གྲུ་ལྷོ་སྐལ་བཟང་ཕུན་ཚོགས། ཨ་མ་བསམ་སྐྱིད་ཀྱིས་དུས་དང་རྣམ་པ་ཀུན་ཏུ་བུ་བསོད་ནམས་ལ་བྱམས་སྐྱོང་ཆེན་པོ་གནང་གི་ཡོད་པ་མ་ཟད། བུ་རང་སློབ་སྦྱོང་ཡག་པོ་བྱས་ན་དེས་འགྲིག་གི་འདུག ཅེས་ནང་ལས་སོགས་གཅིག་ཀྱང་སྐུལ་གྱི་མེད། གང་ཙམ་ནས་བུ་བསོད་ནམས་ཀྱིས་ལོ་འཁོར་ཡིག་རྒྱུགས་རན་པར་ཨ་མས་རང་གི་བུར་རེ་བ་ཆེན་པོ་བྱེད་ཀྱི་ཡོད་ལ། བུ་རང་ཨང་ཀི་ཐོབ་པ་བྱེད་དགོས་ཞེས་ཡང་ཡང་བརྗོད་ཀྱི་ཡོད། དེའི་རྗེས་བུས་ཡིག་རྒྱུགས་བཏང་ཟིན་པས་ཨ་མས། བུ་ཡིག་རྒྱུགས་གང་འདྲ་བྱུང་སོང་ངམ། བརྒྱ་ཆ་་ག་ཚོད་ཐོབ་བྱུང་ངམ། ཞེས་དྲིས་པར་བུས་ལམ་སང༌། ཨ་མ་ལགས། ངའི་སྦྱངས་འབྲས་ལ་བརྒྱ་ཆ་ ༡༠༠ ཐོབ་བྱུང་ཞེས་ཞུས་པ་ཨ་མས་ཐོས་མ་ཐག ཨ་མ་ནི་དགའ་ཐག་ཆོད་དེ་རང་གི་བུ་ལ་བསྟོད་བསྔགས་རྫོགས་མེད་བྱས། གང་ཙམ་ནས་ཨ་མས་བྱས་ན་བུ་རང་གི་སློབ་ཚན་ཚང་མར་བརྒྱ་ཆ་ ༡༠༠ རེ་ཐོབ་པ་རེད་དམ། ཞེས་དྲིས་པར་བུ་དེས། དེ་འདྲ་ག་པ་ག་པ། ཨང་རྩིས་ལ་སྐར་བརྒྱ་ཆ་ ༡༡ དང་། ཚན་རིག་ལ་བརྒྱ་ཆ་ ༢༡ སྐད་ཡིག་ལ་བརྒྱ་ཆ་ ༢༣ དབྱིན་ཡིག་ལ་བརྒྱ་ཆ་ ༢༥ སྤྱི་ཚོགས་རིག་གནས་ལ་བརྒྱ་ཆ་ ༢༠ བཅས་ཁྱོན་བསྡོམས་སྐར་བརྒྱ་ཆ་ ༡༠༠ རེད། ཅེས་ཞུས་པར་ཨ་མ་ཧང་སངས་ཏེ་སྡོད་པ་ལས་བྱ་ཐབས་མ་བྱུང་བ་རེད། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།
རྟ་པ་རྣམས་ལ་ལམ་སྟོན།
མེ་ཁལ་ཨརླ་ཀྲེག་གིས་བརྩམས།ར་ས་ཕོ་ཉས་བསྒྱུར། ཁྱོད་ཀྱིས་རྟ་གཟུང་བར་འགྲོ་དུས།མིག་ཐག་རིང་དུ་བལྟས་ན་ཕན་ཐོགས་ཡོད།མིག་གིས་ཐད་ཀར་བལྟས་ན་རྟ་སྒྲོག་འགྲོ་ཡི་རེད།ཡིན་ནའང་། ཁྱོད་ཀྱི་གཡོ་ཟོལ་གྱིས་མིག་ཐག་རིང་དུ་བལྟ་ཁུལ་བྱས་ན།རྟ་ཡིས་ལམ་སེང་ཤེས་ཀྱི་རེད། དེས་ན།ཁྱོད་ཀྱིས་དངོས་གནས་དྲང་གནས་ཀྱིས་མིག་ཐག་རིང་དུ་བལྟ་དགོས།རྟ་པ་ཁ་ཤས་འདི་ནས་མཐར་ཐུབ་ཀྱི་མེད། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།
འཛམ་གླིང་ཆུང་ཆུང་ནང་གནམ་གྲུ་ཆེན་པོ་ཞིག་བརླགས་པ།
