སྐྱ་རེངས་ན་གཞོན་རྩོམ་རིག་དྲ་བ།

ཀ་ཡེ་ཟེར་དུས་ཨ་ལན་འདེབས་མཁན་ང་ཚོ་བོད་ཀྱི་པུ་གུ་ཡིན།།ཀ་བ་ལྟར་ཏུ་གཞུང་དྲང་གཟུང་མཁན་ང་ཚོ་བོད་ཀྱི་ཆོས་རྒྱལ་ཡིན།།ཀ་མད་སུམ་ཅུས་ཆོས་ཕུང་བསྒྱུར་པོ་ང་ཚོ་བོད་ཀྱི་ལོ་ཙཱ་ཡིན།།ཀ་དག་སྙིང་བརྩེས་འབངས་མི་སྐྱོང་བ་ང་ཚོ་བོད་ཀྱི་བླ་མ་ཡིན།། ཁ་དང་ལག་པས་མ་ནི་བགྲངས་པ་ང་ཚོ་བོད་ཀྱི་རིག་གཞུང་ཡིན།།ཁ་ཞེ་གཉིས་མེད་སྤྱི་དོན་བསམ་པ་ང་ཚོ་བོད་ཀྱི་གཤིས་ཀ་ཡིན།།ཁ་ཆེ་ཕ་གླུའི་སྙིང་གཏམ་དྲོན་མོ་ང་ཚོ་བོད་ཀྱི་བསླབ་བྱ་ཡིན།།ཁ་བ་དཀར་པོས་རི་ཀླུང་འགེབས་པ་ང་ཚོ་བོད་ཀྱི་ལུང་པ་ཡིན།། ག་པ་ཅན་གྱི་མཁས་དབང་དེ་ཚོ་ང་ཚོ་བོད་ཀྱི་མེས་པོ་ཡིན།།ག་འགྲོ་ས་ལ་བླ་མ་དྲན་པ་ང་ཚོ་བོད་ཀྱི་དད་པ་ཡིན།།ག་སར་མི་ལ་འཛུམ་གྱིས་བསུ་བ་ང་ཚོ་བོད་ཀྱི་བཟང་སྤྱོད་ཡིན།།ག་ནས་བལྟས་ཀྱང་ཡ་རབས་ལྡན་པ་ང་ཚོ་བོད་ཀྱི་སྣང་ཚུལ་ཡིན།། ང་དང་ཁོ་ཞེས་གང་བྱུང་མི་རྩོད་ང་ཚོ་བོད་ཀྱི་བག་ཕེབས་ཡིན།།ང་འཛིན་དགྲ་ལ་སྐྱོན་དུ་ལྟ་བ་ང་ཚོ་བོད་ཀྱི་ཆོས་ལུགས་ཡིན།།ང་ཞེས་བྱང་ཆུབ་སེམས་དཔར་ཞེན་པ་ང་ཚོ་བོད་ཀྱི་ལ་རྒྱ་ཡིན།།ང་ཚོ་ཁོང་ཚོ་ཚང་མ་བདེ་བ་ང་ཚོ་བོད་ཀྱི་ཕུགས་བསམ་ཡིན།། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

ཐོག་མར་ངས་ཧི་མ་ལ་ཡ་བོད་ཡིག་བཟོ་བ་པོ་དང་སྨོན་ལམ་ཡིག་གཟུགས་བཟོ་བ་པོ་དང་དེའི་ཐད་རོགས་རམ་གནང་མཁན་ཡོང་ལ་ཐུགས་རྗེ་ཆེ་ཞུ་ཡི་ཡིན། ཀ༽ ངས་ཤེས་པའི་གློག་ཀླད་བོད་ཡིག་གི་ལོ་རྒྱུས། འདིར་ངས་བཤད་འདོད་པ་ནི། ལོ་ངོ་དྲུག་ཙམ་གྱི་རིང་ངས་གློག་ཀླད་བེད་སྤྱོད་བྱས་པའི་བརྒྱུད་རིམ་ནང་བོད་ཡིག་གི་ཐོག་དཀའ་ངལ་མང་པོ་ཕྲད་མྱོང༌། སྤྱིར་བཏང་འཛམ་གླིང་ནང་གློག་ཀླད་གཉེན་ཆས་ཁ་ཤས་ཡོད་ལས་གྲགས་ཆེ་བ་ནི་windowsལྒེ་ཁུང་དང་appleཀུ་ཤུ་ཟེར་བ་གཉིས་ཡིན་ན་དེ་དག་གི་ནང་ནས་༡ དང་པོ་ལྒེ་ཁུང་གཉེན་ཆས་ནང་བོད་ཡིག་བཀོལ་སྤྱོད་ཐད་བཤད་ན། ཕྱི་ལོ་བརྒྱད་ཅུ་ནང་ངས་ཀུ་ཤུའི་གཉེན་ཆས་ཅན་གྱི་གློག་ཀླད་གཅིག་མཐོང་ཡང་ལྒེ་ཁུང་གཉེན་ཆས་ཅན་དགུ་བཅུའི་ནང་ཐོག་མར་མཐོང་བྱུང༌། དེ་དུས་གཉེན་ཆས་ཌོ་སེ་DOSཟེར་བ་བེད་སྤྱད་ཀྱི་འདུག་ལ། ལྒེ་ཁུང་༩༥་གསར་དུ་འཐོན་པའི་སྒང་རེད། སྐབས་དེ་དུས་བོད་ཡིག་བྲི་བར་ངེས་པར་དུ་ཌོང་གྷོལ་ཟེར་བ་རྡོག་རྡོག་ཞིག་རྒྱ་གར་གྱི་གྲོང་ཁྱེར་Puneཔུ་ན་ནས་ཉོ་དགོས་ཀྱི་འདུག །ཡིག་གཟུགས་ཡག་པོ་འདུག།།འོན་ཀྱང་རིམ་པའི་དུས་གྱུར་གྱིས་རྐྱེན་པའི་ལྒེ་ཁུང་༩༨པ་དང་ལྒེ་ཁུང་༢༠༠༠དང་ལྒེ་ཁུང་xpཨེཀ་སེ་པི་དང༌། ཨེཀ་སེ་པི་ཁྱིམ་སྤྱོད་xp home editionདང་proffessionalམཁས་སྤྱོད། ཨེཀ་སེ་པི་དཔར་གྱི་ལྟེ་གནས་media center editionདང༌། ལྒེ་ཁུང་ཝི་སི་ཏ་vistaསོགས་འཐོན་སོང༌། གོང་སྨོས་བོད་ཡིག་དེ་ལྒེ་ཁུང་༩༨windows 98ཕན་ལ་བེད་སྤྱོད་མེད་པ་ཆགས་པ་རེད། དེ་སྐབས་བཙན་བྱོལ་བོད་གཞུང་གིས་ཌོང་གྷོལ་ཟེར་བའི་རྡོག་རྡོག་དེ་འདྲ་མི་དགོས་པའི་ཊི་སི་ཨར་སི་tcrcཟེར་བའི་བོད་ཡིག་བརྙན་ཆས་བཏོན་གནང༌། འོན་ཀྱང་གཉེན་ཆས་དེར་ཡིག་གཟུགས་མི་འདྲ་བ་གཉིས་youtso/boyigཙམ་ལས་མེད། དེ་ནས་བློ་བཟང་སྨོན་ལམ་ལགས་ཀྱིས་རང་སྒེར་གྱི་རང་སྦྱོང་བྱས་ནས་སྨོན་ལམ་ཡིག་གཟུགས་དང་པོ་བཏོན། དེར་ཡིག་གཟུགས་ཁག་པོ་མང་ཡོད་པས་མ་ཚད་དབུ་མེད་སོགས་ཀྱང་ཡོད།། འོན་ཀྱང་གོང་གསལ་ཡིག་གཟུགས་ཚང་མར་སྔགས་ཡིག་འབྲི་དུས་སྔགས་ཡིག་རྩེག་མི་ཐུབ་པའི་དཀའ་ངལ་ཡོད་པར་སོང༌། བློ་བཟང་སྨོན་ལམ་གྱིས་སྨོན་ལམ་གཉིས་པ་བཏོན་པ་རེད། སྨོན་ལམ་གཉིས་པའི་འཐེབ་གཞོང་ཅུང་མི་འདྲ་བ་ཡོད། དེ་ལྟར་སྨོན་ལམ་གཉིས་པ་བཏོན་པ་ལས་སྔགས་ཡིག་གི་དཀའ་ངལ་བསལ་བ་ལྟ་བུ་ཡིན་ནའང༌། འཐེབ་གཞོང་ཅུང་ཟད་བེད་སྤྱད་དཀའ་བ་དང༌། རྒྱལ་སྤྱིའི་གཅིག་གྱུར་གྱི་ཨང་རྟགས་ཐོག་བཟོས་མེད་པ་རེད། དེ་ནས་བོད་ནང་ནས་མི་ཞིག་སྐད་བཏང་ནས་ལྒེ་ཁུང་གཉེན་ཆས་ཚོགས་པས་ཧི་མ་ལ་ཡ་བོད་ཡིག་དེ་བཟོས་པ་རེད། ཡིག་གཟུགས་དེ་ནི་ལྒེ་ཁུང་གཉེན་ཆས་ཚོགས་པའི་ཝི་སི་ཏ་གཉེན་ཆས་གསར་པ་ཚོ་དང་མཉམ་དུ་དང་པོ་ནས་ཡོང་གི་ཡོད་ཅིང༌། ལྒེ་ཁུང་གཉེན་ཆས་དྲ་རྒྱ་འཐེན་ཆེད་ཨང་༧་windows