གྲོང་གསེབ་ནས་ཡིན་པའི་མི་ཞིག་ལྷ་སར་ཇོ་བོ་མཇལ་བར་སླེབས་པ་རེད།
དེ་ཉིན་ཆོས་མཇལ་བའི་གྲལ་སྟར་ཁྲོད་དུ་ཡུལ་ལུང་གང་ས་ནས་འོང་བའི་ཞལ་འདོན་མཁས་པ་མང་པོ་མཉམ་དུ་སྟབས་འཁེལ་བས། དེ་ཚོས་རང་རང་ཤེས་ཚོད་ཀྱིས་སྐྱབས་འགྲོ་དང་སྨོན་ལམ། བསྟོད་པ་སོགས་ཅི་རིགས་སྐད་ཤུགས་མཐོ་ལ་བར་མ་ཆད་པར་འདོན་བཞིན་ཡོད། འོན་ཀྱང་གྲོང་གསེབ་ཀྱི་ཨ་ཇོ་དེས”ཨོཾ་མ་ཎི་པདྨེ་ཧཱུཾ”ཞེས་པ་ལས་གཞན་གང་ཡང་འདོན་མི་ཤེས་པས། སེམས་ལ་ཕྲག་དོག་དང་མི་བདེ་བའི་སྣང་བ་ངང་གིས་སྐྱེས་ཏེ། རང་གི་ལག་ནང་གི་མཆོད་ཀོང་ཆེ་ཙམ་དེར་བལྟ་ཞོར་དུ། “ཇོ་བོ་རིན་པོ་ཆེ་མཁྱེན། ཁ་མཁས་ལོས་ལ་མ་གཟིགས་རོགས། མཆོད་ཀོང་ཆེ་ལོས་ལ་གཟིགས་རོགས་གནང་།” ཞེས་སྨོན་ལམ་བརྒྱབ་པ་རེད།
མཚར་གཏམ་ཕྱོགས་བསྡུས།