གངས་རིའི་དབུ་འཕང་མངོན་པར་མཐོ་བའི་ཞིང་མཆོག་དེ་ནི་ངའི་ཕ་ས་སྟེ་ཁ་བ་ཅན་ཡིན། མཛེས་སྡུག་མངོན་པར་བཀྲ་བའི་གཡུ་མདོག་གི་སྤང་དེ་ནི་ངའི་རྩེན་རྭ་སྟེ་མ་ཡུམ་བསལ་ལྡན་ཞིང་། ཁ་བའི་འདབ་མ་སྟོང་གིས་བབ་སའི་མཐོ་སྒང་གནས་མཆོག་དེ་ནི་ངའི་ལྟི་ཁྲག་འཕོ་ས་སྟེ་གངས་ལྗངས་ཡུལ གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།
Category: རིགས་བཀར་མེད།
འདི་ག་རེ་རེད།
ཞབས་ནི་ར་ཡི་ཞབས།མཇུག་མ་ཙི་ཙི་འདྲ་བ།སྐུ་གཟུགས་དོ་པོ་ནང་བཞིན།གསུང་སྐད་བ་ལང་ཅན། གྲོགས་པོ་ཚོ། གོང་གི་གབ་ཚིགས་འདི་སུ་ལ་ཟེར་གྱི་འདུག གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།
ཀ་བཤད་རིགས་ལམ་པ།
ཀ་ལི་ཨ་ལི་གྲངས་ཀས་མ་ཐེག་གོང༌།།ཁ་དོག་དཀར་དམར་རྩོད་ལ་མཁས་པ་ཡི།།ག་ས་ག་ནས་འདུ་བའི་རིགས་ལམ་པར།།ང་ཡིས་བལྟས་ན་ངོ་མཚར་གནས་མང་མཐོང༌།། ཅ་ཅོའི་སྐད་ཀྱི་གོ་བརྡ་མ་འཕྲོད་ཅིང༌།།ཆ་རྒྱུས་སྤུ་ཙམ་མེད་པའི་མི་རྣམས་དང༌།།ཇ་རྩམ་བཞིན་དུ་རིགས་པའི་གཞུང་ལུགས་ལ།།ཉ་ཉུང་བཞིན་འདྲེས་ལྷན་ཅིག་རྩོད་པ་མཚར།། ཏ་ཐ་ག་ཏའི་གསུང་རབ་སྙིང་པོའི་དོན།།ཐ་ན་མུ་གསུམ་མུ་བཞིའི་རིགས་ལམ་ནས།།དཱ་ག་སེ་མིན་འབད་པས་སྦྱོང་བྱེད་པའི།།ན་གཞོན་སྙིང་སྟོབས་ཅན་རྣམས་རྣམ་པར་མཚར།། པ་ཐུར་མིན་ཡང་རྩོད་པའི་གཡུལ་གྱེས་དུས།།ཕ་མཆོག་བླ་མའི་བཞེད་པ་འདི་ཡིན་ཞེས།།བ་ལང་བཞིན་དུ་ཨུ་ཚུགས་མ་ཡིན་པར།།མ་འཆོལ་རིགས་པས་ལམ་ནས་བརྡར་བ་མཚར།། ཙ་མུ་ཊི་སོགས་ལྷ་མོ་མ་གྲུབ་ཀྱང༌།།ཚ་ཟེར་བཞིན་དུ་རིགས་པའི་དཔལ་འབར་བའི།།ཛ་ལང་སྤྱོད་འདྲས་མཁས་ཚུལ་ཕལ་གྱི་རྒོལ།།ཝ་སྐྱེས་སེང་པགས་བཤུས་པའི་རྣམ་ཐར་མཚར།། ཞ་ནེ་བཞིན་དུ་གང་བཟོ་མ་ཡིན་ཞིང༌།།ཟ་འདྲེ་ལྟར་ཏུ་གང་མཐོང་མ་ཟོས་པར།།འ་ཅག་བོད་ཀྱི་རིགས་པའི་གཞུང་ལུགས་ལ།།ཡ་མེད་ངལ་བ་དང་དུ་བླངས་པ་མཚར།། ར་མགོ་ལ་མགོའི་ཁ་གྲངས་མ་ཤེས་ཤིང༌།།ལ་དོན་ཨི་ལྡན་དཔེར་བརྗོད་མ་བྲིས་ཀྱང༌།།ཤ་རེར་བོད་ཡིག་ཕྲ་རགས་ཅི་ཡིན་ཡང༌།།ས་བཅུ་བ་ལྟར་ཀློག་ཅིང་བྲིས་པ་མཚར།། ཧ་ཅང་དྲང་པོ་བཤད་ན་འདི་འདྲ་པས།།ཨ་ཞང་ཁྱེད་རྣམས་ང་རྒྱལ་མ་བྱས་ཨང༌།།ཧ་ལོ་ཤས་ཤས་ཁོ་ན་མ་སྦྱངས་པར།།ཨ་ཙི་རིགས་ལམ་པ་ཅིག་གྱིས་དང་ཡ།། ར་ས་ཕོ་ཉས་སྔོན་མ་བྲིས་སོ།། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།
