤམ་གྱི་རྨུ་ཐག་དུས་དེབ་ཕབ་ལེན་བྱ་སའི་དྲ་རྒྱའི་ཁ་བྱང་གནང་འདུག་ཅིང་། ཁོང་གི་བཙན་བྱོལ་དུ་ཡོད་པའི་སྤུན་ཟླ་ཚོས་དུས་དེབ་ལ་གཟིགས་ཐུབ་པའི་རེ་བ་གནང་འདུག།།དེའི་ཕྱིར་ངོས་ནས་རྨུ་ཐག་དུས་དེབ་ཀྱི་ངོ་སྤྲོད་དང་དྲ་ཚིགས་ཁ་བྱང་འདིར་བཤུས་པ་ཡིན།http://tbmuthak.googlepages.com གངས་རིའི་ལྗོངས་ཀྱི་གསེར་མདོག་གི་ཉི་གཞོན་འོག་ཏུ་སྦྲུམ་པའི་གངས་བུ་ཁྱུ་དང་ཁྱུ་ཞིག་ཕ་ས་དྲོན་མོ་ལས་རྒྱང་དུ་གྱེས་ཏེ་ནང་སའི་ཡུལ་གྲུ་གང་སར་སློབ་གཉེར་བྱེད་བཞིན་ཡོད། རང་ཉིད་ཀྱི་མི་ཚེའི་རེ་བ་དང་ཕུགས་བསམ་མངོན་དུ་འགྱུར་སླད་གངས་རིའི་པང་ལས་རྒྱང་ལ་པེ་ཅིང་གི་ཡུལ་འདིར་སློབ་གྲྭ་འགྲིམ་བཞིན་པའི་ངེད་ཀྱང་ལྷག་བསམ་ཞིག་སེམས་སུ་བཅངས་ཏེ་བྱ་བ་རེ་ཟུང་བསྒྲུབ་བཞིན་དུས་གདའ། དེ་ཡང་པེ་ཅིང་དུ་བོད་ཀྱི་རིག་གནས་མུ་མཐུད་གོང་འཕེལ་ཡོང་བར་སྐུལ་འདེད་ཐུབ་པའི་སླད་དུ་ང་ཚོ་མདོ་དབུས་ཁམས་གསུམ་གྱི་བོད་རིགས་སློབ་མ་འགའ་ཤས་མཉམ་དུ་འདུས་ཏེ་པེ་ཅིང་བོད་རིགས་སློབ་མའི་རྩོམ་རིག་ཚོགས་ཆུང་བྱ་བ་ཞིག་གཉེར། ང་ཚོས་ཕན་ཚུན་སློབ་སྦྱོང་དང་མཐུན་ལས་སྤེལ་བ་བརྒྱུད། ཉམས་ཆག་ཏུ་འགྲོ་བཞིན་པའི་ནང་སའི་བོད་རིགས་སློབ་མའི་བོད་སྐད་ཡིག་གི་ཡོན་ཚད་སོར་ཆུད་དང༌། པེ་ཅིང་དུ་བཅའ་སྡོད་བྱས་པའི་བོད་མདོ་དབུས་ཁམས་གསུམ་གྱི་སྤུན་ཟླ་རྣམས་ལ་ཕན་ཚུན་རྒྱུས་མངའ་བྱེད་པའི་ཁོར་ཡུག་བཟང་པོ་ཞིག་བསྐྲུན་ཏེ། རང་རེའི་སྲོལ་རྒྱུན་རིག་གནས་འདི་བཞིན་མ་ཉམས་རྒྱུད་འཛིན་ཐུབ་རྒྱུར་རང་ནུས་གང་དཔོག་གི་སྲི་ཞུ་ཕྲན་ཙམ་འགྲུབ་རྒྱུའི་དམིགས་ཡུལ་བཟུང་ནས་ཚོགས་ཆུང་འདི་འདྲ་ཞིག་བཙུགས་པ་ཡིན།ད་ལམ་རྭ་ཐབས་རིན་པོ་ཆེ་མཆོག་གི་རོགས་རམ་ལས་ངེད་ཀྱི་བྱ་བར་སྔར་མེད་པའི་མཐུན་རྐྱེན་གང་མང་བསྐྲུན་སྟབས། གོ་སྐབས་བཟང་པོ་འདི་དང་བསྟུན་ནས་ངེད་ཀྱིས་༼རྨུ་ཐག༽བྱ་བའི་དུས་དེབ་ཞིག་གཉེར་བའི་བྱ་བར་འབད་ཡོད་ལ། http://tbmuthak.googlepages.com གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།