ལས་ཀྱིས་བྱིན་པའི་གྲང་ངར་གཡོལ་མེད་དུ།།
རེ་བའི་རྟ་བདུན་སྤྲིན་ནག་མུན་པས་བསྒྲིབས།།
ཐབས་ཟད་ལམ་ཕྲན་ཉིད་ལས་སྨོན་འདོན་བཞིན།།
དབྱར་གྱི་ལྗང་འདབ་གོས་གསར་རེ་སྒུག་བྱེད།།
བདེ་བའི་གཉིད་ཀྱང་སད་ཀྱིས་བཅོམ་པ་དང་།།
དགུང་གི་རྟ་བདུན་རྡུལ་གྱིས་མྱུར་བར་བཏུམ།།
ལས་ཀྱིས་བརྙས་པའི་དགུན་དུས་མེ་ཏོག་ང་།།
དཔྱིད་ཀའི་བསོད་ནམས་མེད་པར་ཡིད་རེ་སྐྱོ།།
ལུས་ལ་ལྗང་ལོའི་གོས་གསར་མེད་བཞིན་དུ།།
སྙིང་གི་ཕྲག་རྒྱུན་ཆུ་ཡང་དགྲ་རུ་འགྱུར།།
ཤི་གསོན་དབྱེར་མེད་འཚོ་དགོས་མི་ཚེ་འདིར།།
ལས་དབང་ཁྱེད་ཀྱིས་སྙིང་རྗེ་མི་སྐྱེས་སམ།།
ལས་ཀྱི་འབྲས་བུ་མི་ཟད་དཔེ་བཞིན་དུ།།
བསོད་ནམས་ཉིད་ཀྱིས་འདྲེན་པའི་ལམ་ཕྲན་འདིར།།
སྐྱོ་གདུང་ལྕིའང་ཕྱི་མར་དམིགས་པ་ཡིས།།
དྲི་ཞིམ་ཚོགས་བསགས་རྟག་ཏུ་དེ་བས་བརྩོན།།
བུ་ཆུང་གིས་ ༢༠༡༦།༡།༢༥
དབྱིན་དགེ་ཞིག་གིས་བོད་ཡིག་ལ་བཅངས་བའི་དུང་ཞེན་ཉིད་ལས་བྲིས་པའི་ཚོར་བའི་ཡིག་འབྲུ་འདི་ཉིད་ལ་ནོར་བ་གང་མང་ཡོད་ངེས་པས། དྲ་གྲོགས་རྣམ་པ་ཚོས་ལམ་སྟོན་གང་མང་ཡོང་བའི་རེ་འདུན་ཞུ།
རྩོམ་ཡིག་དེ་འདྲའི་རིགས་མུ་འཐུད་བཀོད་རོགས།