སྐྱ་རེངས་ན་གཞོན་རྩོམ་རིག་དྲ་བ།

འབྲུག་གི་རྒྱལ་པོ་འཇིགས་མེད་གེ་སར་རྣམ་རྒྱལ་དབང་ཕྱུག་འདི་ལོའི་སྤྱི་ཟླ་༡༠ ནང་ཁོང་གི་མ་འོངས་པའི་མདུན་མ་སློབ་ཕྲུག་རྗེ་བཙུན་པད་མ་ཟེར་བ་དང་ཆང་ས་རྒྱག་རྒྱུ་ཡིན་པའི་གནས་ཚུལ་འདོན་འདུག གནས་ཚུལ་ཡོངས་ཁུངས། འབྲུག་རྒྱང་གྲགས། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

སྨྱུག་རྒོད་གངས་བུ་དཔལ། ཉིན་ཞིག་བོད་པ་གནམ་གྲུ་ནང་འགྲུལ་བསྐྱོད་ཆེད་གནམ་ཐང་དུ་ཕྱིན་པ་རེད། འོན་ཀྱང་ལམ་བར་གྱི་འགྲུལ་བསྐྱོད་རླངས་འཁོར་ནང་ཁ་ཆེ་མི་ཞིག་དང་བསྡད་རོགས་འཁེལ་བ་རེད། འགྲུལ་འཁོར་འཐོན་པ་དང་བོད་པ་དེས་ལྟོ་ཕད་ནང་ནས་ལྕགས་ཊིན་ཞིག་བཏོན་ནས་ཁ་ཕྱེ་བས་འགྲུལ་འཁོར་ཆ་ཚང་བག་ཚ་མར་ཁུའི་དྲི་མས་བཀང། བསྡད་རོགས་ཁ་ཆེ་དེས་བག་ཚ་མར་ཁུ་ད་བར་ཟ་མྱོང་མེད་པར་སོང་མིག་གིས་བལྟ་ཙམ་བལྟ་ཙམ་བྱས་པས་བོད་པ་དེས་ལམ་སེང་ཁོ་ཟ་སྙིང་འདོད་པ་ཤེས་ནས། ཁའུ། ཁའུ་ཞེས་རྒྱ་གར་སྐད་དུ་ཟོ་ལབ་པས་ཁ་ཆེ་དེའི་ཏོག་ཙམ་ཟས་པས་ཞིམ་ཐག་ཆོད་ནས་ཆ་ཚང་ཟས་པ་རེད། དེ་ནས་ཁོང་ཚོ་གནམ་ཐང་དུ་འབྱོར་བ་དང་སྒོ་སྲུང་བས་ལག་འཁྱེར་སོགས་བརྟག་དཔྱད་བྱེད་པའི་སྐབས་ཁ་ཆེ་དེ་ཀླུ་བུར་དུ་རྒྱུགས་ཕྱིན་ནས་གནམ་ཐང་ནང་དུ་ཤོར། ཁོ་གནམ་ཐང་ནང་སླེབས་པ་དང་དུག་ལོག་བཤུད་ནས་ལུས་པོ་ཡོངས་རྫོགས་འབར་རྫས་ཀྱིས་དཀྲིས་པ་བཏོན་རྗེས། མིག་གཉིས་གནམ་ལ་བལྟས་ནས་ཨ་ལ་ཨག་པར་ཞེས་དཀོན་མཆོག་རྒྱལ་་ཟེར་གྲབས་བྱེད་སྐབས་ད་གིན་བག་ཚ་མར་ཁུ་ཟ་རྒྱུ་མང་དྲག་ནས་སྐད་རྒྱག་དགག་ཟིན་པས། ཁོ་སྐད་རྒྱག་མ་ཐུབ་པར་མིད་པ་བསངས་ཐབས་བྱས་ནས་འབར་རྫས་མ་བཀས་པར་ཏོག་ཙམ་ལུས་པས་ལམ་སང་ཉེན་རྟོག་པ་ཚོས་འཇུས་པ་རེད། དེ་ནས་བཟུང་དྲན་རྟེན་ཆེད་དུ་གནམ་ཐང་དེའི་མིང་བག་ཚ་མར་ཁུར་བསྒྱུར་བ་རེད། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

