༄༄། །བཀའ་བཞིན་སྒྲུབ་ན་ནོར་བའི་སྐྱོན་བྲལ་བས། །ཁྲི་འབུམ་སྐྱེ་བོས་ཁྱེད་ནི་གཙུག་ཏུ་བསྐུར།. །
ཟམ་མི་ཆད་པ་གཞན་དོན་ལྷུར་བླངས་བས།. །གདོང་དམར་བོད་གྱི་མི་ཡི་རིན་པོ་ཆེ།. །
བློ་གྲོས་ཟབ་གསལ་ནམ་མཁའི་དཀྱིལ་འཁོར་ངོས།. །བཟང་སྤྱོད་འོད་སྟོང་དྲ་བས་བསྟར་བྱས་ཏེ། །
བསྟན་སྲིད་དྲི་མེད་པད་དཀར་ཚོམ་བུའི་ཚལ།. །འཛིན་སྐྱོང་བྱེད་པོ་མི་ཡི་ཉི་མ་ཁྱེད།. །
སྔོན་ཚེ་སྔོན་གྱི་བཟང་པོའི་བག་ཆགས་ལས།. །བློ་ཁམས་བློ་ཡི་སྒྲོན་མེ་རབ་གསལ་བས།. །
མི་ཤེས་ཤེས་བྱའི་གནས་ཤིག་མ་དམིགས་ཕྱིར།. །གངས་རི་རི་ཡི་གནས་གྱི་ཀུན་མཁྱེན་ལགས།. །
ཞི་བདེ་བདེ་བས་འཛམ་གླིང་ཁྱབ་པའི་སླད།. །ནང་ཆོས་ཆོས་ཀྱི་ཀྱོ་བ་རྣོ་པོ་ཡིས།. །
མི་མང་མང་གཙོའི་ལམ་དུ་ཁྲིད་མཛད་པ།. །ཁྱེད་ནི་གངས་ཅན་པ་ཡི་དེད་དཔོན་ལགས།. །
ལྷག་བསམ་ལྷད་མེད་ལུས་སྟོབས་ཡོངས་རྫོགས་ཤིང་།. །རབ་བརྗིད་གཞན་ཕན་རླབས་ཀྱི་གཡུ་རལ་དང།. །
ཕུལ་བྱུང་རྣམ་དཔྱོད་རྣོ་བའི་མཆེ་བ་ཅན།. །འཇིགས་མེད་ཁྱེད་ནི་མི་ཡི་སེང་གེ་ལགས།. །
ལྷན་སྐྱེས་ཡོན་ཏན་ཙན་དན་ལྗོན་པ་རུ།. །འབད་པའི་ཡོན་ཏན་ཡལ་ག་རབ་ཏུ་རྒྱས།. །
ཁྲིམས་གཙང་དྲི་ངད་ཀུན་ནས་འཁྱུད་པས་ན།. །ཁྱེད་ནི་གངས་རིའི་མི་ཡི་རྒྱན་གཅིག་ལགས།. །
བདེན་པའི་ངག་གིས་ཕྲེང་བ་སྤེལ་ཙམ་གྱིས།. །གངས་ཅན་བོད་ཀྱི་བསྟན་སྲིད་ནོར་བུའི་ངོས།. །
གནོད་བྱེད་ལོག་སྨྲ་སྐྱེ་བོ་དུ་མ་ཞ྄ིག. །ལྐུགས་པར་བཀོད་ཁྱོད་སྨྲ་བའི་དབང྄་པོ་ལགས།. །
རྒྱལ་དབང་དགོངས་ཟབ་ཐུགས་ཀྱི་དབུས་འཛིན་ཏེ།. །གཞན་ཕན་ཁ་བ་རི་པའི་བསྟན་སྲིད་སླད།. །
ཡོད་རྒུ་སྦྱིན་ནུས་དེང་གི་མཁས་དབང་ཆེ།. །ཁྱེད་ནི་མིག་མི་འཛུམ་གྱི་ཕྱག་གཡས་ལགས།. །
འཁྲུལ་བྲལ་ཐོས་པའི་གཞུང་གི་བརྗོད་བྱའི་ཚུལ།. །ཚུལ་བཞིན་བསམ་པས་སྒྲོ་སྐུར་མཐའ་དང་བྲལ།. །
བྲལ་ཙམ་མ་ལགས྄་སྒོམ་པ་ཕར་མཐར་ཕྱིན།. །ཕྱིན་ཆད་ཁྱོད་ནི་རྒྱལ་བའི་གདུང་འཚོབ་ལགས།. །
བདག་གིས་བདག་ཉིད་ཆེན་པོའི་ཡོན་ཏན་ཚོགས།. །ཇི་མ་ཇི་བཞིན་བརྗོད་ལ་རིང་བསྐལ་ཡང་།. །
ཉུང་ངུ་ཉུང་ངུའི་ཚིག་གི་རི་མོ་འདི།. །དད་གསུམ་དད་པའི་རླབས་ཀྱིས་ཁ་ནས་ཐལ།. །