འཇིགས་མེད་ནུབ་པས། དེང་གི་སྐབས་སུ་། དྲ་ཐོག་ཏུ་ལས་ཀའི་རིགས་སྟབས་ཇེ་བདེར་སོང་བ་ཙམ་གྱིས། དྲ་ཐོག་གི་བདེ་འཇགས་བརྟན་པོ་ཡོད་པའི་ཁུངས་སྐྱེལ་དཀའ་བ་མ་ཟད་། དྲ་ཐོག་ཏུ་འགྲུལ་བཞུད་བྱེད་མཁན་ཚོར་། བདེ་འཇགས་དང་ཉེན་སྲུང་མེད་པའི་དཀའ་ངལ་དང་འགོག་རྐྱེན་རིགས་མང་ནས་མང་དུ་འགྲོ་བཞིན་ཡོད་། དཔེར་ན། ཁྱེད་རང་དྲ་ཉུལ་བྱེད་བཞིན་པའི་དྲ་བྱང་དེའི་འགོར་(HTTPS)་ཡི་ཚབ་ལ་(HTTP)་བེད་སྤྱོད་གཏོང་གི་ཡོད་ཚེ། ཁྱེད་ཀྱིས་དྲ་ཐོག་ནས་ལས་དོན་ཅི་ཞིག་བསྒྲུབ་ཀྱང་། ཁྱེད་ཀྱིས་ཅི་ཞིག་བྱེད་བཞིན་པ་དང་ཅི་ཞིག་འབྲི་བཞིན་པ། ཅི་ཞིག་བཤད་བཞིན་པ་བཅས་ཚང་མར་གཞན་གྱིས་ལྐོག་བལྟ་དང་རྗེས་འདེད་བྱེད་ཐུབ་པ་མ་ཟད་། ཁྱེད་རང་སྒེར་གྱི་གནས་ཚུལ་མང་པོ་ཞིག་གཞན་གྱི་ལག་པར་ཤོར་སྲིད་པ་མ་ཟད་དེ་ལོག་པར་བེད་སྤྱོད་ཀྱང་གཏོང་སྲིད་། གནས་སྟངས་འདི་ལྟ་བུའི་འོག་ཏུ། རྒྱལ་ཁབ་མང་པོའི་ནང་དུ་། དངུལ་ཁང་གི་གནས་ཚུལ་བརླགས་པ་དང་མི་སྒེར་གྱི་གསང་བ་ཤོར་བའི་གསར་འགྱུར་མང་པོ་འབྱུང་གིན་ཡོད་། དེར་བརྟེན། ཁྱེད་ཀྱིས་གཟབ་གཟབ་མ་བྱས་ན། དྲ་ཐོག་གི་ལས་ཀ་ཚང་མ་བདེ་འཇགས་མིན། (HTTPS)བེད་སྤྱོད་མ་བཏང་ན། ལྐོག་ལྟ་དང་རྗེས་འདེད་ནི་གནས་སྟངས་གང་རུང་དུ་འབྱུང་ངེས། དཔེར་ན། ལས་ཁུངས་དང་སློབ་གྲྭ སྤྱི་སྤྱོད་གློག་ཀླད་ཁང་གང་རུང་དུ་ཁྱེད་དང་དྲ་འབྲེལ་གཅིག་པ་བེད་སྤྱོད་གཏོང་མཁན་ཞིག་གིས། ཁྱེད་ཀྱིས་དྲ་ཚིགས་གང་ལ་ཉུལ་གི་ཡོད་པ་དང་ཁྱེད་ཀྱིས་གློག་འཕྲིན་དང་འཕྲིན་ཐུང་དུ་ཅི་ཞིག་འབྲི་བཞིན་ཡོད་པ་བཅས་ལ་ལྐོག་ལྟ་བྱེད་ཐུབ་པ་མ་ཟད་། ཁྱེད་ལ་དྲ་འབྲེལ་གྱི་མཐུན་རྐྱེན་སྦྱོར་མཁན་དང་སྲིད་གཞུང་གང་རུང་གིས་ཀྱང་ཁྱེད་ཀྱི་དྲ་ཐོག་གི་བྱེད་ལས་ཚང་མར་ལྟ་ཞིབ་བྱེད་ཐུབ། འདི་ལྟར་འབྱུང་དོན་ནི། ཁྱེད་ཀྱིས་བེད་སྤྱོད་གཏོང་བཞིན་པའི་དྲ་ཚིགས་དང་གློག་འཕྲིན་ཁ་བྱང་སོགས་སུ་(HTTPS)མེད་པའི་རྐྱེན་གྱིས་རེད་།ད་དུང་ཁ་གསལ་དུ་བཏང་ནས་བརྗོད་ན། ཁྱེད་ཀྱིས་ཉུལ་ཞིབ་དང་བེད་སྤྱོད་གཏོང་བཞིན་པའི་དྲ་ཚིགས་དང་གློག་འཕྲིན། ངོ་དེབ་སོགས་གང་ཡིན་རུང་། (HTTPS)མ་ཡིན་པར(HTTP)་བེད་སྤྱོད་གཏོང་གི་ཡོད་ཚེ། ཁྱེད་ཀྱི་དྲ་ཐོག་གི་བདེ་འཇགས་ལ་ཉེན་ཁ་ཆེ། དྲ་ཐོག་ཏུ་། ཁྱེད་རང་གཙོས་བའི་ཁྱེད་ཀྱི་ཉེ་འཁོར་བ་རྣམས་བདེ་འཇགས་ངང་གནས་ཐུབ་པ་ལ། ངེས་པར་དུ(HTTPS) བེད་སྤྱོད་གཏོང་གི་ཡོད་པའི་དྲ་ཐོག་ཞབས་ཞུ་རིགས