རྒྱ་གར་ཨ་རུ་ན་ཅལ་གྱི་མངའ་སྡེའི་བློན་ཆེན་རྡོ་རྗེ་མཁའ་འགྲོ་ལགས་གར་སོང་ཆ་མེད་པའི་གནས་ཚུལ།

ཁ་རྩངས་སྔ་དྲོ་ཚོུད་༩་༥༥ ཐོག་རྒྱ་གར་ཨ་རུ་ན་ཅལ་མངའ་སྡེའི་བློན་ཆེན་རྡོ་རྗེ་མཁའ་འགྲོ་ལགས་རྟ་དབང་ནས་ཐད་འཕུར་གནམ་གྲུ་བརྒྱུད་འཐོན་པའི་རྗེས་གར་སོང་ཆ་མེད་དུ་གྱུར་ཡོད། ཐད་འཕུར་གནམ་གྲུ་འདི་ནང་རྡོ་རྗེ་མཁའ་འགྲོའི་རོགས་པ་མི་བཞི་ཙམ་ཡོད་པ་དང་། ཁོང་གནམ་གྲུ་དེ་བརྒྱུད་ནས་ཨི་ཊ་ན་གྷར་ལ་བསྐྱོད་མཁན་ཡིན་པ་རེད། ཁོང་ཨི་ཊ་ན་གྷར་ལ་ཚོུད་༡༡་༣༠ ཐོག་འབྱོར་ངེས་ཡིན་ནའང་དེ་ལྟར་མ་འབྱོར་དུས་མི་ཚོར་དོགས་པ་འདྲ་མིན་ཟ་ཡོད་ཅིང་། དེ་ནས་༢་༣༠ ཐོག་ཁོང་གི་ལས་ཁུངས་ནས་ཁོང་འབྲུག་ཁུལ་གྱི་ས་གནས་དྲག་པོ་རི་ཇོ་Daporijoཞེས་པར་བདེ་ཐང་ངང་བབ་ཡོད་པའི་འགྲེལ་བརྗོད་བྱས་ཡོད་ཀྱང་ཕྱིས་སུ་སྐད་ཆ་དེ་ཕྱིར་བསྡུ་བྱས་ཡོད། ད་ལྟའི་ཆར་ཡང་རྡོ་རྗེ་མཁའ་འགྲོའི་གནམ་གྲུ་སོགས་གང་ཡང་རྙེད་མེད་པ་དང་། ད་རངས་ཞོགས་པ་རྒྱ་གར་གཞུང་གི་དམག་གི་གནམ་གྲུ་Sukhoi fighter གཉིས་བཏང་ནས་འཚོལ་ཞིབ་བྱས་ཀྱང་རྙེད་སོན་བྱུང་མི་འདུག དེ་རིང་༸གོང་ས་མཆོག་གིས་ཁོང་བདེ་ཐང་ཡོང་བའི་ཐུགས་སྨོན་ཀྱང་མཛད་ཡོད་པ་སྐུ་སྒེར་ཡིག་ཚང་ནས་རྒྱ་གར་གསར་ལམ་དུ་གསུངས་འདུག

རྡོ་རྗེ་མཁའ་འགྲོ་ནི་བོད་བརྒྱུད་ནང་པའི་མཆོད་ཡོན་སྦྱིན་བདག་ཤུགས་ཆེ་གནང་མཁན་དང་༸གོང་ས་མཆོག་ལ་དད་པ་ཞུ་མཁན་ཞིག་ཡིན་པའི་མུར་འབྱུང་འགྱུར་དུས་འཁོར་དབང་ཆེན་གྱི་སྦྱིན་བདག་ཀྱང་ཡིན་བརྗོད་ཀྱི་འདུག