བསྟན་འཛིན་དཔལ་མཆོག ཨོཾ་སྭ་སྟི། ཐབས་ཤེས་ཟུང་འཇུག་ལམ་བཟང་གོམས་པས་སྙིགས་ལྔ་ཆེས་ཆེར་དར་ཚེ་ཡང་།། རིས་སུ་མ་མཆིས་ཐུབ་པའི་ལུགས་བཟང་འཇིག་རྟེན་སྐྱེ་དགུའི་གསོས་གྱུར་པ།།རྟེན་འབྲེལ་ཟབ་མོའི་ཚུལ་ལས་བརྩམས་ཏེ་རིས་མེད་འགྲོ་ལ་འདོམས་མཛད་པའི།།སྨྲ་བ་ཟླ་མེད་ཐུབ་དབང་གཉིས་པ་༧སྐྱབས་གཅིག་བསྟན་འཛིན་རྒྱ་མཚོར་འདུད།། བསྐལ་མང་སྔོན་ནས་ཐུགས་བསྐྱེད་བཟང་པོས་གངས་ལྗོངས་ཕྱག་མཚན་བཞེས་པ་ལྟར།།ཁ་བ་རི་པའི་བསོད་ནམས་གཏུགས་ཀྱང་ཐུགས་བརྩེའི་མདུད་རྒྱ་མ་ལྷོད་པར།།དུས་ཀྱི་གཉན་འཕྲང་ཡང་མཐའ་འདིར་ཡང་ཁ་བ་ཅན་པའི་མགོན་དཔུང་དུ།།བསམ་བཞིན་སྐུ་ཡི་ཟླ་ཞལ་གསར་པ་མདོ་སྨད་སྟག་འཚེར་ཡུལ་ནས་བཞད།། ན་ཚོད་ཤིན་ཏུ་ཕྲ་བ་ཉིད་ནས་སྔོན་གྱི་སྨོན་ལམ་བདེན་མཐུ་ཡིས།།དམག་ཟོར་རྒྱལ་མོའི་རྡོ་རྗེའི་ཕྱག་རྒྱས་དབུས་འགྱུར་ཆོས་ཀྱི་མདུན་ས་ཆེར།།བྱོན་པར་ཆས་ཚེ་གངས་ཅན་པ་རྣམས་བདག་ཅག་མགོན་དང་བཅས་སོ་ཞེས།། རིང་ནས་བརླག་པའི་རིན་ཆེན་རྙེད་ལྟར་དགའ་བའི་ཅ་ཅོས་ནམ་མཁའ་བཀང་།། མཉྫུ་གྷཱོ་ཥ་མི་ཡི་ཚུལ་བཟུང་ཡོངས་འཛིན་བཤེས་གཉེན་དུ་མ་ལས།།ཟབ་རྒྱས་ཆོས་ཀྱི་བགོ་སྐལ་སྤྱོད་ལ་ཉི་མས་གདུངས་པའི་གླང་ཆེན་བཞིན།།གཞོན་ནུ་ཉིད་ནས་ཐོས་བསམ་སྒོམ་པས་བློ་གྲོས་རྒན་པོའི་སྙེམས་པ་བཅོམ།།རིགས་པ་སྨྲ་བ་ཀུན་གྱི་མགོ་ལ་ལེགས་བཤད་གདོང་ལྔའི་སྦར་ཁྱིམ་བཀོད།། ཤར་ཕྱོགས་ཉི་མའི་ཚ་རླབས་འཕྱུར་བ་སྦར་མོས་འགེབས་པར་མ་ནུས་ཚེ།།གངས་ལྗོངས་ལྷ་མི་མགྲིན་དབྱངས་གཅིག་གིས་རེ་ས་ཁྱེད་ལས་མེད་དོ་ཞེས།།རྒྱལ་སྲིད་ཙབ་རལ་ཉམས་ལ་ཁད་པ་ཁྱེད་ཀྱི་ཕྱག་ཏུ་ནན་གྱིས་གཏད།།འོན་ཀྱང་མཛངས་འཕྲུལ་ཐབས་མཁས་རྒྱ་མཚོས་བོད་འབངས་བདེ་ཐབས་སྣ་མང་བརྩམས།། བསམ་སྦྱོར་ངན་པའི་ཀླ་ཀློའི་རང་གཟུགས་ཉིན་བཞིན་ཇེ་གསལ་གྱུར་པ་ན།།རྒྱལ་བསྟན་ཆབ་སྲིད་རྨང་ནས་གསོ་ཕྱིར་འཕགས་ཡུལ་ཆིབས་ཞལ་བསྒྱུར་མ་ཐག།རིང་ནས་དགོངས་པའི་