་འདེམས་དགོས་ཤིང་ཡིད་གཟབ་བྱེད་དགོས་བའི་གནད་དོན་ཁག་སེམས་ལ་ཉོར། ཁྱེད་རང་དྲ་ཐོག་ཉུལ་བའི་སྐབས་སུ་། དྲ་ཚིག་གི་ཁ་བྱང་ལ་བལྟོས། གལ་སྲིད་དྲ་ཚིགས་གི་ཁ་བྱང་དེ་(HTTPS)མ་ཡིན་པར་(HTTP)ནས་འགོ་བཙུགས་ཡོད་ཚེ། ཁྱེད་ཀྱི་དྲ་ཐོག་ལས་ཀར་གཞན་གྱིས་ལྐོག་ལྟ་བྱེད་ཐུབ་གི་ཡོད་པ་ཤེས་དགོས་བ་མ་ཟད་དྲ་ཐོག་ཏུ་ཅི་ཞིག་ལས་དང་ཅི་ཞིག་བཤད་ལ་གཟབ་གཟབ་བྱོས། ད་དུང་དྲ་ཚིགས་གཅིག་པོ་མ་ཡིན་པར་། གློག་འཕྲིན་ནང་འཛུལ་བའི་སྐབས་སུ་ཡང་། གློག་འཕྲིན་རང་བཞིན་ནས་(HTTPS)བེད་སྤྱོད་གཏོང་བ་རྗེ་མེལ་(Gmail)ལྟ་བུ་བེད་སྤྱོད་གཏོང་རྒྱུ་འགོ་ཚུགས། ཡ་ཧོ(Yahoo)སོགས་བེད་སྤྱོད་གཏོང་རྒྱུ་མཚམས་ཞོག གང་ཡིན་ཞེ་ན། དེ་ཚོས(HTTPS)བེད་སྤྱོད་གཏོང་གི་མེད་པ་མ་ཟད་དེ་ཚོའི་བདེ་སྲུང་ཡང་བརྟན་པོ་མེད་། དཔེར་ན། ངོ་དེབ་ལྟ་བུར་(HTTPS)ཡི་མཐུན་རྐྱེན་ཡོད་རུང་དེ་རང་བཞིན་ནས་བེད་སྤྱོད་གཏོང་གི་མེད་། དེར་བརྟེན། ཁྱེད་ཀྱི་ངོ་དེབ་དེ་(HTTPS)བེད་སྤྱོད་གཏོང་མཁན་བཟོ་ན། ཐོག་མར་ཁྱེད་ཀྱིས་ངོ་དེབ་ཀྱི་པར་གཞིའི་གཡས་ཕྱོགས་ཀྱི་འགོར་ཡོད་པའི་ཐོ་བྱང་གི་ཐོག་ལ་བསྣུན་ཅིང་དེ་ནས་ “Account Settings” འདེམས། དེའི་རྗེས་སུ་། པར་གཞིའི་གཡོན་ཕྱོགས་སུ་ཡོད་པའི…
ཁྱེད་ཀྱི་ཨེན་ཌོའི་ཌེ་ཁ་པར་གྱི་མེ་སྲུང་སྐྱོབ་བྱེད་ཐབས།
ར་ས་ཕོ་ཉ།དེང་གི་ཆར་ཁྱེད་ཀྱིས་ཨེན་ཌོའི་ཌེ་Android ཁ་པར་ཡིད་དུ་འོང་བ་ཞིག་ཁྱེར་གྱི་ཡོད་རུང་། ཉིན་ལྟར་གློག་གམ་མེ་གསོག་དགོས་པས་དབང་གིས་ ཅུང་ཟད་བསུན་པོ་ཡོད་པ་ཡིན་ནམ། མེ་ཡི་འདང་གཤེད་མེད་པ་དེ་ནི་གྷོ་གྷོལ་མཉེན་ཆས་ཅན་གྱི་ཁ་པར་དེ་ཚོའི་སྐྱོན་ཆ་ཆེ་ཤོས་དེ་ཡིན། དེ་འདྲ་སོང་ ཙང་། གཤམ་དུ་ཉིད་ཀྱི་ཨེན་ཌོའི་ཌེ་ཁ་པར་གྱི་མེ་ཅུང་ཟད་འགྲོན་ཆུང་ཡོང་ཆད་ལམ་སྟོན་གྱི་རིམ་པ་འགའ་བཀོད་ཡོད། ༡ སྐུད་མེད་བརྡ་ལམ་རྣམས་བཀག་ནས་འཇོག བྷུ་ལུ་ཊུཐ་Bluetooth (སོ་སྔོན།) དང་། ཝཡེ་ཧྥེ་WiFi (ཉེ་འཁོར་སྐུད་མེད་རྒྱུད་ལམ།) སོགས་བེད་སྤྱོད་མི་བྱེད་པའི་དུས་བཀག་ནས་འཇོག་ལ། ལྷག་ པར་དུ་ལྗི་གསུམ་3G (ཁ་པར་རྒྱུད་ལམ་མགྱོགས་པ་ཞིག)རྒྱུད་ལམ་དེ་བཀག་ནས་བཞག་དགོས། གང་ཡིན་ཟེར་ན། ལྗི་གསུམ་རྒྱུད་ལམ་མེད་པར་དེ་སྒོ་ ཕྱེ་ནས་བཞག་པ་ཡིན་ན་དུས་ཚོད་སྐར་ཆ་རེ་རེ་ནས་ཁ་པར་གྱི་ལྗི་གསུམ་བཙལ་ནས་བསྡད་པས་གློག་གམ་མེ་མང་པོ་ཟ་བ་ཡིན། ༢ ངོ་ཤེལ་གྱི་འོད་མདངས་ཆུང་ངུར་འཇོག