ར་ས་ཕོ་ཉས་པར་དང་བཅས། འདས་མ་ཐག་པའི་ཟླ་བ་༣ པའི་ཚེས་ ༨ སྟེ་བོད་མི་རང་དབང་སྒེར་ལངས་ཀྱི་དུས་དྲན་སྲུང་བརྩི་ཞུ་བའི་ཉིན་གཉིས་ཀྱི་སྔ་ལོགས་སུ། མ་ལེ་ཤའི་རྒྱལ་ས་ཀོ་ལ་ལམ་པུར་དང་རྒྱ་ནག་གི་རྒྱལ་ས་པེ་ཅིང་བར། རྒྱང་ཐག་སྤྱི་ལེ་ཐུང་གྲས་༤༣༩༩ སར་འཕུར་བསྐྱོད་བྱེད་མཁན་གྱི་MH༣༧༠ ཨང་རྟགས་ཅན་གྱི་གནམ་གྲུ་བརླགས་པའི་གནས་ཚུལ་འཐོན་ཡོད། MH༣༧༠ ཨང་རྟགས་ཅན་གྱི་གནམ་གྲུ་དེ་མ་ལེ་ཤ་ནས་འཕུར་ནས་ཚོུད་གཅིག་མ་སོང་ཙམ་གྱི་མཚམས་བརླག་འགོ་ཚུགས་ཡོད་པ་དང་། གནམ་གྲུའི་ནང་དུ་མ་ལེ་ཤའི་ལས་མི་༡༤ དང་རྒྱལ་ཁབ་འདྲ་མིན་༡༤ ཁུངས་ཀྱི་འགྲུལ་མི་༢༢༧ དེའི་ནང་ནས་རྒྱ་ནག་གི་མི་སེར་དུ་གྱུར་པ་༡༥༣ བཅས་ཡོད། འབྲེལ་ཡོད་ཚན་པས་ཐའི་ལན་དྲའི་དང་རྒྱ་ནག་གི་ལྷོ་རྒྱ་མཚོ་བཅས་སུ་བཙལ་བས་མ་རྙེད་སྟབས། རིམ་པའི་འཚོལ་ས་རྒྱ་བསྐྱེད་དེ་མ་ལེ་ཤའི་ཉེ་འཁོར་གྱི་ Strait of Malaccaམ་ལ་ཀ་དང་Andamanཨན་དྷ་མན་རྒྱ་མཚོ་བཅས་སུ་བཙལ་ཅིང་།
ཨན་ཌོའི་ཌེ་ ༤་༢ ཡན་ཆད་ལ་བོད་ཡིག་བླུགས་སྟངས།
ཨན་ཌོའི་ཌེ་༤་༢ ཡན་ཆད་ནང་བོད་ཡིག་འཇུག་སྟངས། ར་ས་ཕོ་ཉ། གྲོགས་པོ་རྣམ་པ་ཚང་མཁྱེན་གསལ་ལྟར་དེང་སང་སེམ་སུང་སོགས་ཀྱི་ཨན་ཌོའི་ཌེ་ཁ་པར་ནང་བོད་ཡིག་གང་ལེགས་འཆར་གྱི་ཡོད་པ་ཡིན། ཡིན་ནའང་། བོད་ཡིག་དེ་ལྟར་འཆར་བར་མཐུན་རྐྱེན་གཉིས་ཚང་དགོས་པ་ནི། ༡ ཨན་ཌོའི་ཌེ་ ༤་༢ ཡན་ཆད་ཡིན་པ། ༢ སེམ་སུང་བཟོ་ལས་ནས་འཐོན་པའམ། དེ་ལྟར་མིན་ཀྱང་ཁ་པར་རྒྱ་སྒོ་གཏོར་ཚར་བ་Root ཡིན་པ། མཐུན་རྐྱེན་དེ་ལྟར་ཚང་ན། ཁྱེད་ཀྱིས་གཤམ་གསལ་རིམ་པ་ལྟར་ལག་ལེན་བལྟར་རྒྱུ། ༡༽ གྷོ་གྷོལ་ཁྲོམ་ར་ google play ནས་ ཨྱེ་ཡིག་གཟུགས་ifont ཁ་པར་མཉེན་ཆས་apps དེ་ཉོས་དགོས། གལ་ཏེ་ཁྱེད་ལ་མཉེན་ཆས་དེ་ཉོ་ཡག་གི་མཐུན་རྐྱེན་མེད་ན་གཤམ་གསལ་འབྲེལ་ཐག་linkནས་༡མོ་འབེལ་1mobile ཟེར་བའི་མཉེན་ཆས་དེ་ཕབ་ལེན་གནང་ན། དེ་ནང་ཨྱེ་ཡིག་གཟུགས་ifont རིན་མེད་ཕབ་ཐུབ། འབྲེལ་ཐག་linkhttp://www.1mobile.com/redirect/com.kapp.ifont ༢༽ ifont ཨྱེ་ཡིག་གཟུགས་ནང་ནས་བོད་ཡིག་འདེམས་ནས་། སྒྲིགས་set དགོས། ༣༽ མཛུབ་གནོན་འཇུག་སྟངས་ནི་སྔོན་མ་ལྟར་multiling སོགས་བེད་སྤྱོད་གནང་དགོས། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།
