Author: སྤྱི་ཁྱབ་རྩོམ་སྒྲིག་པས།

སྦྲ་རིགས་ཐོགས་མེད། ལོ་རྒྱུས་ཤིག་ལ་མཚོན་ན་ལོ་ཚིགས་དང་གྲངས་ཀ་སོགས་ནི་ཧ་ཅང་གལ་ཆེ་བའི་ལོ་རྒྱུས་དངོས་དོན་ར་སྤྲོད་ཀྱི་ལྡེ་མིག་ཡིན། དེ་བཞིན་རང་རེ་བོད་ཀྱི་རང་ལུས་མེ་བསྲེག་གི་ཞི་རྒོལ་འཐབ་རྩོད་འདིར་མཚོན་ནའང་གཞུང་འབྲེལ་ཡིན་མིན་ཚང་མས་ཐུན་མོང་གི་གྲངས་ཀ་གསལ་བོ་ཞིག་གཞི་རྩར་བཞག་ནས་ལོ་རྒྱུས་ཡིག་ཚགས་སུ་ཉར་དགོས་པ་ཧ་ཅང་གལ་ཆེན་པོ་རེད། མི་ཞིག་ལ་མཚོན་ན་རང་ཉིད་ཀྱི་ལུས་པོར་མེ་རུ་བསྒྲོན་ནས་མི་རིགས་འཐབ་རྩོད་ཆེད་དུ་བློས་གཏོང་བྱེད་པ་ནི་མི་བུ་སྤྱིར་བཏང་བ་ཞིག་གིས་བསམ་ཡང་མི་ཕོད་པ་ཞིག་རེད། དེར་བརྟེན། རྒྱལ་གཅེས་དཔའ་བོ་ཕོ་མོ་དེ་དག་གི་ལོ་རྒྱུས་དང་། ཁྱིམ་ཚང་གནས་སྟངས་ཁོང་ཚོའི་འདྲ་པར་སོགས་ངེས་པར་དུ་ཞིབ་ཚགས་པོའི་ཐོག་ནས་ཉར་ཚགས་བྱེད་དགོས་པ་གལ་ཆེན་པོ་རེད། མ་འོངས་པར་ཏན་ཏན་འདིའི་སྐོར་ལ་ཆེད་ལས་ཞིབ་འཇུག་མཁན་མང་བོ་འབྱུང་སྲིད། དེ་བཞིན་རང་ལུས་མེ་རུ་བསྒྲོན་མཁན་རྒྱལ་གཅེས་དཔའ་བོ་དཔའ་མོ་ཡང་དཔའ་བོ་ཐུབ་བསྟབ་དངོས་གྲུབ་ནས་ཉེ་ཆར་གྱི་དཔའ་བོ་སྤྲུལ་སྐུ་བསོད་བྷོ་བར་དུ་བརྩིས་ན་ཁྱོན་རྒྱལ་གཅེས་དཔའ་བོ་བཅུ་བདུན་དང་། ཡང་རྒྱལ་གཅེས་དཔའ་བོ་བཀྲ་བྷེ་ནས་བརྩིས་ན་བཅུ་དྲུག། དེ་བཞིན་དཔའ་བོ་བློ་བཟང་ཕུན་ཚོགས་ནས་བརྩིས་ན་བཅོ་ལྔ་བཅས་ཡིན་པའང་ངེས་པར་དུ་བརྗེད་མི་རུང་། གནས་ཚུལ་འདིའི་སྐོར་ལ་འཇར་མན་གྱི་གསར་འགོད་པ་ཞིག་གིས་ཀྱང་གསན་ཚུལ་ཞིག་སྤེལ་འདུག་ལ་བོད་ཀྱི་བུད་མེད་རྩོམ་པ་བོ་འོད་ཟེར་གྱིས་ཀྱང་བོད་ཀྱི་གཞུང་འབྲེལ་ཡིག་ཆ་ཁ་ཤས་སུ་དཔའ་བོ་བཀྲ་བྷེ་ལགས་ཀྱི་མཚན་འཁོད་མེད་པ་གསལ་བཤད་དང་འབོད་སྐུལ་བྱས་འདུག ཉེ་ཆར་རྡོར་གདན་དུས་དབང་གི་སྐབས་སུ་ཡང་བཀའ་ཤག་གིས་དཔའ་བོ་དཔའ་མོ་དག་གི་མཚན་བགྲང་སྐབས་ཀྱང་བཀྲ་བྷེ་ལགས་ཀྱི་མཚན་འཁོད་གནང་མི་འདུག