དུས་རྒྱུན་ཁ་པར་གྱི་མེ་འགྲོན་ཆུང་བྱེད་དུས་ཁ་པར་གྱི་ངོ་ཤེལ་གྱི་འོད་མདངས་བརྒྱ་ཆ་༣༠ ནས་ ༤༠ བར་འཇོག་གི་ཡོད། ༣ རེམ་RAMགཙང་མ་བཟོ་བ། ཁ་པར་ནང་དུ་དང་ཐོག་ནས་ཡོད་པའི་ཊསེ་་མན་ནེ་འཇར་task manager (བྱ་བའི་སྟངས་འཛིན་པ།) མཉེན་ཆས་སྤྱད་ནས་རེམ་རྒྱུན་དུ་གཙང་མ་ བཟོ་དགོས། གལ་ཏེ་དེ་ལྟ་བུའི་མཉེན་ཆས་ཁ་པར་ནང་མེད་ན་གྷོ་གྷོལ་ཁྲོམ་ར་google play store ནས་(Advance Task Manager) ཟེར་བ་ སོགས་ནས་མཉེན་ཆས་ཕབ་ལེན་བྱོས། ༤ ཁ་པར་གྱི་གྱང་རིས་ Wallpaper རྣམས་ཚོན་མདོག་ནག་པོ་འཇོག ཡིད་ཆེས་ཡོད་མེད་ཇི་ལྟར་ཡང་། ཁ་པར་ནང་གྱང་རིས་དང་ལྗོངས་རིས་Themeརྣམས་ཚོན་མདོག་ནག་པོ་ཅན་གྱིས་མེ་བེད་སྤྱོད་ཉུང་བ་བྱེད་པ་ཡིན། ལྷག་པར་དུ་ཨེ་མོ་ལེཌེ་AMOLED རང་བཞིན་གྱི་ངོ་ཤེལ་ཅན་གྱི་ཁ་པར་དེ་ཚོའི་ནང་དེ་ལྟར་འོང་བ་ཡིན། ༼སེམ་སུང་་གྷེ་ལེཀ་སེ་ཨེསེ་Samsung Galaxy S རིགས་རྣམས་ངོ་ཤེལ་ཨེ་མོ་ལེཌེ་ཡིན།༽…
འཇིག་རྟེན་འོད་ཀྱིས་ཁེངས་པའི་ཉིན་མོ།
འཛམ་གླིང་ཡུལ་གྲུ་ཀུན་ཏུ་གནས་པའི་ནང་བ་སངས་རྒྱས་པ་ཡོངས་ཀྱིས་ཉིན་གཉིས་ཀྱི་རྗེས་ཀྱི་སྐལ་བཟང་གི་དུས་ཚེས་ཏེ་ས་གའི་ཚེས་པ་བཅོ་ལྔའི་ཉིན་དེར་སྟོན་པའི་འཁྲུངས་སྐར་སྲུང་བརྩི་གནང་རོགས། གཅིག དེ་རིང་ནི་འོད་ཀྱིས་འཇིག་རྟེན་ཁེངས་པའི་ཉིན་མོ་ཡིན་ལ་བལྟ་ན་སྡུག་པའི་མཛེས་པའི་མེ་ཏོག་བདུན་ཚར་གྱི་བཀྲག་མདངས་ཕྱི་རུ་མངོན་པའི་ན་མོའང་ཡིན། དེ་རིང་ནི་རྟེན་འབྱུང་ལྟ་གྲུབ་ཀྱི་ལྐོག་གྱུར་གནས་ལུགས་དང་བྱམས་བརྩེའི་སྙིང་སྟོབས་ཀྱི་གཟི་འོད་གླིང་བཞིར་མཆེད་པའི་ཉིན་མོ་སྟེ་མི་ལོ་ཧྲིལ་བོ་ཉིས་སྟོང་ལྷག་གི་སྔ་རོལ་ཀྱི་དེ་རིང་ཉམས་རྟོགས་འབུམ་གྱིས་ཕྱུག་པའི་སྐྱེས་ཆེན་དམ་པ་ཞིག་གི་སྐུ་ཡི་མཚན་དཔེའི་མེ་ཏོག་འཛམ་གླིང་ཟླུམ་པོའི་དཀྱིལ་འཁོར་དུ་བཞད་ཅིང་དེ་ནས་བཟུང་སྐྱེ་བོ་ཁྲི་སྟོང་མང་པོའི་ཡིད་ཀྱི་ཞིང་སར་བྱམས་བརྩེ་དང་གཞན་གཅེས་ཀྱི་ནུས་པའི་རོ་བཅུད་སྨིན་པའི་འགོ་བརྩམས་པ་རེད།དུས་དེ་ནས་སྐྱེ་བོ་མཆོག་དམན་ཀུན་གྱི་སེམས་ཁམས་སུ་ཡང་དག་པའི་འོད་ཀྱི་ཞིང་ཁམས་སུ་བགྲོད་པའི་ནུས་སྟོབས་ཡོད་པའི་བདེན་དཔང་རྙེད་ཅིང་བདག་ཉིད་བདག་གི་མགོན་པོ་རུ་ལྟ་བའི་བློ་གྲོས་ཀྱི་མིག་ཟུང་ཐོབ། ཉིན་མོ་འདི་ནི་སྐྱེ་འགྲོ་སྤྱི་དང་ཁྱད་པར་དུ་ནང་པ་སངས་རྒྱས་པའི་རྗེས་འཇུག་པ་དག་གིས་ངེས་པར་དུ་དྲན་དགོས་པའི་ཉིན་མོ་ཞིག་དང་དགའ་སྤྲོའི་རྣམ་འགྱུར་དང་དགེ་སྒྲུབ་རྣམ་དཀར་གྱིས་བསུ་དགོས་པའི་རིན་ཐང་གྱི་ཉིན་མོ་གལ་ཆེན་རེད། གཉིས། གལ་ཏེ་དེ་རིང་སྟོན་པ་ཡེ་ཤུ་མཆོག་གི་སྐུ་ཡི་འཁྲུངས་སྐར་ཡིན་ན་ཁོང་གི་རྗེས་འཇུག་པ་ས་ཡ་མང་པོས་ཉིན་མོ་འདིར་རང་གི་སྟོན་པའི་མཛད་རྣམ་ལ་ཡི་རང་གི་བསྔགས་བརྗོད་འཁྲོལ་བཞིན་འཁྲུངས་སྐར་འདི་དགའ་དད་སྤྲོ་གསུམ་གྱིས་བསུ་ངེས་ཤིང་། དེ་བཞིན་རྗེའུ་དང་། ཁ་ཆེ་སོགས་ཆོས་ལུགས་གང་ཡིན་ཡང་རང་གི་སྟོན་པའི་འཁྲུངས་སྐར་ནི་ཆེས་གལ་ཆེའི་ཉིན་མོར་སྲུང་བརྩི་བྱེད་ངེས། ང་ཚོ་སྟེ་འདྲེན་མཆོག་མཉམ་མེད་དཔལ་ཟས་གཙང་སྲ་ཕོའི་རྗེས་འཇུག་ཏུ་ཁས་འཆེས་པའི་ནང་བ་སངས་རྒྱས་པ་དག་གིས་འཛམ་གླིང་འདིར་གནས་འཆའ་བའི་ནང་པ་ཡོངས་རྫོགས་གཅིག་མཐུན་གྱིས་སྟོན་པ་བཅོམ་ལྡན་འདས་ཀྱི་སྐུ་བལྟམས་པ་དང་སངས་རྒྱས་པ་མྱ་ངན་ལས་འདས་པའི་གསུམ་འཛོམས་ཀྱི་དུས་ཆེན་འདིར་ཡོངས་ཁྱབ་རང་བཞིན་གྱི་སྲུང་བརྩི་རྒྱ་ཆེན་ཞིག་བྱེད་མ་ཐུབ་པ་འདི་ནི་ཅི་འདྲའི་བློ་ཕམ་གྱི་རང་བཞིན་ཞིག་རེད་ཨང་། ང་ཚོས་སྟོང་ཆ་འདི་བསྐང་ཆེད་དེ་རིང་བཟུང་དཔལ་མཉམ་མེད་ཤཱཀྱ་སེང་གེའི་སྐུ་ཡི་འཁྲུངས་སྐར་འདི་སྲུང་བརྩི་བྱེད་པའི་ཡོངས་ཁྱབ་ཀྱི་ལས་གཞི་འདི་ལྟར་བརྩམས་དགོས་པས་འཛམ་གླིང་གོ་ལའི་ས་ཕྱོགས་གང་སར་གནས་པའི་ནང་པ་ཡོངས་ཀྱིས་འཁྲུངས་སྐར་ འདི་ལྟར་སྲུང་བརྩི་བྱེད་རོགས། གཅིག ཉིན་མོ་འདིར་རང་རང་གི་ཉེ་འཁོར་དུ་གནས་པའི་སྐྱེ་བོ་ཡོངས་ལ་རང་གི་སྟོན་པའི་མཛད་རྣམ་སྐོར་དང་རླབས་ཆེན་གྱི་སྟོན་པ་ཁོང་གིས་ང་ཚོར་བླང་དོར་གྱི་ལམ་སྟོན་གང་ང་གང་གནང་ཡོད་པའི་སྐོར་ལ་གོ་བསྡུར་དང་བགྲོ་གླེང་བྱ་རྒྱུ། གཉིས། སྟོན་མཆོག་ཁོང་གི་རྗེས་འཇུག་པ་ཞིག་ཡིན་པའི་ངོས་ནས་ཉིན་མོ་འདིར་སྐྱེས་ཆེན་ཁོང་གིས་ཉམས་བཞེས་སུ་བསྟར་བའི་གཞན་གཅེས་དང་བྱམས་སྙིང་རྗེའི་དགེ་ཕན་ལ་སོགས་ལ་བསམ་བློ་བཏང་སྟེ་གཞན་ལ་གནོད་གཞིའི་ལས་མི་བརྩམས་པར་གཞན་ཕན་གྱི་ལས་ཀ་གང་ཐུབ་བསྒྲུབ་རྒྱུ། གསུམ། རང་གི་ནང་མི་དང་གྲོགས་པོ་ཕོ་མོ་ཚོར་རྒྱུད་ལམ་གང་རུང་ཐོག་དེ་རིང་གི་ཉིན་མོའི་གལ་ཆེའི་རང་བཞིན་ངོ་སྤྲོད་དང་སྦྲགས་ཉིན་མོ་འདིར་གཞན་ཕན་གྱི་ལས་སུ་འཇུག་དགོས་པའི་སྐུལ་དེད་བྱ་རྒྱུ། བཞི། དུས་དེབ་དང་། ཚགས་ཤོག