མང་གཙོའི་བདག་དབང་དམངས་ལ་ལྟོས་མེད་བསྩལ་པའི་ཚེ།།ཀུན་གྱིས་མཐུན་པར་མནའ་གན་ཐུ་མོས་བཀའ་བཞིན་སྒྲུབ་པའི་དམ་བཅའ་ཕུལ།། བདེན་པ་བདེན་སར་འཁྱོལ་བར་བྱ་ཕྱིར་དེང་རབས་ཤེས་ཡོན་གལ་ཆེར་དགོངས།།མ་འོངས་སོན་རྩའི་བོད་ཕྲུག་རྣམས་ལ་དེང་རབས་ཤེས་བྱའི་ལྡེ་མིག་གཏད།།འཇིག་རྟེན་འདི་ན་གཅེས་ནོར་གཅིག་པུ་བོད་བརྒྱུད་ནང་བསྟན་འོད་པོ་ཆེ།།མི་ཉམས་འཕེལ་སླད་རིས་མེད་ཆོས་བརྒྱུད་སྲ་བརྟན་ཚུགས་པའི་རྨང་གཞི་གཏིང་།། བདེན་མཐའ་གསལ་བའི་རྨད་བྱུང་ཐབས་ལམ་འཚེ་མེད་ཞི་བའི་རྩ་བ་ཅན།།རྒྱལ་ཕམ་མེད་པར་ཀུན་ལ་འཚམས་པའི་གཉིས་སྨན་དབུ་མའི་ལམ་པོ་ཆེ།།རིང་མོ་ཞིག་ནས་ཐུགས་ལ་དགོངས་བཞིན་དམར་པོའི་ཕྱོགས་སུ་བསྒྲགས་པ་ན།།བདེན་མཐའི་སྐྱ་རེངས་ཤར་དང་ལྷན་ཅིག་ཁྱེད་ཉིད་མཇལ་འདོད་ངུ་དབྱངས་གྱེར།། ཐུབ་པ་མཆོག་དེའི་གདམས་པའི་ཉིང་ཁུ་བྱམས་དང་སྙིང་རྗེའི་རྒྱ་མཚོ་ལས།།ཉེར་ཐོན་འཚེ་བ་མེད་པའི་མཛད་པས་འཇིག་རྟེན་སྐྱེ་དགུའི་ཡིད་འཕྲོག་སྟེ།།མཚན་དང་དོན་མཐུན་འཇིག་རྟེན་ཞི་བདེའི་དེད་དཔོན་ཆེན་པོར་བཀུར་བ་ན།།སྙན་གྲགས་ཚ་ཟེར་ཕྱོགས་བཅུར་འཕྲོས་པས་ནག་ཕྱོགས་སྙིང་ལ་མུན་པ་བབ།། གཞི་ཡི་གནས་ཚུལ་ཇི་ལྟར་ཡིན་ཀྱང་གྲུབ་དོན་གཏན་ལ་འབེབས་པའི་ཚེ།།དེང་རབས་སྐྱེ་བོའི་བློ་དང་འཚམས་པར་ཟབ་མོ་རྟེན་ཅིང་འབྲེལ་འབྱུང་དོན།།རྒྱ་ལས་མི་བརྒལ་འདི་དང་བསྟུན་ཞེས་འཇིག་རྟེན་ཀུན་ཏུ་བསྒྲགས་པའི་མཐུས།།རྟེན་འབྱུང་གཏམ་དེ་རིག་གསར་མཁན་པོའི་གཅེས་ཞིང་ཕངས་པའི་ནོར་དུ་གྱུར།། རང་གི་ཆོས་ལ་ཨ་འཐད་སེམས་ཀྱིས་ཆོས་ལུགས་གཞན་ལ་དམའ་འབེབས་པ།།སྤྱི་སྲོལ་འདྲ་ཡང་དེང་གི་དུས་སུ་སྨྲ་བའི་ཉི་མ་ཁྱེད་ཀྱིས་ནི།།བྱམས་དང་བརྩེ་བ་བཟོད་བསྲན་ལ་སོགས་མཐུན་པའི་བསླབ་བྱ་གཅིག་བསྡུས་ནས།།སྣ་ཚོགས་ཆོས་ཀྱི་གདམས་པའི་ཉིང་ཁུ་འཇིག་རྟེན་ཀུན་ཏུ་གསལ་བར་བསྒྲགས།། ཟབ་མོ་རྟེན་འབྱུང་དེ་ཉིད་ངོ་མཚར་འཕགས་མཆོག་ཀླུ་སྒྲུབ་ལས་འོངས་པ།།དཔལ་ལྡན་ཟླ་བས་བཀྲལ་བ་ཇི་བཞིན་ཉིད་ཀྱིས་ལེགས་པར་དགོངས་པ་གང་།།རིན་ཆེན་སེམས་དང་ཟུང་དུ་འཇུག་པའི་ལམ་བཟང་དམ་པར་ཉིད་གཤེགས་ནས།།ཐུགས་ཀྱི་ཉིང་བཅུད་ཟབ་རྒྱས་བདུད་རྩིས་ལྐལ་ལྡན་ཡིད་ཀྱི་ཤིས་པ་བསྒྲུབས།། གངས་ལྗོངས་བསྟན་སྲིད་ཐུགས་ལ་བརྣགས་པས་གནོད་བྱེད་རྒྱལ་འགོངས་བསྟེན་གསོལ་རྒྱུན།།སྣུབ་པའི་འཕྲིན་ལས་རིམ་གྱིས་མཛད་བཞིན་བོད་འབངས་སྤྱི་ཡིས་བཀའ་བསྒྲུབས་ཀྱང་།།ཅོལ་ཆུང་བསོད་དམན་འབྱུང་པོས་རྒྱུད་བསླད་དམར་པོའི་ནོར་གྱིས་བསླུས་པ་འགས།།ཁུངས་མེད་ཅ་ཅོ་ཕྱོགས་བཅུར་བསྒྲགས་ཀྱང་ཡ་རབས་སུ་ཞིག་ཡིད་རྟོན་བྱེད།། ཐུབ་བསྟན་ཉིན་མོར་བྱེད་པའི་འཕྲིན་ལས་གངས་ཅན་ལྗོངས་སུ་གདལ་བ་ན།།བསྟན་འཛིན་མཁས་གྲུབ་བྱེ་བའི་རོལ་མཚོ་དཔལ་ལྡན་ན་ལནྜ་ཡི་སྲོལ།།བཀའ་བབས་མདོ་྄རྒྱུད་གདམས་པའི་ཞལ་ཆབ་སྐྱོངབའི་གངས་ཅན་ཆོས་བརྒྱུད་རྣམས།།དམ་ཚིག་འོ་ཆུ་གཅིག་ཏུ་འདྲེས་པའི་རྫོགས་ལྡན་བཞིན་རས་གསར་དུ་ངོམས།། མདོར་ན་ཁྱེད་ཀྱི་གསང་གསུམ་མཛད་པར་འགྲན་པའི་ཟླ་ཞིག་འདིར་མཆིས་ན།།དེ་ནི་ཁྱེད་དེ་ཁྱེེད་ཉིད་ལས་གཞན་ཁྱེད་དང་སྐལ་བ་མཉམ་པ་སུ།།དེ་ཕྱིར་བདག་ཅག་བོད་འབངས་རྣམས་ཀྱི་མགོན་དཔུང་དམ་པར་བརྟན་བཞུགས་ནས།།གངས་ཅན་སྐྱེ་འགྲོའི་བསྟན་སྲིད་བདེ་ཐབས་ཐུགས་བཞེད་བཞིན་དུ་ལྷུན་འགྲུབ་ཤོག། བདག་ཅག་ཚེ་རབས་སྐྱེ་བའི་ཕྲེང་བར་མགོན་པོ་ཁྱེད་ཀྱིས་རྗེས་བཟུང་སྟེ།།ངེས་འབྱུང་བྱང་སེམས་ཡང་དག་ལྟ་དང་རིམ་གཉིས་ཟབ་མོའི་རྣལ་འབྱོར་ལམ།།ཐུགས་བཅུད་བདུད་རྩི་བུམ་པ་གང་བྱོར་བདག་ཅག་སྙིང་གི་གཟུངས་སྨིན་ཏེ།།ཇི་སྲིད་འཁོར་བ་མ་སྟོངས་བར་དུ་འགྲོ་བའི་དོན་ལ་སྤྱོད་པར་ཤོག། ཅེས་ ༧རྒྱལ་དབང་སྐུ་ཕྲེང་བཅུ་བཞི་པ་ཆེན་པོའི་གསང་གསུམ་མཛད་འཕྲིན་ལས་བརྩམས་ཏེ་བསྟོད་པ་ཕན་བདེའི་གྲུ་ཆར་འགུག་པའི་དབྱར་རྔ་ཞེས་བྱ་བ་འདི་ནི། འབྲས་སྤུངས་བློ་གསལ་གླིང་རྩེད་ཐང་ཁང་ཚན་གྱི་འདུས་ལས་ནས་བསྐུལ་བ་བཞིན། མགོན་པོ་གང་ཉིད་ཀྱི་ཚིགས་སྔ་ཕྱི་གཉིས་ཀའི་མཁན་བུར་གཏོགས་པའི་སྐལ་བ་ཅན། སྙོམས་ལས་པ་བསྟན་འཛིན་དཔལ་མཆོག་ཏུ་འབོད་པས་ ༢༠༡༡ / ༥ / ༡༥ ཉིན་སྒོ་གསུམ་དང་བ་ཆེན་པོས་རྫོགས་པར་སྦྱར་བའོ།། །། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

མཚུངས་མེད་གྲོགས་པོ་རྣམ་པ། ཕྲན་ནས་འདིར་ཁ་པར་དང་འབྲེལ་བའི་མིང་ཚིག་གསར་སྒྲིག་ཞིག་ཚོད་བལྟར་སྤྱན་འབུལ་ཞུས་ཡོད་ན། བསམ་ཚུལ་ལྷུགས་པོར་གསུངས་རོགས། contact འབྲེལ་ཡུལ།messaging འཕྲིན།notes ཟིན་ཐོ།photo འདྲ་པར།video གློག་བརྙན།clock ཚོུད།tools སྒྲིག་ཆས། apps མཉེས་ཆས།music རོལ་དབྱངས།calender ཟླ་ཐོ།calculator རྩིས་ཆས།bluetooth སོ་སྔོན།log དེ་མ་ཐག་པ།games འགྲན་རྩེད།settings སྒྲིག་སྦྱོར།connectivity འབྲེལ་འཐུད།profile སྒེར་ངོས།file manager ཡིག་གཉེར།camera པར་ཆས།apps manager མཉེན་གཉེར།office ཡིག་ཚང་།radio རླུང་འཕྲིན། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།

ར་ས་ཕོ་ཉས་དཔར་བླངས།ཁྱོད་ཀྱི་མིང་ལ་ཅི་ཟེར།རྩངས་པ་ཁ་རལ། རྩངས་པ་སྒལ་ལེབ། རྩངས་པ་སྒལ་རལ། རྩངས་པ་སྐྱ་ལེབ། ངས་བྱས་ན། ཁྱོད་ཀྱི་རྩངས་པ་སྒལ་རལ་རེད།འོ་ན། རྩངས་པ་སྒལ་ལེབ་སུ་རེད་ཟེར་ན། རྩངས་པ་སྒལ་ལེབ་ནི་ཁང་པའི་ནང་རྩིག་ལོགས་སུ་སྦྱར་ནས་འགྲོ་བསྡད་པ་དེ་རེད། རྩངས་པ་སྒལ་རལ་ཟེར་དོན་གང་རེད། རྩངས་པའི་རིགས་གང་ཞིག་ལ་སྒལ་པའི་སྟེང་ཤའི་རལ་པ་ཡོད་པས་ཡིན། བྱས་ན་ལུས་པོའི་ཚོན་མདོག་བརྗེ་བསྒྱུར་ཐུབ་པའི་རྩངས་པའི་རིགས་དེ་ལ་ཅི་ཟེར། ཁྱོད་ཀྱི་མིང་ཤིག་འདོགས་དང་། ཡ་ཡ། དེ་ལ་རྩངས་པ་མདོག་བསྒྱུར་ཟེར་ན་མི་ཆོག་གམ། གྲོགས་པོ་ཚོས་སྐྱ་རེངས་དྲ་ཚིགས་ཐོག་ཏུ་ཡང་ཕེབས་ནས་རྩོམ་ཡིག་གནང་རོགས།