སྐྱ་རེངས་ན་གཞོན་རྩོམ་རིག་དྲ་བ།

ཁ་སང་ཟླ་བ་༤ ཚེས་ ༢༥ ཉིན་མེ་སོར་གཡས་གཡོན་དུ་ཡོད་པའི་བོད་མི་གཞིས་གྲོང་རྣམས་ཀྱིས། མེ་སོར་རྒྱལ་ཁང་མདུན་ཐང་དུ་པཎ་ཆེན་སྐུ་ཕྲེང་༡༡ རྗེ་བཙུན་བསྟན་འཛིན་དགེ་འདུན་མཆོག་རྒྱ་ནག་གིས་གློད་གྲོལ་དགོས་པའི་ངོ་རྒོལ་སྐད་འབོད་བྱས་འདུག གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

ཉམས་ཞིབ་པ་མང་པོས་ཚོར་བ་རྣོ་པོའི་ངང་གཟའ་སྐར་ཕུར་བུའི་Jupiterཟླ་བ་དག་ལ་བརྟག་དཔྱད་ཀྱི་བསམ་བློ་གཏོང་བཞིན་ཡོད། ཟླ་བ་དེ་དག་ནི་ང་ཚོའི་ཉི་མའི་ཁྱིམ་བརྒྱུད་ཀྱི་ཕྱི་རོལ་དུ་སྲོག་ཆགས་འཚོ་གནས་ཡོད་པའི་གླིང་ཕྲན་ཡོད་པར་སྒྲུབ་པའི་དཔེ་མཚོན་དུ་འགྱུར་སྲིད་པ་ཡིན། གཟའ་སྐར་ཕུར་བུར་འཁོར་བའི་ཟླ་བ་གསུམ་ཡོད་པ་ནི་་ཡུ་རོ་པ། Europa ཀལ་ལིསེ་ཊོན། Calliston གྷ་ནི་མེ་ཌེ། Ganymede བཅས་ཡིན། ཟླ་བ་དེ་དག་གི་ཕྱི་རོལ་དུ་འཁྱགས་རོམ་གྱི་ཤུན་པས་འཁྲིགས་ནས་ཡོད་ལ། ཤུན་པ་དེ་དག་གི་འོག་ཏུ་གཤེར་གཟུགས་ཅན་གྱི་རྒྱ་མཚོ་ཡོད་པར་ཡིད་ཆེས་བྱེད་ཀྱི་ཡོད། དེ་ལྟར་ན་རྒྱང་རིང་ནས་ཉི་འོད་སྲབ་མོ་དེ་འཁྱགས་རོམ་གྱི་ཁ་ངོས་སུ་ཕོག་པ་ལས་སྐྱེ་ལྡན་གྱི་རྫས་སྦྱོར་དང་ནུས་པ་དེ་འདྲའི་འབྱུང་ཁུངས་དག་གྲུབ་སྲིད་པ་ཡིན། ཆ་རྐྱེན་དེ་དག་ནི་ཐག་རིང་གི་གླིང་ཕྲན་ཞིག་ཏུ་སྲོག་ཆགས་གྲུབ་པ་ལ་མེད་དུ་མི་རུང་བར་སྙམ། ཉེ་ཆར་་རྒྱུ་སྐར་ཚན་རིག་པ་ཨ་ཐེ་ནས་Athena པེ་རི་སིའི་དཔྱད་ཞིབ་ཁང་ཞིག་དུ་འདི་ལྟར་བརྗོད་འདུག “ང་ཚོས་སྐབས་ཤིག་རིང་དེ་དག་འཁྱམས་རོམ་གྱི་གཤིན་པོ་ཞིག་ཏུ་བསམས་མྱོང་ཀྱང་། ད་ལྟའི་ཆར་ས་གཤིས་རིག་པའི་འཁོ་ཆས་ཀྱི་དངོས་པོ་བསམ་ཡུལ་ལས་འདས་པ་མང་པོ་གསར་གཏོད་ཐུབ་ཡོད་པར་སོང་། ཉེ་ཆར་ཇུ་སི་JUICEཞེས་པའི་ལས་འགུལ་ཞིག་གི་གྲོས་ཆོད་བྱུང་ཡོད། འདི་ནི་མཁའ་དབྱིངས་འཕུར་གྲུ་བརྟེན་ནས་འཁྱགས་རོམ་གྱི་གཟུགས་སུ་གྲུབ་པའི་ཟླ་བ་གསུམ་པོ་དེའི་གནས་སྟངས་ཇི་ལྟར་ཡོད་པར་བརྟག་དཔྱད་བྱ་རྒྱུ་ཡིན་ཟེར།” ཡང་ཇུ་སི་ཉམས་ཞིབ་ཚོགས་མི་ཨོལ་གྷ་Olgaཡིས་ “ཡུ་རོ་པ་ཡིས་འཛམ་གླིང་ཕྱི་རོལ་དུ་སྲོག་ཆགས་འཚོ་གནས་ཐུབ་པའི་རྣམ་པ་ཞིག་སྟོན་བཞིན་ཡོད། གང་ཡིན་ཟེར་ན། ཡུ་རོ་པའི་ནང་སྦས་ནས་ཡོད་པའི་རྒྱ་མཚོ་དེ་ཐད་ཀར་ཟླ་བ་དེའི་ས་སྙིང་གི་ཕྱི་ཤུན་མེ་རྡོ་སྟེ། ཚྭ་དང་འབྱུང་བ་གཞན་དག་གི་འབྱུང་ཁུངས་དེ་དང་འབྲེལ་ཡོད་པར་ཡིད་ཆེས་བྱེད་ཀྱི་ཡོད།” ཟེར་འདུག གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

ཉེ་ཆར་སྦེཀ་སེ་ཊར་Baxter་ཟེར་བའི་བཟའ་མི་ཁྱོ་ཤུག་གཅིག་ལ་ཨ་ལ་ས་ཀའི་Alaska་མི་ཌེལ་ཊོན་Middletonཟེར་བའི་མཚོ་གླིང་གི་རྒྱ་མཚོའི་ངོགས་རྐང་སྤོལ་ཞིག་རྙེད་ཡོད། སྦེཀ་སེ་ཊར་གྱི་བཟའ་ཟླ་དེ་ཉི་ཧོང་གི་བུ་མོ་ཡིན་པས། མོའི་རྐང་སྤོལ་སྟེང་གི་སློབ་གྲྭའི་མིང་སོགས་དང་བཀྲ་ཤིས་བདེ་ལེགས་འཁོད་པའི་ཉི་ཧོང་གི་ཡི་གེ་དེ་དག་བཀླགས་རྗེས་རྐང་སྤོལ་དེ་ཉི་ཧོང་ནས་མཚོས་དེད་ནས་ཡོང་བ་ཤེས་རྟོགས་བྱུང་། དེ་ཡང་ན་ནིང་ཟླ་བ་གསུམ་པའི་ནང་ཉི་ཧོང་དུ་ཚབས་ཆེའི་མཚོ་ཡོམ་(མཚོ་ན་མིད་)རྒྱབ་པའི་དུས་་མུ་ར་ཀ་མི་murakamiཟེར་བའི་བུ་ཞིག་གི་རང་ཁྱིམ་མཚོས་དེད་པའི་སྐབས་སུ་འཁྱེར་བ་ཡིན་འདུག བུ་དེས་ཉི་ཧོང་གི་གསར་འགོད་པར་རྐང་སྤོལ་དེ་གཏན་གཏན་ཁོ་རང་གི་རེད་འདུག་པ་དང་། རྐང་སྤོལ་འདི་ནི་༢༠༠༥ ལོར་རང་གི་གྲོགས་པོ་ཞིག་གིས་སྤྲད་ཚུལ་བརྗོད་འདུག