དྲ་རྒྱ་སོགས་སུ་སྟོན་མཆོག་ཐུབ་པའི་དབང་པོའི་མཛད་བཟང་ལ་བསྔགས་བརྗོད་དང་དེ་འབྲེལ་གྱི་རྩོམ་བྲིས་སྤེལ་རྒྱུ། ལྔ། རང་ཉིད་ནང་པ་ཞིག་གི་ངོས་ནས་ཉིན་མོ་འདི་ཆེས་གལ་ཆེན་དུ་བརྩིས་ཏེ་་ཉིན་དེའི་དུས་ཚད་ཡོངས་རྫོགས་དགེ་སེམས་འབའ་ཞིག་གི་ངང་ནས་རྫོགས་པར་ཧུར་བརྩོན་བྱ་རྒྱུ། འདི་ནི་ནང་པའི་ཆོས་ཀྱི་རྗེས་འབྲང་པའི་གྲྭ་བ་ཞིག་གིས་ནང་པ་ཡོངས་ལ་ཕུལ་བའི་རེ་སྐུལ་ཡིན་པས་བདག་གི་རེ་བ་འདི་ཅིས་དང་ལེན་གནང་རོགས་ཞུ།། ནང་པའི་ཆོས་ཀྱི་རོ་བཅུད་ཐོས་བསམ་གྱིས་ཅུང་ཟད་གཞིབ་པའི་མཐུ་ལས་ནང་པ་སངས་རྒྱས་པའི་སྟོན་མཆོག་དམ་པ་ཁོང་ལ་བཅོས་མིན་དད་པ་ཐོབ་པའི་སེར་ཤུལ་རིན་ཆེན་དོན་གྲུབ་ཀྱིས་གུས་པས་ཕུལ། རྩོམ་ཡིག་འདི་ནི་༢༠༡༡ལོར་བྲིས་ཏེ་དྲ་ཐོག་ཏུ་སྤེལ་མྱོང་ཞིང་རེ་སྐུལ་འདིིའི་ཤུགས་རྐྱེན་ནམ་གང་ལྟར་གཞུང་དང་གཞུང་འབྲེལ་མིན་པ་འགའ་ཞིག་གིས་ད་ལོ་ཡོངས་གྲགས་ཐོག་སྟོན་པའི་འཁྲུངས་སྐར་སྲུང་བརྩི་ཐོག་མ་དེ་གནང་སོང་བས་དགའ་སྣང་ཡི་རང་དང་བཅས་སླར་ཡང་རེ་སྐུལ་འདི་སྤེལ་བ་ཡིན། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།
གླུ་མ་རིག་འཛིན་སྒྲོལ་མ་དང་བོད་ཡིག་འཛིན་གྲྭ།
རླབས། [youtube https://www.youtube.com/watch?v=_b40XQ0H6Wc] གླུ་མ་རིག་འཛིན་སྒྲོལ་མར་མཚོ་སྔོན་བརྙན་འཕྲིན་ཁང་གིས་བཅར་འདྲི་བྱས་པ། ཉེ་བའི་ལོ་ཤས་ནས་བཟུང་བོད་ཕྱི་ནང་གཉིས་སུ་བོད་ཀྱི་སྐད་ཡིག་སྲུང་སྐྱོབ་སྤེལ་གསུམ་སྐོར་ལ་ལྷག་བསམ་རྣམ་དག་གིས་ལེགས་སྐྱེས་ཕུལ་དང་འབུལ་བཞིན་པའི་བོད་རིགས་གང་མང་ཞིག སྤྱི་ཚོགས་ཀྱི་ལས་རིགས་ཁག་འདྲ་མིན་གྱི་ཁྲོད་ནས་མཐོང་ཐུབ་པ་ལས་བོད་ཀྱི་གླུ་མ་རིག་འཛིན་སྒྲོལ་མ་ནི་དཔེར་མཚོན་ལེགས་ཤོས་གཅིག་རེད། དཔའ་རིས་བལ་བཟའ་བཀྲ་ཤིས་དཔལ་ཡོན་སྡེ་བའི་གྲོང་གསེབ་ཁྱིམ་ཚང་དཀྱུས་མ་ཞིག་ནས་འཚར་ལོངས་བྱུང་བའི་གླུ་མ་འདིས་ཉེ་བའི་ལོ་ངོ་གཉིས་གསུམ་གྱི་ནང་དུ་དཔའ་རིས་ས་ཆའི་གྲོང་གསེབ་ཁག་ཏུ་བོད་ཀྱི་སྐད་ཡིག་གི་ཚེ་སྲོག་གསར་དུ་སྐྲུན་བཞིན་འདུག བོད་ལྗོངས་དྲ་བའི་ཕུལ་བྱུང་མི་སྣ་ངོ་སྤྲོད་ཀྱི་ཚན་པར་བཀོད་དོན “ ཆེས་སྤྱིར་བཏང་གི་གྲོང་གསེབ་ཁྱིམ་ཚང་དཀྱུས་མ་ཞིག་ནས་འཚར་ལོངས་བྱུང་བའི་གླུ་མ་རིག་འཛིན་སྒྲོལ་མ་ནི་ཐ་ན་སློབ་གྲྭའི་སྒོ་ཐེམ་ཡང་བརྒལ་མ་མྱོང་བའི་བོད་རིགས་བུད་མེད་དཀྱུས་མ་ཞིག་ཡིན་ནའང་། ཁོ་མོའི་ཆོད་སེམས་དང་ཧུར་བརྩོན་ཆེན་པའི་བརྒྱུད་རིམ་ཁྲོད་དུ་དེ་རིང་གི་གླུ་མ་རིག་འཛིན་སྒྲོལ་མ་ནི་མདོ་དབུས་ཁམས་གསུམ་ན་མིང་དུ་གྲགས་པའི་ཆེད་ལས་ན་གཞོན་གླུ་མ་ཞིག་ཏུ་གྱུར་ཡོད།”ཅེས་གདེངས་འཇོག་ཆེན་པོ་གནང་འདུག འོན་ཀྱང་། རིག་འཛིན་སྒྲོལ་མ་ནི་རང་ཉིད་གཅིག་བུའི་སྙན་གྲགས་དང་ཁེ་ཕན་ཙམ་གྱིས་བློ་ཡིད་ཚིམས་ནས་སྡོད་མཁན་གྱི་གྲས་དེ་གཏན་ནས་མ་ཡིན། ཁོ་མོའི་མི་ཚེའི་ནང་གི་ཆེས་གལ་ཆེ་བའི་རྨི་ལམ་གཅིག་ནི་བོད་སྐད་བོད་ཡིག་གི་ཁོར་ཡུག་ཡོངས་སུ་བརླགས་ཟིན་པའི་རང་ཉིད་ཀྱི་ཕ་ཡུལ་དཔའ་རིས་ས་ཕྱོགས་ཁྱོན་ཡོངས་སུ་བོད་རང་གི་སྐད་དང་ཡི་གེ་བཀོལ་སྤྱོད་སྤེལ་གསུམ་བཅས་བྱེད་ཐུབ་མི་རབས་གསར་བ་ཞིག་བསྐྱེད་བསྲིང་བྱེད་རྒྱུ་དེ་ནི་ཁོ་མོའི་མི་ཚེའི་ནང་གི་ཕུགས་རེ་དང་བོར་གྱུར། དཀའ་ངལ་ཆེ་བའི་གྲོང་གསེབ་བུ་མོ་ཞིག་གི་ལས་ཀ་ཡོད་ཚད་ཕྲག་ཏུ་བླངས་ཤིང་བོད་ཡིག་དང་བོད་གླུ་འདྲ་མིན་ཞོར་དུ་སྦྱངས་བ་བྱས་ནས་ནར་སོན་པའི་གླུ་མ་རིག་འཛིན་སྒྲོལ་མར་ཁོ་མོ་རང་ཉིད་ཀྱི་གླུ་དབྱངས་སྒྱུ་རྩལ་གྱི་ཁྱད་ཆོས་ཡོད་པར་གྱུར། གསར་འགོད་པ་དང་རྩོམ་བྲིས་མཁན་ཨ་རིག་འགྱུར་མེད་ཀྱིས་རྩོམ་ཡིག་ཏུ་བཀོད་དོན “ཁོ་མོས་ད་བར་གྱེར་བའི་གླུ་གཞས་དག་ནི་བོད་སྐད་རང་སྟེང་དང་ཀ་མེད་སུམ་ཅུས་དམ་དུ་སྤྲེལ་བའི་གླུ་གཞས་ཁག་ཅིག་ལས། དབྱིན་རྒྱ་སོག་གསུམ་གྱི་གླུ་གཞས་རིགས་མིན་པ་དེ་རེད། ངས་ཁོ་མོའི་རྒྱ་སྐད་རྒྱ་ཡིག་གི་ཤེས་ཚད་དང་དབྱིན་སྐད་དབྱིན་ཡིག་གི་ཤེས་ཚད། དེ་མིན་སྐད་རིགས་གཞན་གྱི་ཤེས་ཚད་ཅི་ཡོད་མི་ཤེས་ནའང་། ཨ་གསར་ལ་དགའ་ཞིང་དེང་རབས་ཅན་ཟེར་མཁན་གྱི་གཡམ་རྒྱུག་ལ་དགའ་བའི་དེང་རབས་ཀྱི་གླུ་པ་གླུ་མ་ཚོ་ལྟར། ཁོ་མོ་ལྟ་བུའི་ན་ཆུང་ལོ་གཞོན་ཞིག་གིས་རང་ཉིད་ཀྱི་དགའ་ཕྱོགས་ལྟར་རྒྱ་གཞས་རེ་འགའ་སྦྱང་ན་མ་ཡོང་བ་ཡོད་རྒྱུ་མ་རེད་སྙམ།” ཞེས་དཔྱད་པ་ཁ་གསལ་གསལ་བོར་བཀོད་འདུག རང་ཉིད་ལ་མཚོན་ན་གླུ་མ་རིག་འཛིན་སྒྲོལ་མའི་སྙན་ཞིང་འཇེབས་པའི་སྐད་ངག་སྙན་མོ་དེ་ལོངས་སུ་སྤྱོད་བཞིན་ཁོ་མོའི་གངས་རི་ལྟར་དཀར་བའི་ལྷག་བསམ་ལ་ཡི་རངས་དང་རི་བོ་བཞིན་བརྟན་པའི་སེམས་ཤུགས་ལ་སློབ་སྦྱོང་བྱེད་མཁན་ཞིག་ཡིན། ཨ་རིག་འགྱུར་མེད་ཀྱིས་སླར་ཡང་བསྐྱར་བཤད་རྒྱུར་ “དེ་བཞིན་ཁོ་མོས་ད་བར་བླངས་པའི་གླུ་གཞས་ཁག་གི་རོལ་མོའི་རམ་འདེགས་ལ་རྒྱ་གདངས་ཀྱིས་ཤན་ཤུགས་ཐེབས་པ་མེད་ལ། གཞས་ཀྱི་བར་དུ་རྒྱ་སྐད་ཚིག་ལྡོག་འགས་མཛེས་སྤྲོས་བྱེད་པ་ལྟ་བུའི་རིགས་ཀྱང་གཏན་ནས་མེད་པ་བཅས་ཀྱིས་ང་ཁོ་མོའི་ཐུན་མིན་གྱི་ཁྱད་འཕགས་དང་ཕྱི་ནང་གསང་གསུམ་གྱི་མཛེས་སྡུག་འདི་དག་ལ་ཡི་རངས་ཤིང་། དགའ་བ་འཕེལ་སོང་།”ཟེར། གླུ་མ་རིག་འཛིན་སྒྲོལ་མས་ཁྱོན་དཔའ་རིས་ས་ཁུལ་གྱི་གྲོང་གསེབ་བཅུ་གཉིས་ལྷག་ནས་ཁྱོན་བོད་རིགས་བྱིས་པ་དྲུག་བརྒྱ་མ་ཟིན་ཙམ་ལ་ལོ་རེའི་དགུན་གནང་གི་དུས་ཚོད་བེད་སྤྱད་ནས་བོད་ཡིག་འཛིན་གྲྭ་སྒྲུབ་བཞིན་ཡོད་འདུག