ཉེ་ལམ་གྱི་འཐབ་རྩོད་གཞན་གྱི་གསར་ལམ་ཁག་ཏུ་གྲངས་ཀ་ཁག་མཐོ་ནས་མཐོ་རུ་གཏོང་བཞིན་པའི་སྐབས་སུ་ང་ཚོས་རང་ཉིད་ཀྱི་དངོས་ཡོད་གྲངས་ཀ་ཁག་ཉུང་དུ་གཏོང་དགོས་དོན་མི་འདུག་ཨང་། འདི་དག་ཤོག་ངོས་ཀྱི་མིང་ཚིག་ཁ་ཤས་ཀྱི་མང་ཉུང་ཙམ་མ་ཡིན་པར་མ་འོངས་པར་ལོ་རྒྱུས་དང་འབྲེལ་བའི་གལ་གནད་ཧ་ཅང་ཆེ་བར་མཐོང་ངོ།།  ད་དུང་དེ་ལས་ཀྱང་ཞིབ་ཚགས་སུ་བཏང་ན། རྒྱལ་གཅེས་དཔའ་བོ་དང་དཔའ་མོ་དག་གི་འདས་གསོན་དང་གནས་དུས་འཁོད་པ་འདི། ཆབ་མདོ་ཤེས་རབ་ཀྱི་ངོ་དེབ་ནས་འདིར་འདྲེན་བཀོད་ཞུས་པ་ཡིན། ༢༠༽ ༢༠༡༢།༠༡།༠༨། སྤྲུལ་སྐུ་བསོད་ནམས་དབང་རྒྱལ། འདས། ལོ།༤༢། བོད་མགོ་ལོག ༡༩༽ ༢༠༡༢།༠༡།༠༦། གྲྭ་ཟུར་བསྟན་ཉི། འདས། ལོ།༢༠། བོད་རྔ་བ། ༡༨༽ ༢༠༡༢།༠༡།༠༦། གྲྭ་ཚུལ་ཁྲིམས། འདས། ལོ།༢༠། བོད་རྔ་བ། ༡༧༽ ༢༠༡༡།༡༢།༠༡། གྲྭ་ཟུར་བསྟན་འཛིན་ཕུན་ཚོགས། འདས། ལོ།༤༦། བོད་ཆབ་མདོ། ༡༦༽ ༢༠༡༡།༡༡།༡༠། གྲྭ་བོད་ཕྲུག །གསོན། ལོ།༤༥། བལ་ཡུལ་མཆོད་རྟེན། ༡༥༽ ༢༠༡༡།༡༡།༠༤། ཤེས་རབ་བམ་མིག་དམར། གསོན། ལོ།༢༦། རྒྱ་གར་ལྡི་ལི། ༡༤༽…

གངས་དཔལ་ནས། ཁྱེད་ཉིད་ཀྱིས་བོད་ཀྱི་རིག་གནས་སྤྱི་དང་ལྷག་པར་དུ་ཆ་འཕྲིན་ལག་རྩལ་ཐད་གནང་བའི་མཛད་རྗེས་ལ་ནམ་ཡང་ཡི་རངས་ཡོད་པ་མ་ཟད། མུ་མཐུད་དུ་འབྲས་བུ་གཡུར་དུ་ཟ་བ་ལེན་པའི་ཡིད་ཆེས་དང་བཅས། གནམ་ལོ་གསར་བར་བཀྲ་ཤིས་བདེ་ལེགས་ཞུ།     ཉེ་ལམ་གཞིས་ཀྱི་གསར་ལམ་ཁག་ནས་སྨོན་ལམ་ཡིག་གཟུགས་Android Samsung Mobile མ་ལག་ནང་ལེགས་འགྲུབ་བྱུང་འདུག་པ་མ་ཟད། Android Market རྒྱུད་ནས་ཕབ་ལེན་བྱ་ཐུབ་པའི་སྐོར་གྱི་གནས་ཚུལ་མཇལ་པས་དགའ་པོ་ཞེ་དྲག་བྱུང་མོད། འོན་ཀྱང་བདག་གི་ཁ་པར་Samsung I9108(移动版)ཀྲུང་གི་ཡིས་ཏུང་པར་མ་ལ་མཚོན་ན། རྩིས་འཕྲུལ་ནས་Android Marketདྲ་ཚིགས་སུ་མཉེན་ཆས་ཕབ་ལེན་བྱེད་སྐབས། གསལ་བརྡ་༼དཔར་རིས་ad01.jpg༽འདི་ལྟར་ཐོན་བྱུང་། བདག་གི་ཁ་པར་ཐོག་gmailཐོ་འགོད་བྱེད་མི་ཐུབ་ལ་Android Marketམཉེན་ཆས་ཀྱང་ཁ་འབྱེད་ཐུབ་ཀྱི་མི་འདུག རྒྱ་ནག་ནང་གི་Samsung Mobile