གོང་གསལ་གནས་ཚུལ་དེ་དང་མཐུན་པ་སྔོན་བོད་ཁ་བའི་ལྗོངས་སུ་ཡང་བྱུང་འདུག་པ་བགྲེས་པ་ཚོ་ལས་བདག་གིས་ཐོས་གསལ་ལ། སྔོན་མ་ཀོང་པོ་བྲག་གསུམ་གྱི་མཚོའི་ནང་ནས་གཡག་འཁེལ་དང་སྦྲགས་མ་ཞིག་རྙེད་འདུག་ཅིང་། དེ་དུས་ལུང་པ་གཡས་གཡོན་གྱི་མི་ཚོར་གཡག་དང་འཁེལ་དེ་དག་སུའི་ཡིན་སྐད་ཆ་མང་པོ་དྲིས་ཀྱང་བདག་པོ་མ་བྱུང་སྟབས། གཡག་དེའི་སྲོབ་བཟོས་ནས་དེའི་སྟེང་འཁེལ་དང་བཅས་པ་བསྐྱལ་ནས་དགོན་པའི་སྒོ་ཁར་བཞག་པས། ཉིན་ཅིག་དེར་བྱང་གི་ཨ་ཕོ་ཧོར་ཞིག་མཆོད་མཇལ་ལ་སླེབས་སྐབས་གཡག་དང་འཁེལ་ཚང་མ་ངོ་ཤེས་འདུག དེ་ཡང་སྔོན་མ་ཞིག་ཨ་ཕོ་དེའི་བྱང་དུ་ཚྭ་ལེན་པར་བསྐྱོད་སྐབས་འཁེལ་དང་བཅས་པའི་གཡག་དེ་ནི་བྱང་གནམ་མཚོའི་ནང་ཤོར་བ་ཡིན་པ་བརྗོད་འདུག གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

སྦི་ཨེསེ་ཨེན་ཨེལ། (BSNL) ༈ ཁ་པར་ནང་དངུལ་ཇི་ཡོད་བརྟག་ཆེད། *123# ཡང་ན། *112# ཝོ་ཌ་ཕོན། Vodafone ༈ དངུལ་ཇི་ཡོད་བརྟག་ཆེད། *141#༈ དྲ་རྒྱའི་དངུལ་ཇི་ཡོད་བརྟག་ཆེད། རིམ་བཞིན་འདི་ལྟར། *111# དེ་ནས་ 6 འདེམས། དེ་ནས་ 2 འདེམས།༈ རང་སྒེར་དངུལ་བླུགས་ན། (དཔེར་ན་ཟླ་བ་གཅིག་གི་དྲ་རྒྱའི་ཆེད་སྒོར་༩༥ བླུགས་ན།) *444*95# (དེ་བཞིན་བོད་ལ་ཁ་པར་གཏོང་ཡག་སོགས་ལ་འགྲེལ།)༈ ཁ་པར་གཞན་ལ་དངུལ་གཏོང་ཚུལ། *131*(དངུལ་གྲངས)*(གཏོང་ཡུལ་ཁ་པར་ཨང)#༈ གཏོང་གླ་སྒོར། ༣༈ མང་ཉུང་། སྒོར་༥ ནས་༣༠ ནང་། ཨི་ཡར་ཊེལ། (Airtel) ༈ དངུལ་ཇི་ཡོད་བརྟག་ཆེད། *123#༈ དྲ་རྒྱ་འདྲེན་བྱེད་ཉོ་ས། *567#༈ དྲ་རྒྱའི་དངུལ་བརྟག་ཆེད། *123*7#༈ ཁ་པར་གཞན་ལ་དངུལ་གཏོང་ཚུལ། *141#༈ གཏོང་གླ་སྒོར། ༣༈ མང་ཉུང་། སྒོར་༥ ནས་༣༠ ནང་། ཨི་ཡར་སེལ། Aircel༈ དངུལ་ཇི་ཡོད་བརྟག་ཆེད། *125#༈…

ཀུན་ཏུ། བདག་སྔོན་ཆད་སློབ་ཆུང་དུ་ཡོད་སྐབས་ནམ་རྒྱུན་བདག་གི་རིག་གནས་དགེ་རྒན་དམ་པ་དེས་གཟའ་སྤེན་པ་ནམ་ཡིན་ལ་སློབ་ཕྲུག་ཚོ་ཁོང་གི་སྡོད་ཤག་ཏུ་བོས་ནས་གློག་བརྙན་འདྲ་མིན་སྟོན་བཞིན་ཡོད། འོན་ཀྱང་། དངོས་གཞིའི་གློག་བརྙན་འགོ་འཛུགས་མ་བྱས་གོང་ཁོང་གིས་རྟག་པར་ཀུན་གཟིགས་༧ པཎ་ཆེན་རིན་པོ་ཆེའི་གསུང་བཤད་དམ་ཡང་ན་པཎ་ཆེན་རིན་པོ་ཆེ་ཁོང་བོད་ཁུལ་གྱི་ས་ཆ་འདྲ་མིན་དུ་མཚམས་གཟིགས་སུ་ཕེབས་པའི་གློག་བརྙན་ཐུང་ངུ་རེ་ངེས་པར་དུ་སྟོན་བཞིན་ཡོད། སྐབས་དེར་ཁོང་གིས་མཆོད་གཤོམས་ཐོག་གི་པཎ་ཆེན་པོ་ཆེའི་སྐུ་པར་དེ་ང་ཚོར་སྟོན་ཞོར་ཞལ་རས་ལ་སྐྱོ་ཉམས་ཤིག་འཁོར་བཞིན“ཕྱི་ལོ་ ༡༩༨༩ ཟླ་ ༡ ཚེས་ ༢༨ ཉིན་མོར་ང་ཚོའི་མགོ་ཐོག་གི་ཉིན་མ་གཅིག་བཞུད་ཟིན་པ་རེད།” ཅེས་གསུངས་བཞིན་ཡོད། དེ་ལྟར་དགེ་རྒན་དམ་པ་ཁོང་གི་མདུན་ནས་རིམ་བཞིན་ང་ཚོས་པཎ་ཆེན་རིན་པོ་ཆེའི་མཛད་རྣམ་དང་གསུང་བཤད་སོགས་གནས་ཚུལ་མང་བོ་ཞིག་གོ་ཐོས་དང་རྒྱུས་ལོན་བྱུང་། དེར་བརྟེན། བདག་སློབ་འབྲིང་ལོ་རིམ་གཉིས་བར་ཡོད་སྐབས་ང་ཚོ་སློབ་ཕྲུག་འགས་མཉམ་དུ་ “པཎ་ཆེན་བདུན་ཕྲག” ཅེས་ཟླ་རེའི་ཚེས་༢༨ ཁེལ་བའི་བདུན་ཕྲག་དེར། སློབ་མ་ཚོས་བོད་རང་གི་རིག་གནས་དང་འབྲེལ་བའི་བྱེད་སྒོ་ཁག་འདྲ་མིན་དང་དེ་བཞིན་པཎ་ཆེན་རིན་པོ་ཆེ་དང་འབྲེལ་བའི་རྩོམ་ཡིག་འགྲན་བསྡུར་སོགས་དུས་དྲན་སྲུང་བརྩི་ཆད་མེད་བྱེད་བཞིན་ཡོད། ཉིན་ཞིག་ང་ཚོའི་འཛིན་རིམ་གོང་མའི་སློབ་ཕྲུག་འགས་པཎ་ཆེན་པོ་ཆེ་མཆོག་གིས་ “བོད་ནང་དུ་ཡོང་བའི་རྒྱ་རིགས་ལས་བྱེད་དག་གིས་ངེས་པར་དུ་བོད་ཡིག་དང་བོད་སྐད་སྦྱོང་དགོས་” ཞེས་པའི་གསུང་བཤད་དེའི་ཚིག་རྩར་འཇུས་ནས་སློབ་གྲྭའི་རྒྱ་ཡིག་དགེ་རྒན་ཁ་ཤས་ལ་བོད་ཡིག་དང་བོད་སྐད་སྦྱོང་དགོས་པའི་བསམ་འཆར་ཡི་གེ་ཡང་ཕུལ་མྱོང་ཡོད། ༢༠༡༢ལོའི་ཟླ་༤ཚེས་༢༥་ཉིན་མོ་འདི་ནི་བོད་མི་རིགས་ཀྱི་ཆེད་དུ་ཡོད་ཚད་བློས་གཏོང་གནང་བའི་ཀུན་གཟིགས་༧ པཎ་ཆེན་ཨེར་ཏི་ནི་ཆོས་ཀྱི་རྒྱལ་མཚན་མཆོག་རྒྱ་དམར་གྱིས་གདུག་རྩུབ་འོག་སྐུ་བཀྲོངས་ནས་བགྲང་བྱ་ཧྲིལ་བོ་ཉེར་གསུམ་ཏག་ཏག་འགོར་བའི་རྗེས་དྲན་གྱི་ཉིན་པོ་ཡིན་པས། ང་ཚོ་རླབས་ཆེན་མི་རིགས་ཀྱི་དེད་དཔོན་དམ་པ་ཁོང་གི་རྗེས་དྲན་དུ་དམིགས་ནས་བདུན་ཕྲག་འདིའི་རིང་དུ། པཎ་ཆེན་སྐུ་གོང་མ་དང་ཁོང་གི་ཡང་སྲིད་དགེ་འདུན་ཆོས་ཀྱི་ཉི་མ་མཆོག་གཉིས་ཀྱི་སྐོར་ལ་དྲ་ཐོག་འདྲ་མིན་བརྒྱུད་བོད་རྒྱ་དབྱིན་གསུམ་གྱི་ལམ་ནས་བགྲོ་གླེང་དང་ཁོང་གི་གསུང་བཤད་ཁག་ལ་སློབ་སྦྱོང་སོགས་ཕྱོགས་ཡོངས་ནས་བོད་མི་རིགས་འདིའི་སྙིང་སྟོབས་ཀྱི་ཚབ་མཚོན་རླབས་ཆེན་བླ་མ་དམ་པ་དེས་ཐུགས་ཀྱི་མཆོད་སྤྲིན་དུ་འགྲོ་ཐུབ་པ་ཞིག་བྱེད་རོགས་ཞུ། ང་ཚོས་དྲ་རྒྱའི་བརྒྱུད་ལམ་འདི་བེད་སྤྱད་ནས་བོད་ཕྱི་ནང་གཉིས་དང་འཛམ་གླིང་གི་ས་ཁུལ་སོ་སོར་གནས་པའི་བོད་མི་ཡོངས་ཀྱིས་བདུན་ཕྲག་འདིའི་རིང་སོ་སོའི་གདོང་དེབ་(facebook)དང་བྱེའུ་སྐད(Twitter)། རྩོམ་ཁུག(Blog)སོགས་བརྒྱུད་ལམ་འདྲ་མིན་དུ་པཎ་རིན་པོ་ཆེ་དང་འབྲེལ་བའི་གནས་ཚུལ་དང་འདྲ་པར་སོགས་གང་མང་མང་སྤེལ་རོགས་ཞུ། ལོ་འདི་ནས་བཟུང་ང་ཚོས་མུ་མཐུད་ངོ་བ་དང་། རྣམ་པ། བྱེད་ཐབས་སོགས་འདྲ་མིན་གྱི་ལམ་ནས་ “པཎ་ཆེན་བདུན་ཕྲག་” བརྩི་སྲུང་བྱས་ནས་ཁོང་གི་བླ་ན་མེད་པའི་ལམ་སྟོན་དང་སྙིང་སྟོབས་སོགས་ལ་རྗེས་དྲན་དང་སློབ་སྦྱོང་བྱེད་དགོས།། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།