སྙུ་གུ་དང་འབྲི་དེབ་ཀློག་དེབ་ཚང་མ་རིག་འཛིན་སྒྲོལ་མ་རང་ཉིད་ཀྱིས་མཐུན་རྐྱེན་སྦྱོར་བཞིན་ཡོད་འདུག འཛིན་ཁང་གི་ཕྱོགས་ནས་གཞུང་གི་སློབ་ཁང་དང་ཁྱིམ་ཚང་གི་སྦྲ་གུར་སྡོད་ཁང་སོགས་ས་གནས་སོ་སོའི་གནས་བབ་ལ་དཔག་པའི་གྲ་སྒྲིག་བྱེད་བཞིན་ཡོད་འདུག འདིར་སྐབས་སུ་བབ་པའི་བརྗོད་བྱ་གཙོ་བོ་ནི་ཉེ་ཆར་གླུ་མ་རིག་འཛིན་སྒྲོལ་མ་ཁོང་ཨ་རིར་ཕེབས་ནས་ཁོང་མོའི་ཕ་ཡུལ་གྱི་བྱིས་པ་བརྒྱ་ཕྲག་དུ་མའི་ཆེད་དུ་གླུ་གཞས་འདུ་འཛོམས་གོ་སྒྲིག་བྱེད་བཞིན་ཡོད་འདུག གལ་སྲིད་སྐུ་ཉིད་ཨ་ཪིར་བཞུགས་མཁན་ཞིག་ཡིན་ཚེ་ངེས་པར་དུ་ཁོང་མོའི་རླབས་ཆེན་གྱི་བྱ་བཞག་འདི་ལ་རྒྱབ་སྐྱོར་མཚོན་ཆེད་དུ་ཞལ་འདེབས་རེ་འབུལ་རོགས་གནང་ཞུ་རྒྱུ་ཡིན། དེ་མིན་གཞན་ཡུ་རོབ་སོགས་ས་ཁུལ་འདྲ་མིན་ནས་ལས་གཞི་འདིའི་ཆ་ཤས་རེ་ལེན་ཐུབ་ན་ལེགས། སྤྱི་ཟླ་དྲུག་པའི་ཚེས་བཅུ་དྲུག་ཉིན་ནེའུ་ཡོག་ཏུ་ཁོ་མོའི་དགོངས་ཚོགས་ཡོད་པས་དུས་ལྟར་ཕེབས་པར་དགའ་བསུ་ཞུ། དབྱིན་ཡིག་ཐོག་ཏུ་བཀོད་པའི་ཁོ་མོའི་གནས་ཚུལ་ལ་འདི་ནས་གཟིགས་པར་འཚལ། http://www.facebook.com/events/462476780434531/permalink/462869127061963/ གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།
ཟུར་སྣོན་ནི། དྲ་འབུ་ཡོང་སའི་སྒོ་མོ་དེ་ཡིན།
འཇིགས་མེད་ནུབ་པ། དྲ་རྒྱའི་མཐུན་རྐྱེན་ཇེ་ཡག་ཏུ་ཕྱིན་པ་དང་མཉམ་དུ་། མི་རྣམས་ཀྱིས་གློག་འཕྲིན་བརྒྱུད་ཉིན་རེའི་ལས་དོན་མང་པོ་སྒྲུབ་བཞིན་ཡོད་། ད་དུང་། མི་རྣམས་ཀྱིས་གློག་འཕྲིན་བརྒྱུད་གཞན་ལ་འཕྲིན་ཡིག་གཏོང་བ་ཙམ་མ་ཡིན་པར་། འདྲ་པར་དང་ཡིག་ཆ་འདྲ་མིན་སོགས་ཟུར་སྣོན་ (Attachment) བྱས་ནས་ཀྱང་བསྐུར་བཞིན་ཡོད་། འོན་ཀྱང་། གློག་འཕྲིན་བེད་སྤྱོད་གཏོང་མཁན་མང་པོའི་བསམ་པར་། ཟུར་སྣོན་ནི་ཡིག་ཆ་དང་འདྲ་པར་སོགས་བསྐུར་བྱེད་ཀྱི་སྟབས་བདེའི་ཡོ་བྱད་ཅིག་མ་གཏོགས། དེས་སོ་སོའི་གློག་ཀླད་དང་གློག་འཕྲིན་ནང་དུ་དྲ་འབུ་འཁྱེར་ནས་ཡོང་གི་ཡོད་པའི་དོགས་པ་བྱེད་ཀྱི་མེད་ལ། དེའི་སྐོར་གྱི་ཤེས་བྱ་ཡོད་མཁན་ཡང་ཧ་ཅང་ཉུང་ཉུང་ཡིན། ལྷག་པར་དུ་། ཟུར་སྣོན་གྱི