ཐེངས་ཞིག་སྦྱིན་བདག་འདོད་རྔམས་ཞིག་གིས་བྱ་ཚང་ཞིག་གི་ནང་བྱ་དེ་མང་པོ་ཞིག་སྒོ་ངའི་ཆེད་དུ་གསོ་སྐྱོང་བྱེད་ཀྱི་ཡོད། བྱ་ཚང་དེའི་བྱ་དེ་ཚང་མས་ཉིན་མ་རེར་རེར་སྒོ་ང་རེ་རེ་བཏང་གི་ཡོད། ཡིན་ན་ཡང་འདིས་སྦྱིན་བདག་འདོད་རྔམས་ཅན་དེའི་འདོད་པ་རྩ་བ་ནས་བསྐོང་ཐུབ་ཀྱི་མེད། དེ་འདྲ་སོང་ཙང་ཉི་མ་ཞིག་སྦྱིན་བདག་འདོད་རྔམས་ཅན་དེ་ཁོང་ཁྲོ་ཟ་ཐག་ཆོད་དེ་བྱ་ཚང་ནང་ཧར་གྱིས་འཛུལ་ཡོང་ནས། “བྱ་དེ་ཚང་མ་ཉོན་ཅིག སང་ཉིན་ནས་བཟུང་བྱ་དེ་ཚང་མས་ཉི་མ་རེ་ལ་སྒོ་ང་གཉིས་གཉིས་གཏོང་དགོས་ཀྱི་ཡོད། གལ་སྲིད་སུས་སྒོ་ང་གཅིག་མ་ཏོག་བཏང་མེད་པ་ཡིན་ན། དེ་ནས་ངས་དེ་ཟིན་ནས་བྱ་ཤའི་ཐུག་པ་སྐོལ་གྱི་ཡིན་”ཅེས་ལབ་པ་རེད། དེ་ནས་སང་ཉིན་ཞོགས་པ་སྦྱིན་བདག་འདོད་རྔམས་ཅན་དེ་སྔ་པོ་ནས་ཡར་ལངས་སྟེ་བྱ་ཚང་ནང་ལྟ་བར་འགྲོ་སྐབས། བྱ་དེ་ཚང་མས་སྒོ་ང་གཉིས་གཉིས་བཏང་ནས་བསྡད་ཡོད། ཡིན་ན་ཡང་བྱ་དེ་གཅིག་གིས་སྒོ་ང་གཅིག་མ་གཏོགས་བཏང་མེད་པ་རེད། སྦྱིན་བདག་འདོད་རྔམས་ཅན་དེ་ཁོང་ཁྲོ་ཟ་ཐག་ཆོད་དེ་བྱ་དེ་གཅིག་པུ་དེ་ལ་མིག་ཆེན་པོ་ཞིག་བལྟས་ཏེ། “ད་ཁྱེད་རང་ག་རེ་བྱེད་ཀ། བོད་ཐུག་བཟོ་ཀ ཡང་ན་རྒྱ་ཐུག་བཟོ་ཀ་”ཞེས་དྲིས་པར། བྱ་དེ་དེས་ཀྱང་་སྦྱིན་བདག་དེ་ལ་ཡར་མིག་ཆེན་པོ་ཞིག་བལྟས་ནས་ཡར་བརྗོད་དོན། “ཁྱེད་རང་གིས་ཁ་སང་ཞེ་སྣང་ཞེ་དྲག་བསྐུལ་ཙང་། མདང་དགོང་ངས་དཀའ་ལས་ཤུགས་ཆེན་རྒྱབ་ནས་དེ་རངས་སྔ་དྲོ་སྒོ་ང་གཅིག་བཏང་ཐུབ་ཙམ་བྱུང་། མ་གཞི་བྱས་ན་ང་རང་བྱ་ཕོ་ཡིན།”ཅེས་བརྗོད་པ་རེད།།