སྐད་འཕྲིན་བེད་སྤྱོད་མ་བཏང་སྔོན་ལ་བསྐྱར་དུ་བསམ་བློ་ཐོངས།
འཇིགས་མེད་ནུབ་པ་ནས། ང་ཚོས་བོད་མི་དང་བོད་དོན་རྒྱབ་སྐྱོར་བ་ཚོ་དྲ་ཐོག་ཏུ་བདེ་འཇགས་དང་ཉེན་སྲུང་ཡོད་པའི་སྒོ་ནས་གནས་ཐུབ་ཆེད་འབད་བརྩོན་བྱེད་བཞིན་པའི་ལས་འགུལ་གྱི་ཆ་ཤས་ལྟ་བུར། སྐད་འཕྲིན་སྐོར་གྱི་བརྙན་ཐུང་འདི་ཚང་མར་གཟིགས་འབུལ་ཞུ་གི་ཡོད། འབྲེལ་ཐག https://www.youtube.com/watch?v=-utq9znzGrU&feature=youtu.be སྐད་འཕྲིན་ནི་འཕྲིན་ཐུང་མཉེན་ཆས་ལྦ་ཚི་ཨབ(Whatsapp)དང་གཞན་པ་དག་ལྟ་བུ་ཡིན་ཞིང་། དེ་ཡིས་བེད་སྤྱོད་གཏོང་མཁན་རྣམས་ལ་ཕན་ཚུན་དབར་དུ་འདྲ་པར་བགོ་བ་དང་བརྙན་ཐུང་གཏོང་བ། འཕྲིན་ཐུང་གཏོང་བ། སྐད་བསྐུར་བ་སོགས་བྱེད་འཇུག་གི་ཡོད། སྐད་འཕྲིན་ནི་འཛམ་གླིང་ཤར་ནུབ་ཀུན་ཏུ་བེད་སྤྱོད་གཏོང་མཁན་གྱི་གྲངས་ཀ་འཕེལ་མགྱོགས་ཤོས་ཀྱི་འཕྲིན་ཐུང་མཉེན་ཆས་ཤིག་ཆགས་བཞིན་ཡོད་པ་མ་ཟད། བོད་ཕྱི་ནང་གཉིས་ཀྱི་བོད་མི་ཕལ་ཆེ་བས་ཀྱང་དེ་བེད་སྤྱོད་གཏོང་གི་ཡོད། ང་ཚོས་དེ་ལ་སེམས་ཁྲལ་བྱེད་ཀྱི་ཡོད་ཅིང་གཤམ་གྱི་གནད་དོན་ཁག་ནི་ཅིའི་ཕྱིར་ང་ཚོས་བོད་པའི་སྤྱི་ཚོགས་ཁྲོད་དུ་སྐད་འཕྲིན་བེད་སྤྱོད་གཏོང་བ་དེར་སེམས་ཁུར་བྱེད་དགོས་པའི་རྒྱུ་མཚན་གཙོ་བོ་ཁག་ཡིན། ༡) སྐད་འཕྲིན་ནི་རྒྱ་ནག་ནང་ཁུལ་དུ་ཞབས་ཞུའི་ལྟེ་གནས་ཡོད་མཁན་གྱི་རྒྱ་ནག་གི་འཕྲུལ་རིག་བཟོ་ཚོང་ཁང་ཞིག་གིས་བཟོས་པ་རེད། ༢) སྐད་འཕྲིན་གྱིས་HTTPSབེད་སྤྱོད་གཏོང་གི་མེད་ཅིང་དེ་ཡིས་སྐད་འཕྲིན་ཐོག་བྱུང་བའི་གླེང་མོལ་དང་འབྲེལ་བ་ཁག་ལ་ཉེན་སྲུང་གི་མཐུན་རྐྱེན་སྤྲོད་ཀྱི་ཡོད། ༣) སྐད་འཕྲིན་གྱིས་ཁྱོད་ཀྱི་ལག་འཁྱེར་ཁ་པར་སྟེང་གི་འབྲེལ་མིང་ཚང་མར་བལྟ་ཐུབ་གི་རེད། ༤) སྐད་འཕྲིན་གྱིས་ཁྱོད་ཀྱི་ལག་འཁྱེར་ཁ་པར་སྟེང་གི་འདྲ་པར་དང་ཡིག་ཆ་གཞན་པ་ཚང་མར་ཡང་བལྟ་ཐུབ་གི་རེད། ༥) སྐད་འཕྲིན་གྱིས་ཁྱོད་ཀྱི་སྡོད་གནས་ངོས་འཛིན་ཐུབ་གི་རེད། ༦) སྐད་འཕྲིན་གྱིས་ཁྱོད་ཀྱི་ཁ་པར་སྟེང་གི་འཕྲིན་ཐུང་དང་བརྙན་ཐུང་། འདྲ་པར། སྐད་འཇོག་གླེང་མོལ་སོགས་ཚང་མར་བལྟ་ཉན་བྱེད་ཐུབ་གི་རེད། འདས་པའི་ལོ་ངོ་མང་པོར་། བོད་ཀྱི་ས་ཁུལ་མང་པོ་ནས་བོད་མི་དག་གིས་གསང་རྒྱ་ཅན་གྱི་གནས་ཚུལ་བགོ་འགྲེམས་བྱས་བའི་ཉེན་ལེན་ལ་བརྟེན་ནས་རྒྱ་ནག་གཞུང་གིས་བོད་མི་དག་འཛིན་བཟུང་དང་བཙོན་འཇུག་བྱས་ཡོད་པ་མ་ཟད་ཐ་ན་བོད་མི་དག་གི་ལག་འཁྱེར་ཁ་པར་དང་གློག་ཀླད་སྟེང་དུ་གནས་ཚུལ་མང་པོ་བཀག་འགོག་ཀྱང་བྱས་ཡོད། ང་ཚོས་གོ་ཐོས་ལྟར་ན། འཛིན་བཟུང་དང་བཙོན་འཇུག་བྱས་བ་དེ་དག་གི་ཁྲོད་ཀྱི་མང་པོ་ཞིག་དངོས་ཤུགས་གང་རུང་ནས་སྐད་འཕྲིན་དང་འབྲེལ་བ་འདུག་ཟེར། སྤྱིར་བཏང་ནས་རྒྱ་ནག་གཞུང་གི་ལྟ་རྟོག་ལ་གཡོལ་རྒྱུ་ཧ་ཅང་ཁག་པོ་ཡིན་རུང་། རྒྱ་ནག་གིས་བཟོས་པའི་ཉེན་ཁ་ཅན་གྱི་འཕྲིན་ཐུང་མཉེན་ཆས་སྐད་འཕྲིན་ལྟ་བུའི་རིགས་དང་ལྷན་དུ་མཉམ་གཤིབ་བྱེད་རྒྱུ་ཇེ་ཉུང་དུ་བཏང་ནས་སོ་སོའི་ཉེན་ཁ་ཆུང་དུ་གཏོང་རྒྱུ་ནི་བྱེད་ཐུབ་པ་ཞིག་རེད།ལྷག་པར་དུ། འཛམ་གླིང་གང་སར་ཡོད་པའི་བོད་མི་དང་བོད་དོན་རྒྱབ་སྐྱོར་བ་ཚོས་སོ་སོའི་བདེ་འཇགས་དེ་གལ་ཆེན་པོར་བརྩི་དགོས་པ་མ་ཟད་ང་ཚོ་ཚང་མ་ཕན་ཚུན་སྦྲེལ་ནས་ཡོད་ཙང་སོ་སོའི་ལག་འཁྱེར་ཁ་པར་སྟེང་དུ་འཕྲིན་ཐུང་མཉེན་ཆས་ཅི་ཞིག་བེད་སྤྱོད་གཏོང་མིན་སོགས་ཀྱི་སྐོར་ལ་དོ་གཟབ་བྱེད་རྒྱུ་ནི་ང་ཚོའི་རེ་སྐུལ་ཡིན། སྐད་འཕྲིན་དང་འབྲེལ་བའི་གནས་ཚུལ་མང་ཙང་ཤེས་འདོད་ཚེ་ང་ཚོའི་དྲ་ཚིགས་ཐོག་ལ་ཕེབས་རོགས། འབྲེལ་ཐག https:// tibetaction. net བོད་དོན་གྱི་ཆེད་དུ་སོ་སོར་བདེ་འཇགས་ཡོད་པ་བྱོས སྐད་འཕྲིན་དང་འབྲེལ་བའི་དོགས་འདྲི་སོགས་ཡོད་ཚེ། ང་ཚོའི་ལས་བྱེད་བློ་བཟང་རྒྱ་མཚོ་སྲིད་ཐར་ལ་འབྲེལ་བ་གནང་རོགས། ཁོང་གི་གློག་འཕྲིན་ཁ་བྱང་ནི Gmail@ lobsang@tibetaction.net གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།