་སྐོར་ལ་ཤེས་བྱ་ཉུང་བའི་དབང་གིས། མི་མང་པོའི་གློག་ཀླད་ལ་དྲ་འབུའི་འཇབ་རྒོལ་ཐེབས་ཀྱི་ཡོད་། དོན་དངོས་སུ། ཟུར་སྣོན་བེད་སྤྱོད་གཏོང་བ་ནི། དྲ་འབུ་ཡོང་སའི་སྒོ་ཕྱེས་བ་དང་གཅིག་མཚུངས་ཡིན། ཁྱེད་ལ་སླེབས་པའི་ཟུར་སྣོན་ཅན་གྱི་གློག་འཕྲིན་མང་པོའི་ནང་དུ་དྲ་འབུ་སྐུང་ནས་ཡོད་། དྲ་འབུ་ཁ་ཤས་ནི་མངོན་གསལ་ཅན་དང་ཁ་ཤས་ནི་ལྐོག་ཏུ་ཡིབ་ནས་ཡོད་། གལ་སྲིད་ཁྱེད་ནས་ཟུར་སྣོན་དེའི་རིགས་ཁ་ཕྱེས་བ་ཡིན་ན། སྐད་ཅིག་མ་དེར་དྲ་འབུ་རྣམས་ནད་ཡམས་བཞིན་ཁྱེད་ཀྱི་གློག་ཀླད་ཀྱི་གང་སར་ཁྱབ་པ་མ་ཟད་། དྲ་འབུ་དེ་དག་གིས། ༡ ཁྱེད་ཀྱི་ཡིག་ཆ་དང་སྒེར་གྱི་གནས་ཚུལ་དེ་ཚོ་བརྐུ་གི་རེད་། ༢ ཁྱེད་ཀྱི་གློག་ཀླད་ཀྱི་པར་ཆས་བརྐུས་ནས་ཁྱེད་ལ་ལྐོག་ལྟ་བྱེད་གི་རེད་། ༣ ཁྱེད་ཀྱི་གློག་ཀླད་སྟེང་གི་སྐུད་མེད་ཁ་པར་བརྐུས་ནས་ཁྱེད་ལ་ལྐོག་ཉན་བྱེད་གི་རེད་། ༤ ཁྱེད་ཀྱི་གནས་ཚུལ་བརྐུ་བ་ཙམ་མ་ཡིན་པར་། ཁྱེད་ཀྱི་ངོ་ཤེས་གྲོགས་པོ་དང་ཁྱེད་དང་མཉམ་དུ་གླེང་མོལ་བྱེད་མཁན་དག་གི་གནས་ཚུལ་ཡང་བརྐུ་གི་རེད་། བྱ་སྤྱོད་འདིས་མི་མང་པོའི་བདེ་འཇགས་ལ་དོ་ཕོག་རྒྱ་ཆེར་གཏོང་གི་ཡོད་། འོ་ན། ཟུར་སྣོན་ཡོད་པའི་གློག་འཕྲིན་རིགས་ཚང་མའི་ནང་དུ་དྲ་འབུ་ཡོད་དམ་ཟེར་ན། བརྒྱ་ཆ་དགུ་བཅུའི་ནང་དུ་ཡོད་ཟེར་རྒྱུ་ཡིན། དྲ་འབུ་ཡོད་ཟེར་བའི་གོ་དོན་ནི། ཁྱེད་ཀྱི་གློག་ཀླད་ལ་གཏོར་སྐྱོན་ཆེན་པོ་ཞིག་མ་ཐེབས་ན་དྲ་འབུ་མི་འདུག་སྙམ་པའི་གོ་དོན་དེ་མིན། དཔེར་ན། གོང་དུ་གླེང་བ་བཞིན། གློག་ཀླད་སྟེང་གི་སྐུད་མེད་ཁ་པར་བརྐུས་ནས་ཁྱེད་ལ་ལྐོག་ཉན་བྱེད་པའི་དྲ་འབུའི་རིགས་ནི་མངོན་གསལ་ཅན་མིན། དེར་བརྟེན། དྲ་འབུ་མ་ཡོང་བའི་ལམ་ཁ་ཞིག་བསྟེན་རྒྱུ་ནི་ཕུགས་རྒྱང་རིང་པོའི་བདེ་འཇགས་ལ་འབྲེལ་བ་ཡོད་། བདེ་འཇགས་དེ་ཡོང་བ་ལ་ཟུར་སྣོན་བེད་སྤྱོད་གཏོང་རྒྱུ་མཚམས་འཇོག་པའམ་ཟུར་སྣོན་ལས་ལོགས་སུ་ཐོན་རྒྱུ་ནི་གདམ་ཁ་ཡག་ཤོས་དེ་ཡིན། འདི་ལྟར་བརྗོད་ན། མི་མང་པོའི་སེམས་སུ་ཟུར་སྣོན་མེད་པའི་སེམས་ཁྲལ་དེ་ཡོང་སྲིད་། འོན་ཀྱང་། དེ་སེམས་ཁྲལ་མེད་པའི་སེམས་ཁྲལ་ཞིག་ཡིན། ཁྱེད་ཀྱིས་ཟུར་སྣོན་བེད་སྤྱོད་གཏོང་རྒྱུ་མཚམས་བཞག་རུང་། ཁྱེད་ཀྱིས་ཡིག་ཆ་དང་འདྲ་པར་སོགས་ལས་སླ་བོའི་སྒོ་ནས་བསྐུར་ཐུབ་པའི་དྲ་ཐོག་ཡོ་ཆས་གཞན་པ་ཡོད་པ་མ་ཟད་། དེ་དག་ལ་དྲ་འབུའི་དཀའ་ངལ་མེད་། དཔེར་ན། GoogleDocs དང་ Dropbox གཞན་།…