ལྗིད་ཆགས་གངས་དཀར་བཙོག་དྲིས་སྦག་པ་དང༌།
དངས་གཙང་སྤང་ལྗོངས་སྙིང་ཆུང་བཏོན་ནས་བཟུང།
རང་དབང་བརླག་པའི་སྤྲ་ཚའི་སྤུན་ཟླའི་སྲོག
བྱེ་མའི་རླུང་ལ་བསྐུར་བའི་སྐྱོ་ངལ་ལྕི།
ཁ་བ་བུ་ཡུག་འཚུབ་པའི་ལམ་འཕྲང་ནས།
དཀའ་སྡུག་རྡོག་པས་རྫིས་པའི་གཏམ་རྒྱུད་མང༌།
རང་དབང་བླ་སྲོག་བར་དབྱིངས་ལྡིང་དང་ལྷན།
སེམས་ཀྱི་རྟ་བདུན་དབང་པོར་ཕྱོགས་ལ་སྤྲོ།
བློ་ཡིས་དཔྱོད་ཤེས་རིག་པའི་གནས་ལ་བརྩོན།
བདེན་པོའི་འོད་ཟེར་འཆང་མཁན་རེ་བའི་ཚོགས།
བསམ་འདུན་གཅིག་ཏུ་སྒྲིལ་བའི་སྤུན་ཟླ་ཀུན།
བརྟེན་དུ་འཛོམས་པའི་སྨོན་འདུན་སྙིང་ནས་ཞུ།།
གངས་ལྷ་མོས།