སྐྱ་རེངས་ན་གཞོན་རྩོམ་རིག་དྲ་བ།

བརྩེ་ལྡན་ཀློག་པ་པོ་རྣམ་པ། ད་ལྟའི་ཆར་སྐྱ་རེངས་བཞི་པའི་ནང་སྙན་རྩོམ་(བོད་ནང་རང་ལུས་ཀྱི་མཆོད་མེ་འབུལ་མཁན་ཚོར་ཕུལ་བ་དེ་འདྲ་བྱུང་ན་ཡག་པོ་འདུག)དང་ནང་ཆོས་ངོ་སྤྲོད། མཚར་གཏམ་དང་འདྲ་པར་སྒྱུ་རྩལ། ལྷུགས་རྩོམ་དང་ཚན་རིག གྲགས་ཅན་མི་སྣ་ངོ་སྤྲོད་དང་མི་སྒེར་གྱི་ལོ་རྒྱུས། གཞས་ཚིག་གསར་རྩོམ་སོགས་ཀྱི་ས་མིག་འདུག་པས་རྩོམ་ཡིག་སོགས་ཡོད་ན་གང་མྱུར་གནང་རོགས། རྩོམ་སྒྲིག་པས། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

དེ་རིང་ད་ལྟ་(སྤྱི་ལོ ༢༠༡༠། ༡༠། ༢༥། པེ་ཅིན་ཆུ་ཚོད ༡༢ ཡན་མན་ཐོག)རང་ལ་ད་ལྟ་རང་ལ།དཀར་མཛེས་དགོན་པའི་གྲྭ་པ་ཞིག་རང་ལུས་མེ་བསྲེགས་གཏོང་འདུག དེ་རིང་ནམ་བཞག་རྒྱུན་ལྡན་ལྟར་དཀར་མཛེས་དགོན་དུ་དུས་གཏོར་ཚོགས་པའི་སྐབས་ཡིན་པ་དང་།དུས་གཏོར་འཁྱམས་རའི་ནང་གྲྭ་དམངས་དང་ཡུལ་མི་མི་ཉུང་བ་ཞིག་འཛོམས་ཡོད་འདུག སྐབས་དེར་གྲྭ་པ་ཞིག་གི་རང་ལུས་ལ་ས་སྣུམ་བཤོས་ནས་མེ་སྦར་ནས།ལྷུབ་ལྷུབ་ཏུ་གཡོ་བའི་མེ་ལྕེ་གསེབ་ནས། རྒྱལ་བ་རིན་པོ་ཆེ། བོད་ལ་གདན་འདྲེན་ཞུ། བོད་ལ་རང་དབང་དགོས།མི་རིས་འདྲ་མཉམ་དགོས། སོགས་འབོད་ཀྱིན་གློ་བུར་དུ་མེས་ཤུགས་ཆེར་འཚིགས་ནས་འགྱེལ་འདུགགྲ་པ་དང་ཡུལ་མི་ཚོས་སྐྱོབ་ཐབས་གང་དྲག་བྱས་འདུག་ཀྱང་། མེ་ལྕེ་འབར་ཤུགས་ཆེ་དྲགས་པས་སྐྱོབ་ཐུབ་མི་འདུགམར་འགྱེལ་ཚར་བ་དང་མཉམ་དུ་གྲ་པ་ཁག་གཅིག་གིས་སྨན་ཁང་དུ་སྐྱེལ་འདུག གནས་ཚུལ་འདི་ད་ལྟ་རང་ལ་འབྱོར་འདུག་ཡོ་རོབ་རྒྱུད་ནས་གོ་གསལ་བྱུང་།གྲ་པ་དེའི་མིང་དང་གྲོང་སྡེ་སོགས་ད་དུང་ཁ་གསལ་ཤེས་མ་བྱུང་། ད་རྒྱ་གཞུང་གི་ནེན་རྟོག་ཚོས་དྲག་སྤྱོད་ཀྱིས་མང་ཚོགས་བླ་གཅོག་ཐབས་བྱེད་བཞིན་པའི་སྒང་རེད་འདུག བེ་རི་འཇིགས་མེད་དབང་རྒྱལ་གྱིས། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

[youtube https://www.youtube.com/watch?v=4Ekv-OXxj_k] གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