internet explorer 7ཕན་ལ་རང་ཆས་སུ་བོད་ཡིག་འཆར་རྒྱུ་ཡོད། དེས་ན་ཁྱོད་ཀྱི་ལྒེ་ཁུང་གཉེན་ཆས་ཅན་གྱི་གློག་ཀླད་ནང་བོད་ཡིག་ཡག་པོ་མ་ཤར་ན་དྲ་རྒྱ་འཐེན་ཆས་ཨང་༧་པའམ་བྱུང་ན་ཨང་༨་བླུགས་དགོས། ཨང་བརྒྱད་པ་བླུགས་མ་ཐག་བོད་ཡིག་ཡག་པོ་མི་འཆར་བ་འདྲ་པོ་བྱ་ངེས་ཀྱང་ཆུ་ཚོད་ཁ་ཤས་རྗེས་ཡག་པོ་ཤར་ངེས་རེད། མ་གཞི་ཡིག་གཟུགས་སྒྲིག་བྱེད་ཀྱི་བརྡ་དཀྱོག་དཀྱོག་ཅན་གྱི་compatibillityཞེས་པའི་བསྣོན་ས་ཞིག་ཁ་བྱང་འབྲི་སའི་ཟུར་དེར་ཡོད་པ་དེར་གནོན་ན་དཀའ་ངལ་སེལ་གྱི་རེད། དེས་ན་ཧི་མ་ལ་ཡ་ཡིག་གཟུགས་དེའི་ཐོག་ཁྱོད་ཀྱི་བོད་ཡིག་གློག་འཕྲིན་སོགས་བདེ་བླག་གཏོང་ཐུབ་ཅིང་དྲ་ཚིགས་སུ་བོད་ཡིག་བདེ་བླག་བྲི་ཐུབ་པ་ཡོང་གི་རེད། འོན་ཀྱང་གློག་འཕྲིན་གཏོང་སྐབས་འབྱོར་ས་དེར་དྲ་རྒྱའི་གཉེན་ཆས་ཨང་༧་ཡན་དགོས། འོན་ཀྱང་འདིའི་མཛུབ་བསྣོན་གོང་གསལ་ཚང་མ་དང་མི་འདྲ་བ་རེད། ཡིན་ན་ཡང་ད་ཆ་སྨོན་ལམ་གསུམ་པ་འདོན་པ་ནས་ཕལ་ཆེར་བཀའ་ངལ་མེད་པ་ལྟ་བུ་རེད་ཤག།།སྨོན་ལམ་གསུམ་པའི་ནང་ཡིག་གཟུགས་ཁག་བཅུ་གསུམ་ཙམ་འདུག་ལ། ཡིག་གཟུགས་དེ་ཚོ་ཡག་པོ་འདུག།། མ་ཟད་ཡིག་གཟུགས་དེ་ཚོ་རང་འདོད་ལྟར་ཊི་སི་ཨར་སི་འཐེབ་གཞོང༌། པཎ་ཏི་ལ་འཐེབ་གཞོང༌། སྨོན་ལམ་གཉིས་པའི་འཐེབ་གཞོང༌། སོགས་ཀྱིས་བེད་སྤྱོད་གཏོང་ཆོག་འདུག།། མ་ཟད་ཕལ་ཆེར་སྨོན་ལམ་གསུམ་པ་ཡོད་ན་ཧི་མ་ལ་ཡ་རང་ཆས་སུ་ཡོང་གི་ཡོད་པ་འདྲ། ༢ ཀུ་ཤུ་གཉེན་ཆས་ཀྱི་ནང་སྔོན་མ་ནས་ཕལ་ཆེར་tibetanཟེར་བའི་བོད་ཡིག་ཡིག་གཟུགས་སྐྱོ་པོ་ཞིག་འདུག།།ཕྱིས་སུ་སམ་བྷོ་ཏ་ཟེར་བ་དང༌། ཡང་ཎི་ཐར་དྷ་སམ་བྷོ་ཏ་ཟེར་ཞིག་འདུག །དེ་ལ་དངུལ་སྤྲད་ནས་ཉོ་དགོས་འདུག ཡིག་གཟུགས་དེ་དག་འབྲི་དཀའ་བ་མ་ཟད།…