ཀ་གཞས་གསར་པ་།།
དེ་རིང་སྟོང་མིན་ཙམ་དུ་ཉེ་ཆར་རྩོམ་པ་པོ་ཆེ་གེ་མོ་ཞིག་གིས་གསར་དུ་རྩོམ་པའི་ཀ་གཞས་དེ་ཁྱོད་ལ་སྤྱན་འབུལ་ཞུ་ཚིག། ཆེ་གེ་མོ །།གདངས། རྡོ་སེང་ལེན་མཁན།། ཡ་མེད་ཀ་རྩོམ་ཚིགས་བཅད་འགའ་ལས་མི་ཤེས༎ཁ་ནས་གཞན་ལ་རྫིག་རྫིག་བཤད་མཁན༎ག་དུས་ཡིན་ན་སྦོ་ཤོབ་ཚ་བའི༎ང་ཚོའི་དྲ་གྲོགས་སྣང་བ་སྐྱིད་པོ་།། ཅ་ཅོ་བཤད་ལ་དགའ་བ་ཙམ་ལས༎ཆ་རྒྱུས་ཡོད་པའི་གནས་ལུགས་མི་ཤེས༎ཇ་དང་ཁ་ལག་རག་ཙམ་བྱུང་དུས༎ཉ་བ་བཞིན་དུ་དགའ་ཐག་ཆོད་འགྲོ༎ ཏ་རེ་མི་ཆེན་གྲས་མ་མི་ཚུད༎ཐ་ཐོར་སྐྱེ་བོའི་གྲལ་གསེབ་འཚང་ནས༎ད་དུང་གཞན་སྐྱོན་འཚོལ་ཁུལ་བྱེད་པ༎ན་ཆེན་འདི་ཚོ་ངོ་མ་ཤ་ཚ༎ པ་ལོ་བསགས་ནས་མཆོག་སྤངས་་ཆགས་རྗེས༎ཕ་རྒན་ཚོ་དང་མཉམ་དུ་འཛོམས་ནས༎བ་གླང་ཉོ་ཚོང་ཙམ་རེ་འཇོན་པའི༎མ་ལོ་ལགས་ལ་སྙིང་རེ་མི་རྗེ༎ ཙ་གི་ཙི་གི་འཚོང་འདྲ་བཤད་ནས༎ཚ་གི་ཚི་གི་གཡམ་རྒྱུག་བྱེད་བཞིན༎ཛ་རེ་ཛོ་རེ་མི་ཚེ་སྐྱེལ་བའི༎ཝ་ཕྲུག་འདི་ཚོ་ངོ་མ་ཤ་ཚ༎ ཞ་ལྟར་འཁྱོགས་པའི་འཐེན་རེས་ཆེ་བ༎ཟྭ་བོ་ཇི་བཞིན་གཞན་ལ་གནོད་པ༎འ་རེ་འི་རེ་ཟ་ངེ་ཟིང་ངེ༎ཡ་མེད་འ་འུ་ངོ་མ་ཤ་ཚ༎ ར་དང་ལུག་བཞིན་བཟོ་ལྟ་མེད་ཀྱང༌༎ལ་ལའི་མདུན་སར་མི་ཆེན་བརྫུས་ནས༎ཤ་ཟ་མཁའ་འགྲོ་བཀུག་པར་དགའ་བའི༎ས་གཞིའི་སྐྱེ་བོ་འགའ་ལ་ཤ་ཚ༎ ཧ་རེ་ཧོ་རེ་རྩེད་མོའི་ཟོལ་གྱིས༎ཨ་མ་ཨོ་ལོ་བདེན་གཏམ་རེ་གཉིས༎ཀ་ཕྲེང་སྒྲིག་པའི་ཕལ་རྩོམ་ནང་དུ༎ཁ་སྐད་གོ་བདེའི་ཚིག་འགར་ཤོར་སོང༌༎ ཀ་གཞས་འདི་བང་ཆེན་གླེང་སྟེགས་ལས་ཕབ་།།༼མ་དཔེ་བྱེད་པོས་ཕབ་བཤུས་ཆོག་པའི་བཀའ་འཕྲོལ་འདུག་ཚིག་འགའ་བསྒྱུར་བཅོས་བྱས་ཡོད་པས་ཐུགས་སྣང་ཡོད་པ་ཞུ།༽ གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།
མཚམས་འདྲི།
སེམས་ཀྱི་ཉི་མ་ལགས།སྐྱ་རེངས་ཟིན་བྲིས་པ་གནང་བར་དགའ་བསུ་ཞུ། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།