[youtube https://www.youtube.com/watch?v=AJgqyjuZwQ0]ཚང་མས་ཤེས་གསལ་བཞིན་བོད་མི་སྤྱི་ཡོངས་ལྟར་ཁེ་ཉིན་ཚེས་༡༩ ཉིན་མོན་གྷོ་ས་གནས་སུ་བོད་རིགས་ཡོངས་རྫོགས་ཟས་བཅད་ངོ་རྒོལ་གནང་བ་དང་། ཁ་རྩངས་ཚེས་༢༠ ཉིན་ཕྱི་དྲོ་སྨོན་ལམ་གསུངས་བ་དང་མར་མེ་ཁྲོམ་སྐོར་གནང་བ་དང་། དེ་རིང་ཡང་དེ་ལྟར་གནང་སོང་། དེ་ཡང་།དེ་རིང་ཚོུད་༣ པའི་ཐོག་གཞིས་གྲོང་གསུམ་པའི་སློབ་གྲྭའི་ཐང་ཆེན་དུ་སེར་སྐྱ་མི་མང་རྣམས་མཉམ་འཛོམས་ཀྱི་དབུས་སུ། བོད་མི་མང་སྤྱི་འཐུས་སྦི་ཚེ་རིང་ལགས་ཆེད་ཕེབས་ཀྱིས་གསུང་བཤད་དང་། དེ་རྗེས་བློ་གསལ་གླིང་གྲྭ་ཚང་གི་དབུ་མཛད་ཀྱིས་འདོན་པ་བསྐུལ་ནས་ཚང་མས་བཟང་སྤྱོད་ལ་སོགས་པའི་སྨོན་ལམ་ཚོུད་༥ བར་གསུངས་གནང་མཛད་སོང་། དེ་ནས་དེ་གའི་ས་གནས་བགྲོ་ཚོགས་ཀྱི་དགེ་གུ་རུ་ལགས་ཀྱིས་མཇུག་སྡོམ་གསུང་བཤད་དང་། ས་གནས་དོན་གཅོད་མཆོག་གིས་ཐུགས་རྗེ་འཚམས་འདྲིའི་གསུང་བཤད་གནང་སོང་། དེ་འབྲེལ་མི་མང་རྣམ་པས་མར་མེ་སྒྲོན་ནས་མགྲིན་གཅིག་ཏུ་༸གོང་ས་མཆོག་ཞབས་པད་བརྟན་པ་དང་། བོད་ཀྱི་བདེན་མཐའ་གསལ་བ་སོགས་ཀྱི་སྨོན་ལམ་སྐད་བསངས་འཐོན་པོའི་ངང་གསུངས་རྗེས། ༦ དང་ཕྱེད་ཡོལ་ཙམ་ལ་བྱང་ཆུབ་སེམས་མཆོག་རིན་པོ་ཞེས་སྐྱོར་བཞིན་རང་རང་གི་གནས་སུ་མར་མེ་དང་སྤོས་སོགས་བསྣམས་ནས་གཤེགས་པར་མཛད་སོང་། གསུང་བཤད་ནང་སྤྱི་འཐུས་སྦི་ཚེ་རིང་ལགས་ཀྱིས་ད་ལྟའི་ང་ཚོ་སྤེལ་བཞིན་པའི་ལས་འགུལ་དེ་རིགས་མགྱོགས་མྱུར་འཇའ་ཡལ་བ་ལྟ་བུར་མ་སོང་བར་མུ་འཐུད་སྤེལ་དགོས་པ་དང་། དེ་བཞིན་བགྲོ་ཚོགས་ཀྱི་དགེ་གུ་རུ་ལགས་དང་། དོན་གཅོད་བཅས་ཀྱིས་ས་གནས་ཀྱི་མི་མང་རྣམས་སེམས་ཤུགས་ཆགས་མི་དགོས་པར་ད་ལྟའི་ལས་འགུལ་ཅི་ཞིག་སྤེལ་བ་དེ་དག་གང་ཐུབ་ཀྱི་གསར་འགྱུར་བརྒྱུད་ལམ་ཁག་ཏུ་སྤེལ་བཞིན་ཡོད་པ་དང་། མ་ཟད་ཉེ་ཆར་ལྡི་ལིར་མོན་གྷོ་ས་གནས་ཀྱི་འཐུས་མི་༣༠༠ ལྷག་པ་ཆེད་བསྔགས་བོད་རྩ་དོན་གྱི་ཆེད་ཕེབས་ཡོད་པ་དང་། དེ་ལྟར་ཕེབས་མཁན་རྣམས་པར་ཐུགས་རྗེ་ཆེ་ཞེས་གསུངས་སོང་།། ༢༠༡༡་༡༠་༢༡ ཉིན་སྤེལ། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།