ཁ་པར་མང་ཆེས་googleཚང་གི་མཉེན་ཆས་ཚང་མ་བཀག་སྡོམ་བྱས་གྱི་གནས་ཚུལ་འདི་འཕྲད་ཀྱི་འདུག་པས། དྲ་ཚིགས་འདྲ་མིན་མང་པོ་ནས་བཙལ་རུང་མཉེན་ཆས་འདི་གསུམ་དངོས་སུ་ཕབ་ལེན་བྱས་ཏེ་བེད་སྤྱོད་ལེགས་འགྲུབ་བྱུང་ཡོད་པའི་གནས་ཚུལ་ཅི་ཡང་མ་རྙེད་པས། Android Marketདྲ་ཚིགས་མ་ཡིན་པའི་གཞན་ནས་མཉེན་ཆས་འདི་རིགས་ཕབ་ལེན་བྱེད་ཐབས་སྐོར་གྱི་མཛུབ་སྟོན་རེ་ཡོད་པར་མཁྱེན་ཞུ།     སྨོན་ལམ་ཁ་པར་བོད་ཡིག་དང་ཚིག་མཛོད་འདི་དག་དངོས་སུ་ཕབ་ལེན་བྱས་ཏེ་སུས་བེད་སྤྱོད་བཏང་ཡོད་ཨང་། བདག་གིས་ཞུ་རྒྱུར—-གཞིས་ཀྱི་དྲ་ཚིགས་མང་པོ་ཞིག་༼དཔེར་ནgoogleཚང་གི་gmailདང་གློག་རྡུལ་ཚོང་ར་Android Marketལྟ་བུ་Samsung Mobile ཁ་པར་གང་མང་ནས་བེད་སྤྱོད་གཏོང་མི་ཐུབ།༽བཀག་རྒྱས་ཁ་འབྱེད་ཐུབ་ཀྱི་མེད་པས།  རྒྱ་ནག་ཏུ་སྤྱོད་ཆེ་བའི་91ཁ་པར་ལས་རོགས་(91手机助手) དང་HiMarket(安卓市场)ལྟ་བུ་ཞིག་ནས་གོང་གི་མཉེན་ཆས་འདི་དག་ཕབ་ལེན་བྱེད་རྒྱུ་བྱུང་ན་ཅི་མ་རུང་།  ཉེ་ལམ་གསར་འཕྲིན་དག་ན་ཕབ་ལེན་དང་ནང་འཇུག་སོགས་སུ་འཕྲད་པའི་གནས་ཚུལ་ཅི་ཡང་མ་མཐོང་མོད།  བདག་ལ་མཚོན་ན་སྨོན་ལམ་ལགས་ཀྱི་རིན་མེད་མཉེན་ཆས་འདི་གསུམ་ཕབ་ལེན་བྱེད་མ་ཐུབ་པའི་དཀལ་ངལ་དང་པོར་བྱུང་།  གལ་ཏེ་ཕབ་ལེན་ལེགས་གྲུབ་བྱུང་ན་ནི་མུ་མཐུད་དུ་ནང་འཇུག་དང་བེད་སྤྱོད་སོགས་གནས་ཚུལ་ཅི་རིགས་བོད་ཡིག་ཆ་འཕྲིན་དུས་རབས་ཀྱི་འཕེལ་རྒྱས་ལ་ཕན་ཅུང་ཙམ་རེ་ཐོག་པའི་ཀུན་སློང་གིས་སྤུན་ཟླ་རྣམ་པའི་སྤྱན་ལམ་དུ་འབུལ་འདོད་ཡོད།  གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

(སེམ་སུང་ཁ་པར་Galaxy pop GT-S5570ནང་གི་བོད་ཡིག) སྤྱི་ཚོགས་ཀྱི་ཡར་རྒྱས་དང་བསྟུན་ནས་བོད་ཡིག་གི་གོམ་འགྲོས་ལྕགས་དཔར་དང་། དེ་ནས་གློག་ཀླད། ད་ཆ་ཁ་པར་གྱི་ནང་དུ་སླེབས་ཡོད་པ་ཚང་མས་ཤེས་གསལ་ཡིན། ཡིན་ནའང་། དེ་སྔ་ཀུ་ཤུ་རྟགས་ཅན་གྱི་ཁ་པར་ནང་བོད་ཡིག་ཆ་ཚང་བ་དང་། ནོ་ཁེ་ཡའི་ཁ་པར་སྙིང་གྲལ་འགའི་ནང་བོད་ཡིག་འབྲི་ཀློག་ཐུབ་ཙམ་ཡོང་གི་ཡོད། ཡིན་ནའང་། སྤྱི་ཚོགས་ཀྱི་ཡར་རྒྱས་དང་བསྟུན་ནས་བོད་ཡིག་གི་གོམ་འགྲོས་ལྕགས་དཔར་དང་། དེ་ནས་གློག་ཀླད། ད་ཆ་ཁ་པར་གྱི་ནང་དུ་སླེབས་ཡོད་པ་ཚང་མས་ཤེས་གསལ་ཡིན། ཡིན་ནའང་། དེ་སྔ་ཀུ་ཤུ་རྟགས་ཅན་གྱི་ཁ་པར་ནང་བོད་ཡིག་ཆ་ཚང་བ་དང་། ནོ་ཁེ་ཡའི་ཁ་པར་སྙིང་གྲལ་འགའི་ནང་བོད་ཡིག་འབྲི་ཀློག་ཐུབ་ཙམ་ཡོང་གི་ཡོད། ཡིན་ནའང་། ཀུ་ཤུ་རྟགས་ཅན་གྱི་ཁ་པར་ནི་རིན་གོང་ཧ་ཅང་ཆེ་བས་དཔལ་འབྱོར་གྱི་གནས་བབ་འབྲིང་བའི་མིང་ཞིག་གིས་ཉོ་སྐབས་ཕྲ་ཞིང་། ནོ་ཁེ་ཡའི་ཁ་པར་སྙིང་གྲལ་དེ་འདྲ་ཞིག་ཉོ་རྒྱུ་དཀོན་པ་དང་། ཅི་སྟེ་ཉོས་ཀྱང་བོད་ཡིག་བླུགས་རྒྱུར་འགོག་རྐྱེན་ཆེ། དེ་མིན་དེ་སྔ་ནས་ཨེན་ཌོ་ཡེཌེ་ཁ་པར་ནང་བོད་ཡིག་ཡོང་རབས་བཤད་ཀྱང་། དེའི་ནང་བོད་ཡིག་བླུགས་པར་ཁ་པར་རུ་ཀྲི་rootཟེར་བ་བྱེད་དགོས་པ་དང་དེ་བྱས་རྗེས་ཁ་པར་གྱི་འགན་བཅོལ་མེད་པ་ཆགས་པ་སོགས་ཀྱི་དཀའ་ངལ་ཆེ། ཡིན་ནའང་དེ་ཆ་སྟབས་ལེགས་པ་ཞིག་ལ་སྨོན་ལམ་བོད་ཡིག་ཨེན་ཌོའི་ཌེ་androidམཉེན་ཆས་ཅན་གྱི་སེམ་སུང་Samsung ཁ་པར་ནང་བདེ་བླག་ཏུ་སྤྱོད་ཐུབ་ཀྱི་འདུག ངས་ད་ལྟ་སེམ་སུང་ཁ་པར་Galaxy pop GT-S5570 ནང་ཚོད་བལྟ་བྱས་པས་ལེགས་གྲུབ་བྱུང་སོང་། གོང་གསལ་ཨེན་ཌོའི་ཌེ་མཉེན་ཆས་ཅན་གྱི་སེམ་སུང་གི་ཁ་པར་དེ་ནི་ཧིན་སྒོར་༧༠༠༠ ཡན་མན་ནང་ཉོ་ཐུབ་ཀྱི་ཡོད་ཅིང་། དེ་བས་གོང་ཆེ་བ་ཨེན་ཌོའི་ཌེ་མཉེན་ཆས་ཅན་གྱི་སེམ་སུང་གི་ཁ་པར་ཧིན་སྒོར་༣༠༠༠༠ ཡན་མན་དེ་འདྲའང་ཡོད། ཡིན་ནའང་ད་ཐེངས་ཀྱི་བོད་ཡིག་དེ་ཨེན་ཌོའི་ཌེ་ཁ་པར་ནང་ཀུ་ཤུ་རྟགས་ཅན་གྱི་ཁ་པར་ནང་དུ་འཆར་བ་བཞིན་མིན་འདུག་པ། དེ་སྔ་ནོ་ཁེ་ཡའི་ཁ་པར་ནང་དུ་འཆར་བ་བཞིན་ཡ་བཏགས་ར་བཏགས་གོང་གི་ཡི་གེར་སྦྱར་སོང་བ་དེ་འདྲ་རེད། འོན་ཀྱང་ང་ཚོས་བོད་ཡིག་བྲིས་ཀློག་ཐུབ་པ་དང་འཕྲིན་ཐུང་བསྐུར་ཐུབ་པ་སོགས་ཡོང་གི་འདུག ལེགས་ཆ།༡ བོད་ཡིག་དྲ་རྒྱ་བལྟ་ཐུབ་པ། ༢ འཕྲིན་ཐུང་གཏོང་ཀློག་ཐུབ་པ། ༣ བོད་ཡིག་གི་མཛུབ་བསྣོན་འཆར་བ། ཞེན་ཆ།༡ བོད་ཡིག་གི་ཡ་བཏགས་སོགས་སྒང་གི་ཡི་གེ་དང་འདྲེས་འགྲོ་བ། ༢ བོད་ཡིག་གི་མཛུབ་བསྣོན་གློག་ཀླད་ལྟར་མེད་པར་ཀ་མད་གོ་རིམ་དུ་བཀོད་པ། ༣ བོད་ཡིག་གི་མཛུབ་བསྣོན་མཉེན་ཆས་ལོགས་སུ་མེད་པ། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

བློ་བཟང་སྨོན་ལམ་གྱིས་གུས་འདུད་བཅས།བཀྲ་ཤིས་བདེ་ལེགས།རྒྱ་ཆེ་བའི་བོད་ཀྱི་སྐད་ཡིག་ལ་དུང་བ་ཡོད་པའི་སྐྱེ་བོ་ཀུན་གྱི་སྙན་ལམ་དུ། སྤྱི་ལོ་ ༢༠༡༢ ཤར་ལ་ཉེ་བའི་མཚམས་འདིར་སྨོན་ལམ་ཚིག་མཛོད་Android ལག་འཁྱེར་ཁ་པར་མ་ལག་ནང་ལེགས་འགྲུབ་བྱུང་སྟེ་Android Market བརྒྱུད་ནས་རིན་མེད་དུ་ལེགས་སྐྱེས་ཤིག་གི་ཚབ་ཏུ་འགྲེམས་སྤེལ་ཞུས་ཡོད། ཚིག་མཛོད་འདི་ནི་དེ་སྔོན་Windows ནང་བཀྲམ་པའི་ཚིག་མཛོད་དང་གཅིག་མཚུངས་ཡིན་པ་མ་ཟད་Android ལག་འཁྱེར་ཁ་པར་མང་ཆེ་བར་བཀོལ་ཐུབ། ཁྱེད་ཀྱིས་Android Market རྒྱུད་ནས་ཕབ་ལེན་བྱ་ཐུབ།༡ ཕབ་ལེན་བྱ་ཚུལ།གཤམ་གསལ་ལྟར་མཉེན་ཆས་རིམ་པ་གསུམ་ཕབ་ལེན་བྱ་དགོས།༡ དང་པོར་ཡིག་གཟུགས་ཕབ་ལེན། (ཡིག་གཟུགས་འདི་ནི་Samsung Mobile ཆེད་དུ་ཡིན།)༢ གཉིས་པ་མཛུབ་གནོན་ཕབ་ལེན།༣ གསུམ་པ་ཚིག་མཛོད་ཕབ་ལེན་བཅས་རིམ་བཞིན་ཕབ་ལེན་བྱ་དགོས། དང་པོ། མཉེན་ཆས་ཕབ་ལེན་བྱེད་སྟངས་ཀྱི་དཔེ་རིས། ༢ སྒྲིག་འཇུག་བྱེད་ཚུལ།༡ ཡིག་གཟུགས་སྒྲིག་འཇུག་བྱ་ཚུལ་ནི་གཤམ་གསལ་ལྟར་རིམ་བཞིན་སྒྲིག་དགོས།༢ མཛུབ་གནོན་སྒྲིག་འཇུག་བྱ་ཚུལ། གསལ་ལྟར་ལག་ལེན་གནང་ན་བེད་སྤྱོད་གཏོང་ཐུབ།མཇུག་མཐར་ཞུར་རྒྱུར། བོད་ཀྱི་སྐད་ཡིག་རྒྱུན་འཛིན་དང་ཡར་རྒྱས་ཡོང་ཆེད་མཉེན་ཆས་འདི་ནི་རིན་མེད་ཐོག་བསྟན་རྡོར་ལགས་དང་ Nathan Freitas ལགས་རྣམ་གཉིས་ཀྱིས་རོགས་རམ་རྒྱ་ཆེར་གནང་སྟེ་ལེགས་འགྲུབ་བྱུང་བས་ཁོང་རྣམ་གཉིས་ལ་དམིགས་བསལ་གྱིས་ཐུགས་རྗེ་ཞུ། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།